2011 වසරේ සිට 2014 දක්වා කාල සීමාවේදී බැදුම්කර ගණුදෙනු වල ගැටලු හේතුවෙන් රජයට දැවැන්ත මුදලක් ඉදිරියේදී ගෙවීමට සිදුව ඇතැයි අනාවරණවී තිබෙනවා. ඒ හේතුවෙන් 2018 දී රුපියල් බිලියන හයසීයක් සහ 2019 දී රුපියල් බිලියන හාරසීයක් ණය ගෙවීමට රජයට සිදු වී තිබෙන බව නීතිඥ ශානක ද සිල්වා මහතා බැදුම්කර කොමිසම හමුවේ ප්‍රකාශ කළේ ශ්‍රී ලංකා මහ බැංකුවේ හිටපු නියෝජ්‍ය අධිපතිවරයකු වූ ඩබ්ලිව්. විජේවර්ධන මහතාගෙන් විමසීම් සිදුකරමිනුයි. නීතිඥ ශානක සිල්වා මහතාගේ ප්‍රකාශය නිවැරැදි බවයි ඩබ්ලිව්. විජේවර්ධන එහිදී සදහන් කර තිබුණේ.
මේ වන විට රටේ අමෙරිකානු ඩොලර් ට්‍රිලියන එකොළහක් බවද කොමිසම හමුවේ සදහන් කෙරුණා.
ක්‍රමවේදයක් නොමැතිව බැඳුම්කර නිකුත් කරමින් සිදුකර තිබෙන අර්බුද හමුවේ දේශීය ණය කළමනාකරණය කාර්යක්ෂම කිරීම සඳහා මහ බැංකුවට පත්වුණ අධිපති අර්ජුන් මහේන්ද්‍රන් මහතා මැදිහත් වුණ බවයි එහිදී නීතීඥවරයා කරුණු දක්වා ඇත්තේ.
ශ්‍රේෂ්ඨාධිකරණ විනිසුරු කේ ටී චිත්‍රසිරි මහතා සභාපතීත්වයෙන් ශ්‍රේෂ්ඨාධිකරණ විනිසුරු පී එස් ජයවර්ධන සහ වී කන්දසාමි මහත්වරුන්ගෙන් හෙබි බැඳුම්කර කොමිසම හමුවේ පැවැති විභාගයේදීයි මෙම අදහස් පල කෙරුණේ.
No comments:
Post a Comment