31 July 2017

මුරපදය හොයා ගන්නම් ඉවසන්න - අර්ජුන් ඇලේසියස්ට අතිරේක සොලිස්ටර් ජනරාල් කියයි

 පර්පචුවල් ට්‍රෙෂරීස් සමාගමේ හිටපු අධ්‍යක්‍ෂ අර්ජුන් ඇලෝසියස් මහතාගේ ජංගම දුරකථනයේ (ඇපල් ගිණුමේ) රහස්‍ය අංකය ලබා නොදුන්නොත් විමර්ශන නිලධාරීන් එය සොයා ගන්නා බවත්, එතෙක් ඉවසා සිටීමට අර්ජුන් ඇලෝසියස් මහතාට සිදුවන බවත් කොමිසමේ කටයුතුවලට සහාය වන අතිරේක සොලිසිටර් ජනරාල් ජනාධිපති නීතිඥ යසන්ත කෝදාගොඩ මහතා බැඳුම්කර කොමිසමට අද (31දා) දැනුම් දුන්නේය.

අර්ජුන් ඇලෝසියස් මහතාගේ ජංගම දුරකථනයේ (ඇපල් ගිණුමේ) රහස්‍ය අංකය ලබාදීමේ අපහසුතාව ඔහු වෙනුවෙන් පෙනීසිටි ජනාධිපති නීතිඥ අනුජ ප්‍රේමරත්න මහතා කොමිසමට පැහැදිලි කළ අවස්ථාවේදී අතිරේක සොලිසිටර් ජනරාල් ජනාධිපති නීතිඥ යසන්ත කෝදාගොඩ මහතා එසේ දැනුම් දුන්නේය.

2015 පෙබරවාරි මස පළමු වැනිදාත්, 2016 මාර්තු මස 31 වැනිදාත් අතර කාලයේ වත්මන් රජය යටතේ භාණ්ඩාගාර බැඳුම්කර නිකුත් කිරීම පිළිබඳ සොයාබැලීම සඳහා පත්කර ඇති ජනාධිපති පරීක්‍ෂණ කොමිසමේ කටයුතු ශ්‍රේෂ්ඨාධිකරණ විනිසුරුවරුන් වන කේ.ටී. චිත්‍රසිරි, ප්‍රසන්න ජයවර්ධන සහ හිටපු නියෝජ්‍ය විගණකාධිපති වේලුපිල්ලේ කන්දසාමි යන මහත්වරුන්ගෙන් සමන්විත කොමසාරිස්වරුන් හමුවේ මෙම සාක්‍ෂි විභාග කිරීම සිදුකෙරේ.

අර්ජුන් ඇලෝසියස් මහතා භාවිත කළ ජංගම දුරකථන, ලැප්ටොප් පරිගණක, ටැබ්ලට්, පරිගණක ඇතුළු සියලු විද්‍යුත් සන්නිවේදන උපකරණ විමර්ශන නිලධාරීන්ට බාරදෙන ලෙස බැඳුම්කර කොමිසම ඔහුට නියම කළද, ඔහු කොමිසමට බාරදී ඇත්තේ 2016 වසරේ ඔක්තෝබර් මාසයේ සිට තොරතුරු පමණක් බවත්, මෙම විද්‍යුත් සන්නිවේදන උපකරණ සම්බන්ධයෙන් ඩිජිටල් වෝහාරික පරීක්‍ෂණයක් සිදුකිරීමට අවශ්‍ය වී ඇති බවත් අතිරේක සොලිසිටර් ජනරාල් ජනාධිපති නීතිඥ යසන්ත කෝදාගොඩ මහතා මීට පෙර අවස්ථාවකදී කොමිසමට දැනුම් දෙමින් කළ ඉල්ලීමක් පිළිගත් කොමිසම අර්ජුන් ඇලෝසියස් මහතා 2016 ඔක්තෝබර් මාසයේදී භාවිත කළ ජංගම දුරකථනයේ (ඇපල් ගිණුමේ) මුරපදය (Password), භාවිත නාමය (User Name) ආදී කරුණු විමර්ශන නිලධාරීන්ට ලබාදෙන ලෙසද නියම කළේය.

බැඳුම්කර කොමිසමේ කටයුතු අවසන් වීමට ආසන්න අවස්ථාවේදී අර්ජුන් ඇලෝසියස් මහතාගේ අයිතිවාසිකම් වෙනුවෙන් පෙනීසිටි ජනාධිපති නීතිඥ අනුජ ප්‍රේමරත්න මහතා කොමිසම අමතමින් අර්ජුන් ඇලෝසියස් මහතාගේ ජංගම දුරකථනයේ (ඇපල් ගිණුමේ) රහස්‍ය අංකය ලබාදීමේ අපහසුතාව පිළිබඳ පැහැදිලි කළේය.

මේ අවස්ථාවේදී අතිරේක සොලිසිටර් ජනරාල් ජනාධිපති නීතිඥ යසන්ත කෝදාගොඩ මහතා කොමිසම අමතමින් අර්ජුන් ඇලෝසියස් මහතාගේ ජංගම දුරකථනයේ (‘ඇපල් ගිණුමේ) රහස්‍ය අංකය ලබා දුන්නොත් පැය 48ක් ඇතුළත එම උපකරණ සියල්ලම ආපසු ලබාදීමට හැකියාව ඇතැයිද, රහස්‍ය අංකය ලබාදුන්නේ නැත්නම් ඊට විකල්පයක් වශයෙන් එහි රහස්‍ය අංකය සොයා ගන්නා තුරු ඉවසා සිටීමට සිදුවන්නේ යැයිද පැවසීය.

මුදල් ඇමැති රවි කරුණානායකට සුපිරි මහල් නිවස ගත්තේ කලු සල්ලිවලින්

රවි කරුණානායක පවුල සඳහා මොනාක් රෙසිඩන්පිසීස්  මහල් නිවස සංකීර්නයෙන් සුපිරි නිවස මිලදී ගැනීම සඳහා වැය කළ ලක්ෂ 160ක කෙතැනකින් පැමැණියේදැයි නොදන්නා ගිනුම් පොත්හි සඳහන් නොවූ ජවාරම්කාර මුදලක් බව අද බැදුම්කර කොමිසම හමුවේ හෙලිදරව් විය.

මෙම මුදල ගෙවන ලද්දේ ග්ලෝබල් ට්‍රාන්ස්පොටේෂන් සහ ලොජිස්ටික් පෞද්ගලික සමාගමේ සභාපතිවරයා ඔහු සතු සේප්පුවක තබා තිබූ රුපියල් මිලියන 145 කට අධික මුදල් නෝට්ටු මගින් බව  එම සමාගමේ ප්‍රධාන මූල්‍ය නිලධාරියා අද බැදුම්කර කොමිසමේදී ප්‍රකාශ කළේය.

මෙම මුදල සමාගමේ කිසිදු මුල්‍ය ලියවිල්ලක සඳහන්ව තිබී නැත.

එළෙස මුදල්තැ තැන්න්පපත්ත් කර තිබීම  මුදල් විශුද්ධිකරණයට උත්සහ ගැනීමක් විය හැකිද ඔහු සඳහන් කළේය.

මේ අතර  පර්පෙචුඅල් ට්‍රෙෂරීස් සමාගම උපයාගත් විශාල මුදල යෙදවූයේ, කුමන ආයෝජන සඳහා දැයි සොයා බැලිය යුතු බවට ද කොමිසම නිර්දේශ කර තිබේ.

මේ අතර 2016දී  මෙම සුපිරි මහල් නිවාසය මිලදී ගත් ග්ලෝබල් ට්‍රාන්ස්පොටේෂන් සහ ලොජිස්ටික් පෞද්ගලික සමාගමේ ප්‍රධාන මූල්‍ය නිළධාරී බ්‍රයන් සින්නයියා මහතා අද කොමිසම හමුවෙහි සාක්ෂි දුන්නේය.

2015 ජනවාරි 8 වනදා ඉල්ලා අස්වනතෙක් අමාත්‍ය රවී කරුණානායක මහතාද එම ආයතනයේ කළමණාකරණ අධ්‍යක්ෂ වරයකුවූ අතර ඇති අතර මේ වන විට අමාත්‍යවරයාගේ බිරිඳ සහ වැඩිමහල් දියණිය එහි විධායක අධ්‍යක්ෂවරුන් ලෙස සේවය කරයි.

ග්ලෝබල් ට්‍රාන්ස්පොටේෂන් සහ ලොජිස්ටික් පෞද්ගලික සමාගමේ සභාපති ධුරය දරන්නේ එංගලන්තයේ පදිංචි සිලක්ෂිමිකාන්තන් නැමැත්තෙකි.

සින්නයියා මහතා කොමිසම ප්‍රකාශ කළේ 2016 ජුලී මස ග්ලෝබල් ට්‍රාන්ස්පොටේෂන් සහ ලොජිස්ටික් පෞද්ගලික සමාගමේ ආයතනයේ ආයෝජනයක් වශයෙන් මෙම සුඛෝපභෝගී නිවස මිලදී ගන්නා ලෙස අධ්‍යක්ෂවරුන් තමන්ට උපදෙස් දුන් බවයි.

ග්ලෝබල් ට්‍රාන්ස්පොටේෂන් සහ ලොජිස්ටික් පෞද්ගලික සමාගමේ සභාපති ලෙස කටයුතු කරන ලක්ෂ්මිකාන්තන් නැමැත්තා 2016 පෙබරවාරි මස එංගලන්තයේ සිට පැමිණ ෙ රැපියල් මිලියන 70ක වටිනාකමින් යුත් මුදල් නෝට්ටු පාර්සල් දෙකක් එම සේප්පුවේ තැන්පත් කරන ලෙස ඔහුට උපදෙස් දී තිබේ.

මෙකී  නිවස මිලට ගැනීම සඳහා ලබාගත් බැංකු ණය පළමු වාරිකයේ සිටම ගෙවන ලද්දේ මෙම සේප්පුවෙන් ලබාගත් නෝට්ටු වලින් බව ඔහු කියා සිටියේය.

ඔහු වැඩිදුරටත් පැවසුවේ 2017 පෙබරවාරි මස ලක්ෂ්මිකාන්තන් නැමැත්තා මෙරටට පැමිණි මොහොතේ තවත් රුපියල් මිලියන 75ක් වටිනා මුදල් නෝට්ටු සේප්පුවේ තැන්පත් කළ බවයි.

මෙවැනි ධනයක් මෙරටට ගෙ ආවේද නැතිනම් මෙරටින් ලබා ගත්තේද යන්න පැහැදිළි නැත.

එවකට මුදල් ඇමැතිවරයා වශයෙන් සිටි රවි කරුණානායක මෙවැනි නීති විරෝධී මුල්‍ය ජාවාරමක කොටස්කරුවකු වී සිටීම දේශපාලන අංශයන්හි මවිතයට හේතුවී තිබේ.

වෙනත් රටකදී නම් ඇමැතිවරයා මේ වන විටත් ඉල්ලා අස්විය යුතුව තිබූ බව ද විවිධ ආංරචි මාර්ග සඳහන් කරයි.

රවි කරුණානායක ඉල්ලා අස්විය යුතු බවට වන තෙරපුම වර්ධනය වෙමින් තිබෙන අතර ජනාධිපති සිරිසේන කියා ඇත්තේ කුණු වූ ආණ්ඩුවක සිටීමට තමන් සූදානම් නැති බවයි.

ෂැංගිලා හෝටලයට ගොස් එන බණ්ඩාරනායක දුටුවෙහිද?

මොස්කව් නුවර සූර්කොෂ් රාජ්‍ය කලායතනයේ ප්‍රධානීයා ද රුසියාවේ ඇකඩමියේ උප සභාපතිවරයා ලෙස ද කටයුතු කළ සෝවියට් දේශය බිහිකළ ශ්‍රේෂ්ඨ කලාකරුවෙකු ලෙස සැලකෙන ලෙව් කෙරබල් මූර්ති ශිල්පියා එවකට ශ්‍රී ලංකාවේ අග්‍රාමාත්‍යවරිය වූ සිරිමාවෝ බණ්ඩාරනායක මැතිණියගෙන් විශේෂ ඉල්ලීමක් කර තිබේ. මේ ශ්‍රේෂ්ඨ මූර්ති ශිල්පියාගේ ඉල්ලීම ඉතා සතුටින් පිළිගෙන ඇති සිරිමාවෝ බණ්ඩාරනායක මැතිණිය එය එසේම වන බවට පොරොන්දුවක් ද ලබා දී තිබේ.

ලෙව් කෙරබල් ශ්‍රී ලංකාව තුළ සනිටුහන් කළ අපූරු සළකුණක් ඇත. එය අන් කිසිවක් නොව ගාලු මුවදොර ආසන්නයේ ස්ථාපිත කර ඇති බණ්ඩාරනායක පිළිරුවයි. එම පිළිරුවේ නිර්මාණ ශිල්පියා වන්නේ ලෙව් කෙරබල්ය. කෙරබල් එම නිර්මාණය කරන්නේ සෝවියට දේශයේ රජයෙන් සිදුකළ නියමයක් අනුවය. පංච මහා බලවේගය හමුවේ ඇති නොනිමි මෙහෙවර උදෙසා මහා මාරුතයන් මැද ඝෘජු ලෙස ඉදිරියට ඇදෙන බණ්ඩාරනායක පෞර්ෂය කදිමට නිරූපණය කරන එම ප්‍රතිමාව සෝවියට දේශයෙන් ශ්‍රී ලංකාවට පිදෙන ත්‍යාගයක් ලෙස ශ්‍රී ලංකාවට රැගෙන එනු ලබන්නේ 1976 වර්ෂයේදී ය. ඒ මොස්කව් නුවර සිට ඒ සඳහාම යොදවන ලද විශේෂ මිග් ගුවන් යානයකිනි.

මාපලගම විපුලසාර හිමි

මෙරටට රැගෙන ආ අසහාය ශ්‍රී ලාංකික පුත්‍රයාගේ පිළිරුව ස්ථාපිත කිරීම සඳහා සුදුසු ස්ථානය නිර්ණය කර ඇත්තේ කලාශූරි මාපලගම විපුලසාර හිමිපාණන් විසිනි. එම ස්ථානයේ ඊට සුදුසු පසුතලය හෙවත් ඒ සඳහාම සකස් කරන ලද කඳුගැටය නිර්මාණය කර ඇත්තේ ශ්‍රී ලංකාවේ ප්‍රමුඛ පෙළේ ගෘහ නිර්මාණ ශිල්පියෙක් වන සුරේන් වික්‍රමසිංහ මහතා විසිනි. ඒ සියල්ලන්ගේ නිර්මාණ දායකත්වයෙන් ස්ථාපිත කළ බණ්ඩාරනායක පිළිරුව විවෘත කිරීමෙන් පසු එහි නිර්මාණ ශිල්පියා සිරිමාවෝ බණ්ඩාරනායක මැතිණියගෙන් සිදු කර ඇති ඉල්ලීම කුමක් විය හැකිද?

මැතිණියනි, මේ පිළිරුව මගේ නිර්මාණයක් වුවත් ඒ තුළ මූර්තිමත් වන්නේ මේ රටේ අසහාය නායකයෙකි. එතුමන් කෙරෙහි ද රටක් ලෙස ශ්‍රී ලංකාව පිළිබඳව ද සෝවියට ජනතාව තුළ පවත්නා ගෞරවය සනිටුහන් කිරීම සඳහා මෙම පිළිරුව නිර්මාණය කර ඔබ වෙත පිරිනමන්නෙමු. මේ පිළිරුවට කරන ගෞරවයක් ලෙසට මේ පිළිරුව තුළින් මූර්තිමත් වන අසහාය පෞර්ෂය ද බණ්ඩාරනායක මහතා අනුදත් දේශපාලන දර්ශනය ද මැනවින් ප්‍රදර්ශනය වනු පිණිස එය සදාකල් මේ ආකාරයෙන්ම පවත්වාගත යුතුය. එහිදී කිසිඳු විටක මේ පිළිරුව පිටුපස හෝටලයක් ඉදි නොකිරීමට වගාබලා ගත යුතුය. මා ඔබගෙන් කරන එකම ඉල්ලීම එයයි.

ලෙව් කෙරබල් ශ්‍රේෂ්ඨ මූර්ති ශිල්පියා බණ්ඩාරනායක මැතිණයගෙන් එවැනි ඉල්ලීමක් කර ඇත්තේ එවැන්නක් සිදුවුවහොත් ඒ මගින් බණ්ඩාරනායක පිළිරුව තුළ මූර්තිමත්වන ජීව ගුණයට එමගින් හානියක් සිදුවිය හැකි නිසා පමණක්ම නොවේ. එවැන්නක් මගින් බණ්ඩාරනායක පිළිරුව ඒ හෝටලයේ තවත් එක් අලංකාරික භාණ්ඩයක් බවට ද පත්වන බව මැනවින් තේරුම්ගැනීම නිසා විය යුතුය.

එහෙත් අද වන විට ලෙව් කෙරබල් ද ජීවතුන් අතර නැත. සිරිමාවෝ බණ්ඩාරනායක මැතිණිය ද අප අතර ජීවත් නොවේ. එහෙත් එස්.ඩබ්.ආර්.ඩී. බණ්ඩාරනායක, සිරිමාවෝ බණ්ඩාරනායක වැනි දැවැන්ත චරිත මත ගොඩනැගුණු මේ රටට නව දේශපාලන සම්ප්‍රදායක් උරුමකර දුන් ශ්‍රී ලංකා නිදහස් පක්ෂයේ පාලන සමයකදීම බණ්ඩාරනායක පිළිරුව චීන හෝටලයක දොරටුපාලයෙක් කර තිබේ.

ඒ සඳහා මග සකසා ඇත්තේ හිටපු ජනාධිපති මහින්ද රාජපක්ෂ මහතාය. එය එසේ සිදු කර ඇත්තේ බණ්ඩාරනායක පිළිරුව ආසන්නයෙන්ම අක්කර 06 කට වඩා වැඩි ඉඩම් ප්‍රමාණයක් චීන හෝටල් සමාගමකට සින්නක්කරවම විකුණා දැමීම මගිනි. කෝට්ටේ යුගයේ රජකළ දොන් ජුවාන් ධර්මපාලගෙන් පසු මේ රටේ කිසිම පාලකයෙක් එවැන්නක් සිදුකර නැති බවනම් ඉතා පැහැදිළිය.

මහින්ද රාජපක්ෂ මහතාගේ පාලන සමයේදී ඉඩම් අමාත්‍යාංශයේ ලේකම්වරයාව සිටී අශෝක පීරිස් මහතා ප්‍රකාශ කර ඇති ආකාරයට ජනාධිපති මන්දිරය අසළ යුද හමුදා මූලස්ථානය ද පිහිටි මෙම ඉඩම හිටපු ජනාධිපති මහින්ද රාජපක්ෂ මහතා විසින් චීනයට අයත් ෂැංගිලා හෝටල් සමූහයට විකුණා ඇත්තේ ඉඩම් අමාත්‍යාංශයට ද හොර රහසේය.

ඒ කෙසේ වුවත් දැන් අප රටට එම ඉඩමේ හිමිකමක් නැත. එහෙත් අප රටට කළ ගෞරවයක් ලෙස සෝවියට සමූහාණ්ඩුව මගින් නිර්මාණය කර පරිත්‍යාග කරන ලද බණ්ඩාරනායක පිළිරුව තවදුරටත් පවතිනවා ඇත. එහෙත් ඒ පෙර පැවති ආකාරයෙන්ම නොවේ. ඉතා නුදුරු දිනයක සංචාරයක පාරාදීසයක් විය හැකි දැවැන්ත හෝටලයක් ඉදිරිපිට ඇති බණ්ඩාරනායක පිළිරුව බොහෝ දෙනෙකුට එදවස දිස්වනු ඇත්තේ හෝටලය තුළ සිට පිටතට එන තවත් එක් පුද්ගලයෙකු ලෙසටය.

මේ රටේ දේශප්‍රේමියෙකු ලෙස පෙනී සිටින්නෙකු සැබෑ දේශප්‍රේමියෙකුට අත්කරදී ඇත්තේ එවැනි වූ ඉරණමකි.

| සුනිල් ජයසේකර

රාජපක්ෂ සදාකාලයටම ගාලු මුවදොර ඉඩම් චීන සමාගමකට ලියා දුන් ලියැවිල්ල මෙන්න | PHOTO

කොළඹ යුධ හමුදා මුලස්ථානය පිහිටි ගෝල්ෆේස් ඉදිරිපිට ඉඩම ජනපති රාජපක්ෂ විසින්  සින්නක්කරවම ෂැංගිලා හෝටල්   සමාගමට විකුණා දැමු ලියැවිල්ල  පහත දැක්වේ.

අද හම්බන්තොට චීනයට දෙන්නේ යැයි කෑමොර දෙන රාජපක්ෂවරුන් රටේ වැදගත්ම මර්මස්ථානයක් චීන සමාගමකට පවරා දුන්නේ එසේය.

හෙක්ටයාර 2.4361 හෙවත් පර්චස් 963.15ක් රුපියල් මිලියන 8250ක  රාජපක්ෂවරු චීන සමාගමට ලියා දුන්නේ පර්චසයක් ලක්ෂ 85ක පමණ අඩු මිලකටය. මතක තබා ගන්න මේ විකිණීම කර ඇත්තේ සදාකාලිකවය.






ජනපති දියණියකගේ ඡායාරූපයක් සමාජ ජාල කළඹයි

ජනපතිවරයෙකුගේ බාල දියණියකගේ ඡායාරූපයක් හේතුවෙන් මේ වන විට සමාජ ජාල මාධ්‍ය ඔස්සේ දැඩි කතාබහක් මතුව ඇති බව විදෙස් වාර්තා පෙන්වා දෙනවා.

කිර්ගීසියාවේ ජනාධිපති අල්මාෂ්බෙක් අතම්බෙයාෆ්ගේ බාල දියණිය වන අලියා ශගීවා සිය දියණියට මව්කිරි ලබාදෙන ඡායාරූපයක් මෙලෙස දැඩි කතාබහට ලක්ව තිබෙනවා.

එම ඡායාරූපයේ දැක්වෙන්නේ ඇය විසින් නිරාවරණය කෙරුණු උඩුකයෙන් යුක්තව සිය දරුවාට මව්කිරි පොවන ආකාරයයි.

කෙසේ වෙතත් මෙය දරුවෙකුට මව්කිරි පොවන දසුනක් ද නැතහොත් එය සරාගී හැගීම් මතුකරන දසුනක්දැයි සමාජ ජාල මාධ්‍ය ඔස්සේ දැඩි සංවාදයක් මතුව තිබෙනවා.

ජනපති දියණිය පවසා ඇත්තේ සිය බිළිදාට කුසගිනි වූ  ඕනෑම අවස්ථාවක  ඕනෑම ස්ථානයක සිට මව්කිරි දෙන බවයි.

මතුවූ දැඩි සංවාදයත් සමග ඇය මෙම ඡායාරූපය ඉවත් කරගෙන ඇති අතර ඇගේ පියා ඇතුළු පවුලේ සාමාජිකයින් ද ඡායාරූපයට නොසතුට පළ කර තිබෙනවා.

මාස 06ට ආණ්ඩු විරෝධී සටන් 1500ක්

මෙම වසරේ ගත වූ මුල් මාස 06 තුළ ආණ්ඩු විරෝධි වැඩවර්ජන සහ උද්ඝෝෂණ 1500 ක් සිදුව ඇතැයි පාර්ලිමේන්තු මන්ත‍්‍රී මුජිබර් රහුමන් පවසනවා.

ඉන් බහුතරයක් ආණ්ඩුවේ ගමන අඩාල කිරීම සඳහා සැලසුම් සහගතව සංවිධාන කළ ඒවා යැයි අනාවරණය වී ඇති බවයි මන්ත‍්‍රීවරයා කියා සිටියේ.

වෘත්තීය ගැටළුවල දී වැඩ වර්ජන යනු අවසන් විසඳුම විය යුතු බවයි මුජිබර් රහුමන් මන්ත‍්‍රීවරයා වැඩිදුරටත් සඳහන් කළේ.

ත්‍රිරෝදයට උපරිම වේග සීමාවක්‌ මීටර් සවිකිරීමත් අනිවාර්ය කරයි

ත්‍රිරෝද රථ පැදවීමේ උපරිම වේග සීමාව පැයට කිලෝමීටර් 40 ක්‌ ලෙසට අනිවාර්ය කරන බව මාර්ග ආරක්‍ෂාව පිළිබඳ ජාතික සභාවේ සභාපති වෛද්‍ය සිසිර කෝදාගොඩ මහතා මාධ්‍යට ඊයේ (30 වැනිදා) පැවසීය.

ඉදිරි දින කීපය තුළ මේ සඳහා වන ගැසට්‌ නිවේදනය නිකුත් කිරීමට නියමිත බව ද ත්‍රිරෝද රථ අනතුරුවලින් මියයන සංඛ්‍යාව වැඩිවීම නිසා මෙම වේග සීමාව පැනවීමට පියවර ගන්නා බව ද ඒ මහතා කියා සිටියේය.

මේ අතර මගී ප්‍රවාහන ත්‍රිරෝද රථ සඳහා මීටර් සවිකිරීම අනිවාර්ය කිරීමට අදාළ ගැසට්‌ නිවේදනය ඉදිරියේදී නිකුත් කරන බව ද ඒ මහතා කීය.

මීට අදාළ වාර්තාව ප්‍රවාහන අමාත්‍යවරයා වෙත බාරදීමෙන් අනතුරුව එම ගැසට්‌ නිවේදනය නිකුත් කිරීමට කටයුතු කරන බව ද ඒ මහතා කියා සිටියේය.

ශ‍්‍රී ලංකාවට තවත් ඉන්දීය සංචාරයක්

ශ‍්‍රී ලංකා කණ්ඩායම ලබන නොවැම්බර් මස දී ඉන්දීය තරග සංචාරයකට එක් වීමට නියමිතව තිබෙනවා.

ඒ, ටෙස්ට් තරග 03ක්, එක්දින තරග 05ක් සහ පන්දුවාර 20 ක‍්‍රිකට් තරගයක් සඳහායි.

ශ‍්‍රී ලංකාව සහ ඉන්දියාව අතර මේ වන විට ශ‍්‍රී ලංකාවේදී පූර්ණ ක‍්‍රිකට් තරගාවලියක් පැවැත්වෙනවා.

ඉන්දිය කණ්ඩායම මේ වන විට පළමු ටෙස්ට් තරගය ජය ගෙන සිටින අතර, ඉදිරියේ පැවැත්වෙන ටෙස්ට් තරග දෙකේදී ශ‍්‍රී ලංකා ක‍්‍රිඩකයින් දක්ෂතා අතරට පැමිණිම ඉතා වැදගත් බවයි ක‍්‍රිකට් විචාරයකින් පෙන්වා දෙන්නේ.

ඉන්දියාව සමග පැවැත්වෙන ටෙස්ට්, එක්දින සහ පන්දුවාර 20 තරගාවලියේ ශ‍්‍රී ලංකාව පරාජයට පත් වුවහොත් නොවැම්බරයේ ආරම්භ වන ඉන්දීය සංචාරයද ශ‍්‍රි ලංකාවට දැඩි අභියෝගයක් වනු ඇති බවයි ක‍්‍රිකට් විචාරකයන් පෙන්වා දෙන්නේ.

“චීන හමුදාවට ඕනෑම හමුදාවක් පරාජය කළ හැකියි”

මහජන චීන විමුක්ති හමුදාවට ඕනෑම ආක්‍රමණික හමුදාවක් පරාජය කළ හැකි බව චීන ජනපති ෂී ජින්පින්ග් මහතා චීන නිදහස් හමුදාව ආරම්භ කර වසර 90ක් පිරීම නිමිත්තෙන් අද (30) පැවැති හමුදා ආචාර පෙළපාලිය අමතමින් ප්‍රකාශ කළේය.

උතුරු චීනයේ මොංගෝලියා කලාපයට ආසන්නයේ පිහිටි ෂූරිචේ හිදි මෙම දැවැන්ත හමුදා ආචාර පෙළපාලිය පැවැත්වුණු අතර චීන ජනාධිපතිවරයා ජීප් රථයක නැගී ආචාර පෙළපාලිය නිරීක්ෂණය කිරීමේද යෙදුණු බව විදෙස් වාර්තාවල දැක්වේ.

ජිප් රථයේ නැගී ආචාර පෙළපාලිය නිරීක්ෂණයේ යෙදෙන අතරවාරයේදී චීන ජනාධිපතිවරයා “සහෝදරවරුන්, සහෝදරවරුන්, ඔබ වෙහෙස වී සේවය කරනවා” යනුවෙන් කී බව ද වාර්තා විය.

හමුදා පෙළපාලියට නව තාක්ෂණයෙන් යුතු ජෙට් යානා ඇතුළු නවීන අංගෝපාංග එක් කර තිබූ අතර චීන හමුදාවේ යුද ශක්තිය පිළිඹිඹු කරමින් දැවැන්ත ආචාර පෙළපාලියක් පැවැත්වීමට චීනය කටයුතු කර තිබිණි.

මිලියන 2.3ක් සාමාජිකයන් සිටින මහජන චීන විමුක්ති හමුදාව ලොව විශාලතම හමුදාවයි.

මහජන චීන විමුක්ති හමුදාව 1927 වසරේ අගෝස්තු 1 වන දා ආරම්භ කෙරුණේ කොමියුනිස්ට් චීනයේ නිර්මාතෘ මා ඕ සේතුංගේ නායකත්වය යටතේයි.


මත්තල කළමනාකාරීත්වය වෙනත් සමාගමකට ?

මත්තල ජාත්‍යන්තර ගුවන් තොටුපලේ කළමනාකාරිත්වය වෙනත් සමාගමකට පවරාදිම සම්බන්ධයෙන් අවධානය. යොමුව ඇති බව අග්‍රාමාත්‍ය රනිල් වික්‍රමසිංහ මහතා පවසයි.

ගුවන් සමාගමේ ලාභය ඉහළ ගැන්විමේ අරමුණින් මෙය ක්‍රියාත්මක කරන බව අග්‍රාමාත්‍යවරයා සඳහන් කළේය.

අළුත්ගම කන්දෙවිහාරස්ථානයේ පැවැති උත්සවයකින් අනතුරුව මාධ්‍ය වෙත අදහස් දක්වමින් අග්‍රාමාත්‍යවරයා මෙම අදහස් පළ කළේය.

මේ අතර හම්බන්තොට ප්‍රදේශයේ පැවැති උත්සවයකට එක්වෙමින් ධීවර අමාත්‍ය මහින්ද අමරවීර මහතා හම්බන්තොට වරාය ගිවිසුම සම්බන්ධයෙන් මෙලෙස අදහස් පළ කළේය.

මෙහිදී වැඩිදුරටත් අදහස් දැක්වූ අමාත්‍යවරයා පවසා සිටියේ හම්බන්තොට වරායේ රැකියා කිසිදු චින ජාතිකයෙකුට ලබා නොදෙන බවයි.

“මගේ අම්මට මාව හම්බවෙන්න විලිරුදාව හැදුනේ සුද්දගෙ වත්තේ තේ දළු කඩනකමන්”

අලුත උපදින දරුවෙකුට පළමු මාස 06 තුළ මව්කිිරි ලබාදීමේ අවස්ථාව සෑම මවකටම උරුම කරදිය යුතු බව සෞඛ්‍ය අධ්‍යක්‍ෂ ජනරාල් වෛද්‍ය ජයසුන්දර බණ්ඩාර පවසනවා.

ඔහු කියා සිටියේ වතුකරයේ ඇතුළු ඇතැම් ප‍්‍රදේශවල මව්වරුන්ට මෙම අවස්ථාව ගිලිහී ගොස් ඇති බවයි.

ඔහු මෙම අදහස් පල කළේ 2017 ජාතික මව්කිරි දීමේ සතිය, වතුකරය කේන්ද්‍ර කර ගනිමින් ආරම්භ කිරීමේ උත්සවයට එක්වෙමින්.

එහිදී ඔහු වැඩි දුරටත් සඳහන් කළේ “මගේ අම්මා.. මාව හම්බවෙන්න විලිරුදාව හැදුනේ සුද්දගෙ වත්තේ තේ දළු කඩනකමන්. කහවත්ත රෝහලේ දී මාව හම්බවෙනකොට මගේ බර ග්‍රෑම් 1500 කට සමානයි. ඒ කියන්නේ ජීවත් වෙයි කියලා නොහිතන පුංචි බෝනික්කෙක් තමයි ඉඳලා තියෙන්නේ. හැබැයි අපේ අම්මා ළමයි 07 දෙනෙක්ගේ පවුලේ 05 වැනි දරුවා ලෙස මට අවුරුදු 03 ක් මව්කිරි පොවලා තියෙනවා. ඒ නිසා ඒ දුප්පත් කොල්ලට අද ලංකාවේ සෞඛ්‍ය සේවා අධ්‍යක්ෂ ජනරාල් ධූරයට එන්න පුලුවන් වෙලා තියෙනවා. මව්කිරි තමයි අද ලෝකය වෙනස් කරපු හැම කෙනෙක්ගේම හයිය.” යනුවෙනි.

1990 ගිලන් රථ සේවයට වසරයි: 33,839කට සේවා

ඉන්දියා රජයේ ආධාර මත මෙයට වසරකට පෙර ආරම්භ කරන ලද ඇමතුම් අංක 1990 හදිසි ගිලන් රථ සේවාව. පසුගිය වසරක කාලය තුළදී හදිසි අවස්ථා 33,839 ක් වෙනුවෙන් සේවා ලබාදී ඇති අතර, ඉදිරි වසරේදී එම සේවාව මුළු දිවයින පුරාම ආවරණය වන පරිදි ක්‍රියාත්මක කිරීමට රජයේ අවධානය යොමුවී තිබෙන බව ජාතික ප්‍රතිපත්ති හා ආර්ථික කටයුතු නියෝජ්‍ය අමාත්‍ය හර්ෂ ද සිල්වා මහතා කීය.

රාජගිරියේ පිහිටි ‍ගිලන් රථ සේවාවේ ප්‍රධාන කාර්යාලයේදී වසරක් සැමරීමේ උත්සවයට සහභාගි වෙමින් නියෝජ්‍ය අමාත්‍යවරයා එසේ පැවැසීය.

නියෝජ්‍ය අමාත්‍ය හර්ෂ ද සිල්වා මෙහිදී තවදුරටත් කතා කරමින් ඉන්දියා අගමැති නරේන්ද්‍ර මෝදි මහතා, ශ්‍රී ලංකාවේ සංචාරයකට සහභාගි වූ අවස්ථාවේදී මේ සේවය අපට ලබා දුන් අතර, කොළඹ, ගම්පහ හා කළුතර දිස්ත්‍රික්කවල මෙය හොඳින් ක්‍රියාත්මක වන අතර, සාමාන්‍ය ජනතාවට එම සේවය විශාල උපකාරයක් වී ඇති බවද කීය.

හදිසි අවස්ථාවකට මෙන්ම ගැබිනි මවුවරුන්ට මේ සේවාව විශාල සහනයක් බවද අද දින මව්වරුන් තම දරුවන් සමඟ විශාල පිරිසක් මෙම අවස්ථාවට පැමිණ සිටීම පිළිබඳ වඩාත් සතුටුවන පුද්ගලයා තමා බවද කීය.පසුගිය කාලයේ සිදුවූ ගංවතුර විපත් සිදුවූ අවස්ථාවේද විශාල පිරිසක් මෙමඟින් සහන රැසක් හිමිකරගත් බවද අමාත්‍ය හර්ෂ ද සිල්වා මහතා කීය.

මෙම ගිලන් රථ සේවය මුළු ලංකාව පුරාම ක්‍රියාත්මක කිරීමට දැනට සැලසුම් කරගෙන යන අතර, මෙම සේවාවෙහි ප්‍රයෝජන ගැනීමට කැමති ඕනෑම කෙනෙකුට අවස්ථාව ලබාදී තිබෙන අතර, රැකියා අවස්ථා 2000ක් පමණ ලබාදීමට හැකිවනු ඇතැයිද ඉන්දියානු රජයට අපගේ ගෞරවණීය ස්තුතිය මෙම අවස්ථාවේ පළකර සිටින බවද හර්ෂ ද සිල්වා මහතා කීය. ලංකාවේ වැඩබලන නියෝජ්‍ය ඉන්දියානු තානාපති අරින්දම් බග්ජි මහතා හා වෛද්‍ය ශ්‍රී ලාල් ද සිල්වා යන මහත්වරුද මෙම අවස්ථාවට සහභාගි වූහ.

නෙවිල් ප්‍රනාන්දු රෝහලේ පාලක මණ්‌ඩලයට පත්කළේ වරලත් ගණකාධිකාරිවරයෙක්‌

නෙවිල් ප්‍රනාන්දු ශික්‍ෂණ රෝහලේ පාලක මණ්‌ඩලයට දුම්කොළ සමාගමක අධ්‍යක්‍ෂවරයකු පත්කර ඇති බව. රජයේ වෛද්‍ය නිලධාරීන්ගේ සංගමය ප්‍රකාශ කළ ද එම පුද්ගලයා වරලත් ගණකාධිකාරිවරයකු මෙන්ම අගමැතිවරයාගේ උපදේශකයකු ලෙස ද කටයුතු කරන බව සෞඛ්‍ය, පෝෂණ හා දේශීය වෛද්‍ය අමාත්‍ය රාජිත සේනාරත්න මහතා පවසයි.

රජයේ වෛද්‍ය නිලධාරීන්ගේ සංගමය අගමැතිවරයා සමඟ පසුගියදා සාකච්ඡා පවත්වන අවස්‌ථාවේදී සම්බන්ධීකරණ කටයුතු සිදු කළේද මෙම පුද්ගලයා විසින් බව ඇමැතිවරයා කියා සිටී. සාකච්ඡාවට සහභාගි වූ රජයේ වෛද්‍ය නිලධාරීන්ගේ සංගමයේ සභාපති සහ ලේකම් එය දන්නා බව ද ඇමැතිවරයා කියා සිටී.

එවැනි නියෝගයක්‌ ලබාදුන් පුද්ගලයකුට රජයේ වෛද්‍ය නිලධාරීන්ගේ සංගමය චෝදනා කිරීම විලිලැඡ්ජාවට කාරණයක්‌ බවත් එම කර්තව්‍යය අවසන් වූ පසු සහයෝගය දැක්‌වූ පුද්ගලයාව විවේචනය කිරීම වෘත්තීය සමිතියක ලක්‍ෂණයක්‌ නොවිය යුතු බවත් අමාත්‍යවරයා කියා සිටී.

දුම්කොළ සමාගමට එරෙහි බද්ද රජය මේ වන විට සියයට 90 කින් ඉහළ දමා ඇති අතර දුම්කොළ භාවිතයෙන් ජනතාව බේරාගැනීමට තීන්දු රැසක්‌ ගෙන ඇතැයි ද අමාත්‍යවරයා වැඩිදුරටත් කියා සිටී.

දිස්ත්‍රික්ක 17ක ජනයා නියඟයෙන් පීඩාවට

දිවයින පුරා දිස්ත්‍රික්ක දාහතක් පුරා මේ වන විට නියඟයෙන් දැඩි බලපෑම් එල්ල වෙමින් පවතින බව ආපදා කළමනාකරණ මධ්‍යස්ථානය පවසයි. ඒ අනුව මේ වන විට දිස්ත්‍රික්ක 17ක පවුල් තුන්ලක්ෂ දහහතර දහස් හතළිස් නවයකට අයත් පුද්ගලයන් දසලක්ෂ අනූතුන් දහස් හත්සිය දහහත කර පීඩාවට පත්වී සිටිති.

මින් වැඩිම බලපෑමක් එල්ල වී ඇත්තේ, කුරුණෑගල දිස්ත්‍රික්කයට වන අතර, එහි පවුල් 45730ට අයත් 149962 දෙනෙක් පීඩාවට පත්ව සිටිති. ඊට අමතරව ත්‍රිකුණාමලය 105847ත්, මඩකලපුව 65341ත්, අම්පාර 40548, ‍පොළොන්නරුව 23919, අනුරාධපුරය 55683, පුත්තලම 131051, කිලිනොච්චි 83378, මුලතිව් 115308, යාපනයේ 124206, මන්නාරම 54152, රත්නපුර 812කි. බදුල්ල 29868, මාත‍ලේ 20341 සහ මහනුවර 300 දෙනෙක් මෙමගින් පීඩාවට පත්ව සිටින බව ආපදා කළමනාකරණ මධ්‍යස්ථානය පවසයි.

පානීය ජලය අවශ්‍ය සෑම ප්‍රදේශයකටම කඩිනමින් ජලය ලබාදීමට කටයුතු කරමින් සිටින බව ආපදා කළමනාකරණ මධ්‍යස්ථානයේ සහකාර අධ්‍යක්ෂ ප්‍රදීප් කොඩිප්පිලි මහතා පැවැසීය. ඒ වෙනුවෙන් රජය මේ වන විට වැයකර ඇති මුළු මුදල රුපියල් මිලියන 40කි.

29 July 2017

පොඩ්ඩක් බොන අයට සුභ ආරංචියක්.

මෙම පර්යේෂණය මෙහෙයවූ ඩෙන්මාර්කයේ විශේෂඥයන් පවසන්නේ මිනිස් සිරුරේ රුධිරයෙහි අඩංගු සීනි ප්‍රමාණය පාලනය කිරීමෙහි ලා මද පමණින් වයින් පානය හිතකර වන බවය.

කෙසේ නමුත් නිර්දේශිත ප්‍රමාණයට වඩා මත්පැන් පානය කිරීම හිතකර නොවන බව මෙම වාර්තාවේ අවධාරණය කර තිබේ.

මෙම පර්යේෂණය සඳහා 70,000ක් පමණ දෙනා සහභාගී කරගෙන ඇත. ඔවුන් මත්පැන් පානය ප්‍රමාණයන් සහ අවස්ථා ගණන පිළිබඳව හැදෑරීමෙන් අනතුරුව මෙම පර්යේෂණය සිදුකර තිබේ.

මහජන සෞඛ්‍ය විශේෂඥයන් අනතුරු ඇඟවීමක් කරමින් කියා සිටින්නේ මත්පැන් පානය හේතුවෙන් පිළිකා, හෘද රෝග සහ අක්මාවේ රෝග වැනි බරපතළ රෝග තත්වයන් කිහිපයක් ම ඇතිවිය හැකි බවය.

පානය කරන මත්පැන් ප්‍රමාණය සහ අවස්ථා ගණන මත ප්‍රතිඵල රඳා පවතින බව මෙම පර්යේෂණය මෙහෙයවූ විද්‍යාඥයෝ පවසති.

පර්යේෂණයට සහභාගී වූ පිරිස වසර පහකට පසු පරීක්ෂා කර බැලීමේදී පෙනී ගොස් ඇත්තේ පිරිමින් 859 දෙනෙකුට සහ කාන්තාවන් 887 දෙනෙකුට පළමු හෝ දෙවන කාණ්ඩයේ දියවැඩියාව වැළඳී ඇති බවය.

සතියකට එක්වතාවක් ප්‍රමාණය ඉක්මවා මත්පැන් පානය කරන පිරිස සමඟ සංසන්දනය කිරීමේ දී සතියකට දින තුනක් හෝ හතරක් මද පමණින් මත්පැන් පානය කරන කාන්තාවන්ට දියවැඩියාව වැළඳීමේ අවදානම 32%කින් සහ පිරිමින්ට එම රෝගය වැළඳීමේ අවදානම 27%කින් අඩු වී ඇති බව, පර්යේෂණයට සහභාගී වූ සියලු දෙනා පරීක්ෂා කිරීමෙන් අනතුරුව නිගමනය කර තිබේ.

එමෙන්ම සියලුම මත්පැන් වර්ග එකම ප්‍රතිඵලය ගෙන නොදෙන බවත් වයින් පානය මෙහි දී වඩා හිතකර වන බවත් මෙම වාර්තාවේ සඳහන් වෙයි.

සාමාන්‍ය වෛද්‍ය නිර්දේශය වන්නේ සතියකට මද්‍යසාර ඒකක (Units) 14කට වඩා වැඩි ප්‍රමාණයක් පානය නොකළ යුතු බවය. මෙය සාමාන්‍ය වශයෙන් සමාන වන්නේ සතියකට බීර පයින්ට් හයකට ය. අඩු සාන්ද්‍රනයෙන් යුත් වයින් නම් කුඩා ප්‍රමාණයේ වීදුරු 10කට ය.

මෙම ප්‍රමාණය කොටස් වශයෙන් සතියේ දින තුනක් හෝ හතරක් ඇතුළත පානය කළ යුතු බවත් අතරමැද මද්‍යසාරයෙන් තොර දිනයක් හෝ දෙකක් ගත කළ යුතු බවත් වෛද්‍යවරු පවසති.

නිර්දේශිත මද්‍යසාර ප්‍රමාණය සතියකට දින තුන හතරක් ඇතුළත කොටස් වශයෙන් පානය කිරීම හේතුවෙන් හෘද රෝග ඇතිවීමේ අවදානමද අඩුවන බව වෛද්‍ය මතයයි.

කෙසේ නමුත් මද්‍යසාර කුමන ප්‍රමාණයක් හෝ පානය කිරීම වෙනත් රෝග තත්වයන් 50කට පමණ හේතුකාරක වන හෙයින් මත්පැන් පානය යෝග්‍ය බවට අනුමත කළ නොහැකි යැයි වෛද්‍යවරු අවධාරණය කරති.

ශ්‍රී ලංකාව ටෙස්ට් ක්‍රිකට් ඉතිහාසයේ දරුණුම පරාජය ලබයි

ශ්‍රී ලංකාව සහ ඉන්දියාව අතර පැවති පළමු ටෙස්ට් ක්‍රිකට් තරගයේ ජය ඉන්දියාවට හිමි වුණා. ලකුණු 304ක ජයක් ලැබූ ඉන්දියාව පළමු ඉනිමේදී ලකුණු 600ක් ලබා ගත්තා. දෙවෙනි ඉනිම සඳහා ලකුණු 240ක් රැස්කර ගැනීමටද ඉන්දියාව සමත් වුණා.

ශ්‍රී ලංකාව පළමු ඉනිමේදී සියළු දෙනා දැවී ලකුණු 291ද දෙවෙනි ඉනිමේදී සියළු දෙනා දැවී ලකුණු 245ක්ද රැස් කළා.

ශ්‍රී ලංකාව ටෙස්ට් ක්‍රිකට් ඉතිහාසය තුළ ලැබූ දරුණුතම පරාජය මෙය බවයි වාර්තා වන්නෙ. මීට පෙර 1994දි පකිස්තානය හමුවේ 301ක පරාජයක් ලබා තිබෙනවා.



විදුලිය ජනනයට රුපියල් කෝටි 3800ක්

පවතින දැඩි නියං කාළගුණ තත්ත්වය නිමවන තුරු ඩීසල් බලාගාරවලින් විදුලිය ජනනය කිරීමට ලංකා විදුලිබල මණ්ඩලයට රුපියල් කෝටි 3800ක අමතර පිරිවැයක් දැරීමට සිදුවන බවට ගණන බලා ඇතැයි විදුලිබල හා පුනර්ජනනීය බලශක්ති ඇමති රංජිත් සියඹලාපිටිය මහතා කියා සිටිනවා.

මේ වන විට විදුලිබලාගාර ආශ්‍රිත ජලාශවල ජලමට්ටම 38% මට්ටමට පහත වැටී ඇති බවත් ඩීසල් බලාගාරවලින් සිදුකරන විදුලි ජනනය 80% දක්වා ඉහළ ගොස් ඇති බවද ඇමතිවරයා පවසනවා.

කෙතරම් අමතර වියදමක් දැරුවද අඛණ්ඩව විදුලිය ලබාදීමට කැබිනට් මණ්ඩල රැස්වීමේදී තීන්දු කළ බවද ඒ මහතා වැඩිදුරටත් සඳහන් කළා.

ජනතා විරෝධය නොතකා හම්බන්තොට වරාය ගිවිසුමට අත්සන් තබයි

රජයට එල්ලවු ජනතා විරෝධය සහ වරාය මෙන්ම තෙල් සංස්ථා සේවකයින්ගේ විරෝධය නොතකා හම්බන්තොට මාගම්පුර වරාය, චයිනා මර්චන්ට් පෝට් හෝල්ඩින්ස්ග් සමාගමට බදු දීමේ ගිවිසුමට  වරාය අමාත්‍යාංශ පරිශ්‍රයේදී අත්සන්කර ඇත. හම්බන්තොට වරාය, රාජ්‍ය – පෞද්ගලික හවුල් ව්‍යාපාරයක් ලෙස පවත්වාගෙන යාම මෙම ගිවිසුම මඟින් සිදු වන අතර එහි 70%ක අයිතිය හිමිවන්නේ චයිනා මර්චන්ට් පෝට් හෝල්ඩින්ස්ග් සමාගමටයි.

ශ්‍රී ලංකා රජය වෙනුවෙන් වරාය හා නාවික කටයුතු අමාත්‍යංශ ලේකම් එල්.පී ජයම්පති මහතා සහ ශ්‍රී ලංකා වරාය අධිකාරියේ සභාපති පරාක්‍රම දිසානායක යන මහත්වරුන් මෙම ගිවිසුමට අත්සන් තබා තිබේ. චීන රජය වෙනුවෙන් “චයිනා මර්චන්ට් සමූහයේ“ විධායක උප සභාපති ආචාර්ය හූ ජියාන්හුවා මහතා මෙම ගිවිසුමට අත්සන් තබා ඇති බව සඳහන්ය. ගිවිසුමට අත්සන් තැබීමේ උත්සවය වරාය අමාත්‍යාංශ පරිශ්‍රයේ පැවති අතර, ඒ සඳහා වරාය හා නාවික කටයුතු අමාත්‍ය මහින්ද සමරසිංහ මහතා සහ ශ්‍රී ලංකාවේ චීන තානාපති යි ෂිං ලියැං මහතා ද එක්ව සිටියේය.

මෙම ගිවිසුම රටට සුභදායි ලෙසත් ඛනිජ තෙල් සේවකයන්ගේ යෝජනා අනුවත් සකස් කිරීමටත් පසුගියදා ජනාධිපතිවරයා සමග පැවති සාකච්ජාවේදී  එකගවී තිබුණි. ඒ අනුව ලබන අඟහරුවාදා(01) දෙපාර්ශවයම රැස්වී අදාළ සංශෝධන සම්බන්ධයෙන් සාකච්ඡා කිරීමට නියමිතව තිබුණි. ජනාධිපතිවරයාගේ එම එකඟතාවයට අනුව  ඛනිජ තෙල් වෘත්තීය සමිති සේවකයෝ තාවකාලිකව වැඩවර්ජනය නතර කිරීමටද තීරණය කර කලේය. කෙසේ වෙතත් ජනාධිපතිවරයාගේ එම තීරණයට පිටුපා අගමැතිවරයා මෙම ගිවිසුම අද දින අත්සන් කරනබව ඊයේ ප්‍රකාශ කරනලදි.

නවාස් ෂරීෆ් අගමැතිකමට නුසුදුසු බව අධිකරණය තීන්දු කරයි

දීර්ඝ කාලයක් පැවැති දූෂණ චෝදනාවලට වරදකරු කරමින් පාකිස්තාන අගමැති නවාස් ෂරීෆ් රාජ්‍ය තනතුරක් දැරීමට නුසුදුස්සකු යැයි එරට ශ්‍රේෂ්ඨාධිකරණය අද (28) තීන්දු කළේය.

මතභේදාත්මක දේශපාලන දිවියකට හිමිකම් කියන නවාස් ෂරීෆ්ට ධුර කාලය අවසන් නොකරමින් අග්‍රාමත්‍ය ධුරයෙන් ඉවත් වීමට සිදු වූ තෙවැනි අවස්ථාව මෙයයි.

“ඔහු පාර්ලිමේන්තුවේ සාමාජිකයකු වීමට සුදුසු නැහැ. ඔහු අගමැතිධුරයෙන් ඉවත් විය යුතු” යැයි ශ්‍රේෂ්ඨාධිකරණ විනිසුරු මඬුල්ලේ ඒකමතික තීන්දුව ප්‍රකාශයට පත්කරමින් විනිසුරු ඉජාස් අෆ්සාල් ප්‍රකාශ කළේය.  තීන්දුව ප්‍රකාශට පත් කළ අවස්ථාවේදී විපක්ෂ කණ්ඩායම් වීදිවලට පැමිණ සටන් පාඨ කියමින් ජයඝෝෂා නැගූ බව ද වාර්තා විය.

තීන්දුවෙන් පසු පකිස්තාන අගමැති නවාස් ෂරීෆ් එම තනතුරින් ඉල්ලා අස්වූ බව විදෙස් මාධ්‍ය මීට ටික වේලාවකට පෙර වාර්තා කළේය.

අපිරිසිදු ආණ්ඩුවක මම ඉන්නේ නෑ : ජනාධිපති

තමාට අවශ්‍ය නම් හෙට වුවත් අලුත් ආණ්ඩුවක් හැදිය හැකි බවත්, එහෙත් කුණු ආණ්ඩු හැදීමට තමා සූදානම්. නැති බවත් ජනාධිපති මෛත්‍රීපාල සිරිසේන මහතා ඊයේ රාත්‍රී පැවසීය.

ශ්‍රී ලංකා නිදහස් පක්ෂයේ විධායක සභාව සහ සමස්ත ලංකා කාරක සභාව ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ඊයේ රාත්‍රියේ රැස්වූ අතර එම අවස්ථාවේ ජනාධිපතිවරයා එසේ කීවේය.

කලින් පැවති ආණ්ඩුවෙන් තමා එළියට ආවේ එය අපිරිසිදු ආණ්ඩුවක් නිසා යැයි කී ජනාධිපතිවරයා දැන් සිටින තැන ද අපිරිසිදු නම් තමාට එතැනද සිටිය නොහැකි යැයි කීවේය.

තමා අලුතින් ආණ්ඩුවක් හදන්නේ නම් හදන්නේ පිරිසිදු ආණ්ඩුවක් මිස අපිරිසිදු ආණ්ඩුවක් නොවන බව ද ජනාධිපති මෛත්‍රීපාල සිරිසේන මහතා සඳහන් කළේය.

‘පාර්ලිමේන්තුවේ විනය විරෝධිව හැසිරුණු මන්ත්‍රීවරු එළවිය යුතුයි’ – රාජිත

පාර්ලිමේන්තුවේ දී කථානායකවරයාගේ පුටුවේ හිඳ ගනිමින්, කැඳවීමේ සීනුව නාද කරමින් විනය විරෝධී ලෙස. හැසිරුණු මන්ත‍්‍රීවරු පිරිස පාර්ලිමේන්තුවෙන් එළවීමට කටයුතු කළ යුතු යැයි සෞඛ්‍ය පෝෂණ හා දේශිය වෛද්‍ය අමාත්‍ය රාජිත සේනාරත්න මහතා ප‍්‍රකාශ කළේය.

ඔවුන් එසේ හැසිරුණේ හම්බන්තොට වරාය ගිවිසුම පිළිබඳ ඡන්ද විමසීමේ දී ඔවුන් ලබන පරාජිත ප‍්‍රතිපලය හෙළිවීම වළක්වා ගැනීමට යැයි ද අමාත්‍යවරයා කීය.

ඉදිරියේ දී අසාධාරණ වර්ජනවලදී ඉතා දැඩි පියවර ගන්නා බවත් රටේ ඇති සියලූ නීතින් ඊට එරෙහිව යොදා ගන්නා බවත් සේනාරත්න මහතා සඳහන් කළේය.

කොලොන්නාව තෙල් වර්ජනයේ දී ගත් අන්දමේ දැඩි පියවර ආන්ඩුව ගත යුතු බවත් ආණ්ඩු ප‍්‍රධානීන් බණ්ඩාරනායකලා විය යුතු නැති බවත් අමාත්‍යවරයා වැඩි දුරටත් ප‍්‍රකාශ කළේය.

ඩෙංගු රෝගයෙන් මියගිය සංඛ්‍යාව 310 ක් දක්වා ඉහළට

වසරේ ගතවූ කාලය තුළ ඩෙංගු රෝගයෙන් මියගිය සංඛ්‍යාව 310 ක් දක්වා ඉහළ ගොස් තිබේ. සතියක් තුළදී ඩෙංගු රෝගීන් සංඛ්‍යාව 9,635 කින් ඉහළ ගොස් තිබේ. සෞඛ්‍ය අමාත්‍යංශයේ වසංගත රෝග විද්‍යා අංශයේ සංඛ්‍යා ලේඛන අනුව පසුගිය සෙනසුරාදා ඩෙංගු රෝගීන්ගේ සංඛ්‍යාව දැක්වුණේ එක් ලක්ෂ එක් දහස් හයසිය අනූ අටක් ලෙසිනි. එම සංඛ්‍යාව අද වනවිට එක් ලක්ෂ එකොලොස් දහස් තුන්සිය තිස් තුන දක්වා ඉහළ ගොස් තිබේ.

වැඩිම රෝගීන් පිරිසක් වාර්තා වී ඇත්තේ, කොළඹ දිස්ත්‍රික්කයෙන් වන අතර එම සංඛ්‍යාව 23,574 කි. කොළඹ නගර සභා බල ප්‍රදේශයෙන් පමණක් ඩෙංගු රෝගීන් 3,688 ක් වාර්තා වී තිබේ. ගම්පහ දිස්ත්‍රික්කයෙන් වාර්තා වී ඇති ඩෙංගු රෝගීන් සංඛ්‍යාව 19,576 කි.

මේ අතර කළුතර, මහනුවර, කෑගල්ල, පුත්තලම, කුරුණෑගල, ත්‍රීකුණාමලය වැනි දිස්ත්‍රික්කවලින් ද ඩෙංගු රෝගීන් විශාල වශයෙන් වාර්තා වී ඇතැයි වසංගත රෝග විද්‍යා අංශය සඳහන් කළේය.

28 July 2017

අක්කර පහක ඩොලර් මිලියන 87ක් වටිනා නිවසක්” කොල්ලෙක් නැති ලෝක ධනවතාගේ දියණිය

1996 අවුරුද්දේ උපන් ජෙනිෆර් කැතරීන් ගේට්ස් නම් වන මේ සුරූපී තරුණිය තවම 21 හැවිරිදි වියේ පසු වන අතර ඇගේ පියාගේ වටිනාම වස්තුව බව විශේෂයෙන් පැවසිය යුතු නැහැ. ලෝකයේ සල්ලිකාරම කෙල්ල වුණත් ඇය කාරුණික හදවතක් ඇති තරුණියක බව සනාථ කරන්නේ ඇගේ සත්ව කරුණාවයි.

සුරතල් සතුන් ගණනාවකට නිවහන සලසා ඇති ඇය ඉතාම ආදරයේන් එම සතුන් රැක බලා ගන්නා බව කියැවෙනවා. එමෙන්ම ඇගේ විනෝදාංශය වන්නේ අශ්වයන් පැදවීමයි.

මීට වසර පහකට පෙර බිල් ගේට්ස් සිය ආදරබර දුවට ෆ්ලොරීඩා නගර මධ්‍යයේ අක්කර පහක බිම්කඩක ඩොලර් මිලියන 87ක් වටිනා නිවසක් ඉදි කර දුන් අතර දැන් ඒ නිවසේ පදිංචි කරවීමට දුවට ගැළපෙන සහකරුවෙක් සොයන බව විදෙස් ආරංචි මාර්ග සඳහන් කරනවා.


 

FCIDය නාමල්ගේ ඩුබායි බැංකු ගිණුමෙන් බිලියන 272ක් සොයා ගනී

මූල්‍ය අපරාධ කොට්ඨාසය මඟින් මෙතෙක් සිදුකර ඇති පරීක්ෂණවලට අනුව සිදු වී ඇති මූල්‍ය වංචාවන් අතරින් රුපියල් බිලියන 272 ක පමණ වූ අතිවිශාල මුදලක් උපයාගත ඩුබායි බැංකුවක තැන්පත් කර ඇත්තේ පැවති ඒකාධිපති රාජපක්ෂ රෙජීමයේ රෙජීමාධිපතිවරයා වූ මහින්ද රාජපක්ෂගේ අතිජාත පුත්‍රයා වූ කුප්‍රකට නාමල් රාජපක්ෂ විසින් බවට අනාවරණය කරගෙන තිබේ.

මෙම මුදල මෙරට අයවැය පියවීමට තරම් ප්‍රමාණවත් වූ එකක් බවට අදහසක් පළකරන මූල්‍ය අපරාධ කොට්ඨාසය එතරම් මුදලක් උපයා ගත්තේ කෙසේද යන්න සම්බන්ධවද තොරතුරු රැසක් අනාවරණය කරගෙන තිබේ. මූල්‍ය අපරාධ කොට්ඨාසයට ලැබුණ පැමිණිල්ලක් මත මේ සම්බන්ධව පරීක්ෂණ පවත්වන මූල්‍ය අපරාධ කොට්ඨාසය එම ගිණුමට අදාළව මූල්‍ය තොරතුරු හෙළිකර ගැනීම සඳහා පොලිස් පරීක්ෂණ කණ්ඩායමක් එම ඩුබායි බැංකුව වෙත ගොස් ඇතත් එම ‍තොරතුරු එම බැංකුව විසින් පරීක්ෂණ අංශවලට ලබා දී නොමැති බව ද මූල්‍ය අපරාධ කොට්ඨාස ආරංචි මාර්ග සඳහන් කරයි.

විවිධ වංචාකාරී ක්‍රියාවලින් උපයා ගන්නා ලද රුපියල් බිලියන ගණන් වූ මුදල් පසුගිය කාලයේදී විදෙස් බැංකුවල තැන්පත් කිරීම සහ විදෙස් ව්‍යාපාරික ආයතන සමඟ ගනුදෙනු කිරීමට අදාළ සිදුවීම් 86 ක් සඳහා මූල්‍ය අපරාධ කොට්ඨාසය ජාත්‍යන්තර සහාය ඉල්ලා තිබේ. මේ වන විට එම ඉල්ලීම්වලින් පරීක්ෂණ 39 කට ජාත්‍යන්තර සහාය ලැබී තිබේ.

එක්සත් රාජධානිය මඟින් පරීක්ෂණ 13 කට සහාය ලැබී ඇත. සිංගප්පූරුව මඟින් තවත් පරීක්ෂණ 13 කට ද, ඉන්දියාව විසින් තවත් 13 කට ද, අමෙරිකාව විසින් පරීක්ෂණ 8 කට අදාළ මූල්‍ය ගනුදෙනු තහවුරු කර ගැනීම සඳහා සහාය ලබා දී තිබේ.

2015 ජනවාරි 21 වැනිදා අමාත්‍ය මණ්ඩල තීරණයකට අනුව එම වසරේ පෙබරවාරි මස 13 වැනි දින ගැසට් පත්‍රයක් මඟින් ප්‍රකාශයට පත්කර මූල්‍ය අපරාධ කොට්ඨාසය පිහිටවනු ලැබිණි. ඊට එදා සිට අද දක්වාම රාජපක්ෂ රෙජීමය සහ එම රෙජීමයේ පාදඩ ගැත්තන් ඇතුළු සොර කල්ලි නිරන්තරයෙන් තම විරෝධය දක්වමින් සිටී.

රනිල් මෛත්‍රී රේල් පාරේ සිට ‘සෙල්ෆි‘ ගැසීම

මෙය, රෝමය ගිනි ගනිද්දී වීණා වාදනය කිරීමක් නොව, හෙණ ගහගෙන එන රේල්ලූව ගැන වගේ වගක් නැතිව රේල් පාරේ සිට ‘සෙල්ෆී‘ ගැනීමකි.

කිසි ආණ්ඩුවකට සදාතනික ජනප්‍රියත්වයේ සිටීමට පුලුවන් කමක් නැත. මිනිසුන්ට සේම ආණ්ඩුවලටත්, මැදි වියේ අර්බුදවලට මුහුණදීමට සිදුවෙයි. සිරිසේන-වික්‍රමසිංහ ආණ්ඩුව පෙළෙන ඇතැම් රෝග, එසේ ස්වාභාවික හේතු මත ඇති වූ ඒවා ය. එහෙත් සියල්ල එසේ නොවේ. නැතහොත් බොහොමයක් එසේ නොවේ. අසීමිත අකාර්යක්ෂමතාව, විශේෂ ඕනෑ එපාකම් මත චණ්ඩිකම් පාන කණ්ඩායම් ඉදිරියේ කෙලින් සිට ගැනීමට ඇති අකමැත්ත, තමන්ගේම වළ කැපෙන බව අවබෝධ කර ගැනීමට පවා දක්වන නොහැකියාව ආදිය, ස්වාභාවික ආබාධ නොවේ.

තිස් මසක් වැනි කෙටි කාලයක් බලයේ සිටීමෙන් අනතුරුව, ඇනා ආර්හෙන්ඩ්ගේ වචනයෙන් කිවහොත්, ‘සාමාන්‍ය බුද්ධියේ අති-සාමාන්‍ය නියාමයන් පවා‘ තුට්ටුවකට ගණන් නොගන්නා, ‘ස්වාර්ථයේ ආශාව පවා නැති කර ගත්‘ ආණ්ඩුවක් බවට අද එය පත්ව ඇත. ඒ වනාහී, විහින් ඇති කර ගත් දෙයකි. එසේ සිදුවිය යුතුව තිබුණේ නැත. එහෙත් එසේ සිදු වීමට ඉඩ හැරුණි.

අවුල යනු ප්‍රජාතන්ත්‍රවාදය නොවේ. විනාශය ඔස්සේ ගසාගෙන යාමට ඉඩ හැරීම යහපාලනය නොවේ.

ලංකාව, ප්‍රජාතන්ත්‍රවාදී ආණ්ඩුවක් සහ (මොන සීමාවන් යටතේ වුවත්) ප්‍රජාතන්ත්‍රවාදී විපක්ෂයක් සහිත රටක් විණි නම්, ආණ්ඩුවේ වර්තමාන අර්බුදය, ප්‍රජාතන්ත්‍රවාදයේ අර්බුදයක් නොවන්ට තිබුණි. එක දේශපාලන පක්ෂයකින් තවත් දේශපාලන පක්ෂයකට සාමකාමීව බලය හුවමාරු වීම සහතික කෙරෙන, පීඩනය මුදවා හරින යාන්ත්‍රණයක් වශයෙන් මැතිවරණ ක්‍රියාදාමය ක්‍රියාත්මක විය හැකිව තිබුණි.

අවාසනාවකට, පශ්චාත්-රාජපක්ෂ ශ්‍රී ලංකාවට ප්‍රජාතන්ත්‍රවාදී ආණ්ඩුවක් ඇතත්, ප්‍රජාතන්ත්‍රවාදී විපක්ෂයක් නැත්තේය.

රාජපක්ෂ පාලනය පලවා හැරීම සඳහා, එක්සත් ජාතික පක්ෂය සහ ශ්‍රී ලංකා නිදහස් පක්ෂයේ කොටසක් සමග, පෙර නොවූ විරූ සන්ධානයක් අවැසි විය. (ජනාධිපති සිරිසේන සඳහා ඔහුගේම පක්ෂය තුළ සහ පක්ෂයේ බිම් මට්ටමේ ඇති සහාය කෙතරම් ද යන්න මත්තට දැන ගැනීමට පිළිවන). මේ සන්ධානය විසින්, දකුණේ විපක්ෂ දේශපාලන අවකාශයේ රික්තයක් හෙවත් හිඩැසක් නිර්මාණය කෙළේය. පාර්ලිමේන්තුවේ ප්‍රධාන විපක්ෂය වන ‘දෙමළ ජාතික සන්ධානය‘ ප්‍රජාතන්ත්‍රවාදී වෙතත්. එහි දේශපාලනික-මැතිවරණමය හයිය, පළාත් දෙකකට සීමා වෙයි. ජනතා විමුක්ති පෙරමුණට, සමාජ-ප්‍රජාතන්ත්‍රවාදී හෝ ප්‍රජාතන්ත්‍ර-සමාජවාදී පක්ෂයක් බවට හෝ පත්විය හැකිව තිබුණි නම්, ඉහත කී හිඩැස පිරැවීමට ඊට හැකියාව තිබුණි. එහෙත් එසේ වෙනස් වීමේ කැමැත්තක්වත්, හැකියාවක්වත් ජනතා විමුක්ති පෙරමුණට නොවුණි. එහි ප්‍රතිඵලය වුණේ, එම හිඩැස, මහින්ද රාජපක්ෂ යළි බලයට ගෙන ඒමට පමණක් නොව, රාජපක්ෂවාදි බල කඳවුර යළි ස්ථාපිත කිරීම සඳහා කැප වූ වෛවාරන්න එකතුවක් වන ‘ඒකාබද්ධ විපක්ෂය‘ විසින් පිරැවීමයි.

රාජපක්ෂලා කෙරෙහි ජනාධිපති සිරිසේන තුළ ඇති නොරිස්සීම සහ බිය අව්‍යාජ ය. ඒ අතර, රනිල් වික්‍රමසිංහ විසින් රාජපක්ෂලාට බුරුල දෙනු ලබන්නේ ඒ මගින් ශ්‍රී ලංකා නිදහස් පක්ෂයට පමණක් වළ කැපේ ය යන විශ්වාසයෙනි.

දෑවුරුද්දක් විපක්ෂයේ සිටි කාලය තුළ රාජපක්ෂලා වඩ වඩාත් ප්‍රජාතන්ත්‍ර-වීරෝධී වී ඇත්තාහ. වඩ වඩාත් ප්‍රතිගාමී වී ඇත්තාහ. වඩ වඩාත් අන්තවාදී වී ඇත්තාහ. ස්වයං-විවේචනයක්, ආපසු හැරී බැලීමක්, අලුතින් පටන් ගැනීමක් ගැන හාංකවිසියක්වත් ඔවුන්ට නැත. ස්වකීය පරාජයන්හි වරද ඔවුන් පටවන්නේ සුළු ජාතිකයන් සහ අධිරාජ්‍යවාදීන් මත ය. ප්‍රජාතන්ත්‍රවාදය සහ සංහිඳියාව අරභයා 2015 ජනවාරියේ පටන් අත්කර ගත් අල්ප ප්‍රගතිය පවා කාබාසිනියා කර දැමීමෙන් පටන්ගෙන, තමන්ට අහිමි වූ දේවල් යළි අත්පත් කර ගැනීමේ න්‍යාය පත්‍රයක් එහි පෙරමුණට පැමිණ තිබේ. පවුල් පාලනය යළි ස්ථාපිත කිරීම, ප්‍රජාතන්ත්‍රවාදය නැසීම, සෝබනේට සේම නොවැළැක්විය හැකි මහජන අප්‍රසාදයට එරෙහි වේල්ලක් වශයෙන් සිංහල-බෞද්ධ ස්වෝත්තමවාදී අධි-ව්‍යුහය පාවිච්චියට ගැනීම ආදී, අනාගතේ තමන් කරන්ට යන දේවල්, කිසි කෝලයක් නැතිව ඔවුහූ ප්‍රසිද්ධියේ කියාපාති.

ලංකාවේ මිනිසුන්ට තමන්ගේ දේශපාලඥයන් ගැන කප්පරක් බලාපොරොත්තු නැත. එහෙත් සිරිසේන-වික්‍රමසිංහ ආණ්ඩුව බලයට ගෙන ඒමේදී ඇති කර ගත් අවම ජනතා අපේක්ෂා පවා සාධනය කරලීමට එම ආණ්ඩුව අද අසමත්ව ඇත. එවැනි තත්වයක් තුළ විකල්පයක් සැපයිය හැකි ප්‍රජාතන්ත්‍රීය විපක්ෂයක් නැති වීම හේතුවෙන් ආණ්ඩුවේ අර්බුදය, ප්‍රජාතන්ත්‍රවාදයේ අර්බුදයක් බවට පත්ව ඇත.

උමා ඔය සිට මීතොටමුල්ල හරහා සයිටම් දක්වා රාජපක්ෂ පව්වලට කර ගැසීම
ඒ සා අපේක්ෂාවකින්, ඒ සා විශ්වසනීයත්වයක් සහ සුජාත භාවයකින් යුතුව ආරම්භ කෙරුණු ආණ්ඩුවක් මාස තිහක් ඇතුළත මෙතරම් පරිහානියට ගියේ කෙසේද? කෙටිම පිළිතුර වන්නේ, පොරොන්දු වූ දේවල් නොකිරීමත්, නොකිරීමට පොරොන්දු වූ දේවල් කිරීමත් ය. යහපාලන ප්‍රතිඥා නොතකා හල මේ ආණ්ඩුව රාජපක්ෂලාගේ වැරදිම හිතුමතේ කෙළේය.

උමා ඔය යනු, ආණ්ඩුවේ පුළුල් අර්බුදයේ ක්ෂුද්‍ර අනුරුවකි.

උමා ඔය ව්‍යාපෘතිය මුලින්ම කරලියට ආවේ 1990 ගණන්වල ය. එහෙත් එයින් ඇති විය හැකි පාරිසරික විපාක ගැන හිතා එය එදා ඉවතලන ලදි. එක් පාරිසරික සාධ්‍යතා අධ්‍යයනයකින් එදා හෙලි කොට තිබූ අනර්ථයන්හි ස්වභාවය ඉදිරියේ ලෝකයේ කිසි නම්බුකාර බැංකුවක් ඊට අත නොගසනු ඇත.

එහෙත් ලෝක පරිමාණ නගරයක් බවට හම්බන්තොට පත් කිරීමේ මනෝන්මාදයෙන් ඉදිමී ගිය රාජපක්ෂලා මේ සැලැස්ම දූවිලි ගසා බසා අතට ගත්තේය. හම්බන්තොට වරාය, මත්තල ගුවන් තොටුපොළ සහ යෝජිත කාර්මික කලාපය වැනි ඔවුන්ගේ යෝධ සුදු අලි ව්‍යාපෘති සඳහා ජලය අවශ්‍ය කෙරුණි. උමා ඔය ව්‍යාපෘතියේ මූලික අභිලාෂය වුණේ එකී මහා පිපාසය සංසිඳවීමයි. ඒ සැලැස්ම නිසා සාමාන්‍යයෙන් බදුල්ල දිස්ත්‍රික්කයේත්, විශේෂයෙන් බණ්ඩාරවෙල ප්‍රදේශයේත් ඇති විය හැකි ඝෝර විනාශය එදා රාජපක්ෂලාට ගාණක් නොවුණි.

එකී විනාශකාරී ජාවාරමට කිසි ගෞරවාන්විත බැංකුවක් අත නොගසන තත්වය තුළ ජනාධිපති රාජපක්ෂ ස්වකීය ගජ මිතුරා වූ, එවක ඉරානයේ ජනාධිපති මොහොමඩ් අහම්දිනජාඩ්ගෙන් උපකාර පැතීය. ඒ අනුව ඉරාන ජනාධිපතිවරයා ඉරානයේ ‘එක්සිම් බැංකුවට‘ කතා කෙළේය. අලූත් සාධ්‍යතා අධ්‍යයනයකින් තොරවම ණය අනුමත විය. රාජපක්ෂගේ සරුවපිත්තල චර්යාවට අනුගතව, ඉරාන ජනාධිපති ලංකාවට පැමිණි අවස්ථාවම ව්‍යාපෘතිය ආරම්භ කිරීමටත් යොදා ගැනුණි.

ව්‍යාපෘතියේ නරක පල විපාක, 2015 ජනවාරි වන විටම පැහැදිළිව දැක ගත හැකි විය. ගෙවල් දොරවල් ඉරි තැලීය. ලිං සිඳී ගියේය. ජනතාව විරෝධය පෑහ. ජනාධිපති සිරිසේන ව්‍යාපෘතිය නතර කිරීමට නියෝග කෙළේය. එහෙත් ගත වුණේ මාස කිහිපයකි. ක්‍රියාවලියේ කිසි වෙනසකින් තොරව, ඇති විය හැකි අතුරු පල විපාක කිසිත් සැලකිල්ලට නොගෙන, ව්‍යපෘතිය නැවත පටන් ගැනුණි. වර්තමාන අර්බුදය එකී විනාශකාරී තීරණයේ විපාකයකි.

අබමල් රේණුවක හෝ නිවැරදි කර ගැනීමකින් තොරව එම ව්‍යාපෘතිය නැවත පටන් ගත්තේ ඇයි? ‘කොළඹ වරාය නගරය‘ වෙනුවෙන් මෙන් ජාත්‍යන්තර තෙරපීමක් ඒ සඳහා තිබුණේ නැත. ඒ වන විට ඉරානයෙන් සැපයුණු ණය සේවා අවසන්ව තිබුණි. ව්‍යාපෘතියේ ඉතිරිය මුළුමණින් භාර වුණේ ශ්‍රී ලංකා ආණ්ඩුවටයි. එසේ තිබියදී මෙය නැවත ආරම්භ කිරීමට උපදෙස් දුන්නේ කවුරුන් ද යන්නත්, එසේ කෙළේ මොන පදනමක් මත ද යන්නත් සොයා බැලීම වැදගත් ය. එම තොරතුරු, මේ ආණ්ඩුව සිතන පතන ආකාරය සහ වැඩ කරන ආකාරය පිළිබද යම් අවබෝධයක් ලබා ගැනීමට ඉවහල් වනු ඇත.

දැන් මේ ව්‍යාපෘතියෙන් සියයට 80 ක් අවසන්ව තිබේ. පරිසර හානිය නොසිතූ විරූ පරිමාණයකින් උග්‍ර වී ඇත. ඒ අනුව නැවත වරක් මෙය අත්හිටුවා ඇති අතර, විදේශ විශේෂඥ දැනුම දැන් සොයමින් සිටී. එය 2015 දී නොකෙළේ ඇයි? ඉදිරිපත්ව ඇති විසඳුම් වන්නේ, ඌව-වෙල්ලස්සට ව්‍යාපෘතිය සීමා කිරීමත්, පොළොව හෑරීම සඳහා (හානිය අඩු යැයි සැළකෙන) වඩාත් දියුණු යන්ත්‍රසූත්‍ර භාවිත කිරීමත් ය. මෙම විසඳුම් 2015 දී ක්‍රියාත්මක නොකෙළේ මන්ද? ප්‍රශ්නය පුපුරා යන තෙක් ආණ්ඩුව බලා සිටියේ ඇයි?
කුණු ප්‍රශ්නයේදී දැක ගත හැක්කේ ද එවැනිම ගමන් මාර්ගයකි.

කුණු ප්‍රශ්ණය, එහි ආරම්භයේදී (ඇතැම් ප්ලාස්ටික් ද්‍රව්‍ය තහනම් කිරීම), කුණු එක්කාසු කිරීමේදී (කුණු වර්ගීකරණය කොට භාර ගැනීම) සහ ඒවා බැහැර කිරීමේදී (කුණු විදුලිය බවට පරිවර්තනය කිරීම) යම් විධිමත් පරිපාටියක් ආණ්ඩුවෙන් අනුගමනය කෙරේ. 2015 දී එසේ නොකෙළේ ඇයි? කළ යුතු දේ සහ කළ හැකි දේ කිරීමට මීතොටමුල්ල කඩා වැටෙන තෙක් ආණ්ඩුව බලා සිටියේ ඇයි? අධිකරණ නියෝග ගණනාවක් සහ මහජන උද්ඝෝෂණ නොවන්නට, මීතොටමුල්ලෙන් පසුව පවා, එසේ කළ හැකි සහ කළ යුතු දේවල් නොකර සිටීමට ඉඩ තිබුණි. එම මැදිහත් වීම් නොවන්නට ආණ්ඩුව කරනු ඇත්තේ, මීතොටමුල්ලේ කුණු කන්ද වෙනුවට කරදියානේ හෝ මුතුරාජවෙල කුණු කන්දක් නිර්මාණය කිරීමයි.

පොදු අර්බුදය උග්‍ර කිරීමට දායක වුණු, වැළැක්විය හැකිව තිබූ අනේක අතෝර අතරින් ඉතා පහසුවෙන්ම වළක්වා ගත හැකිව තිබුණේ සයිටම් අර්බුදයයි.

උමා ඔය ව්‍යාපෘතිය සේම සයිටමයත්, සිරිසේන-වික්‍රමසිංහ ආණ්ඩුව විසින් හදාවඩා ගත්, රාජපක්ෂ විසින් ජාතක කරන ලද දරුවෙකි. සයිටම් විශ්ව විද්‍යාලය ආරම්භ කෙරුණේ රාජපක්ෂගේ ආශීර්වාදය සහ සක්‍රීය උපකාරය මත ය. 2011 අගෝස්තු 30 වැනි දා නිකුත් කරන ලද අතිවිශේෂ ගැසට් නිවේදනයක් මගින්, සයිටම් විශ්ව විද්‍යාලය උපාධි පිරිනැමීමේ ආයතනයක් වශයෙන් ස්ථාපනය කෙරුණි. ඒ මාසයේම ජනාධිපති රාජපක්ෂ මෙම ආයතනයට තවත් තල්ලූවක් දුන්නේය. ඒ, එකක් රුපියල් ලක්ෂ 70 ක් වටිනා ආණ්ඩුවේ ශිෂ්‍යත්ව 10 ක් වෛද්‍ය අධ්‍යාපනය හදාරණ ශිෂ්‍යයන් 10 දෙනෙකුට මේ ආයතනය තුළ පිරිනැමීමෙනි.
එදා ‘රජයේ වෛද්‍ය නිලධාරීන්ගේ සංගමය‘ සිටියේ කොහේද?

(නොදියුණු යැයි සැළකෙන දිස්ත්‍රික්කවලට විශේෂ සහන සැලසෙන) ‘දිස්ත්‍රික් කෝටා ක්‍රමය‘ නිසා, දියුණු යැයි සැළකෙන දිස්ත්‍රික්කවලින් ඉහළ ලකුණු ලබා ගන්නා සෑහෙන ශිෂ්‍ය පිරිසකට හැම අවුරුද්දකම රජයේ වෛද්‍ය පීඨවල දොර වැසේ. එසේ හෙයින් පෞද්ගලික වෛද්‍ය විද්‍යාලවල වාස්තවික අවශ්‍යතාවක් ඉබේම ඇති වන්නේය. සයිටම් ආයතනය සමග ඇති ප්‍රශ්නය වන්නේ එහි අයිතිය කාගේද යන්න නොව, ඊට සිසුන් ඇතුළත් කර ගන්නා ප්‍රමිතිය ගැන ඇති ප්‍රශ්නත්, ඉන් සැපයෙන පුහුණුවේ ගුණාත්මක භාවය ගැන ඇති සැක සාංකාවනුත් ය. මේ කරුණු ගැන ආණ්ඩුව 2015 දී සළකා බැලිය යුතුව තිබුණි. ඊට නිසි විසඳුම් යෝජනා කොට, ක්‍රියාත්මක කළ යුතුව තිබුණි. උදාහරණයක් වශයෙන්, සයිටම් උපාධියට වලංගු භාවය ලබා දීම සඳහා, එම උපාධියෙන් අනතුරුව ‘ශ්‍රී ලංකා වෛද්‍ය සභාව‘ මගින් පවත්වනු ලබන අවසාන පරීක්ෂණයකින් සමත් වීමේ අවශ්‍යතාව නිර්දේශ කළ හැකිව තිබුණි.

සයිටම් ප්‍රශ්නය විසඳීමට ආණ්ඩුවට හැකියාව තිබුණි. එහෙත් එය එසේ කෙළේ නැත. එම අසමත් භාවය විසින් මෙම ප්‍රශ්නය අවියක් වශයෙන් පාවිච්චියට ගැනීමට ‘රජයේ වෛද්‍ය නිලධාරීන්ගේ සංගමයට‘ අවස්ථාව සලසා දී තිබේ. බොහෝ විට එම සංගමය එසේ කරනු ඇත්තේත්, හැකි තාක් ඉක්මණින් යළි බලය ඩැහැ ගැනීමේ රාජපක්ෂ ව්‍යාපෘතියට අනුගතව විය හැකිය.
ප්‍රජාතන්ත්‍රවාදය අවජාතක කිරීම සහ ඒකාධිපතිවාදය යළි සවිබල ගැන්වීම

මැතිවරණ තීන්දු කෙරෙනු ලැබෙන්නේ මිනිසුන් විසිනි. සංඛ්‍යාවන් විසිනි. ආණ්ඩුව එය අමතක කොට තිබේ. රාජපක්ෂ ගිය මාර්ගයේම නොනැවතී ගමන් ගනිමින් වර්තමාන සිරිසේන-වික්‍රමසිංහ ආණ්ඩුව කරන්නේ, 2015 ජනවාරියේ රාජපක්ෂ ගල් රෝල පරාජය කිරීමටත්, අනතුරුව යළි හිස එසැවූ රාජපක්ෂ කල්ලියේ අභියෝගය 2015 අගෝස්තුවේදී දමනය කිරීමටත් මේ ආණ්ඩුවට ජවය සැපයූ ජන කොටස් හතුරු කර ගැනීමයි.

‘බොදුබල සේනා‘ සහ ගලගොඩඅත්තේ ඥානසාර වැනි අධම භික්ෂූන්ගේ ක්‍රියාකලාපයන් ඉවසීමෙන් මේ ආණ්ඩුව කරන්නේ සුළුජන ප්‍රජාවන්ගේ හොඳ හිත අහිමි කර ගැනීමයි. ශ්‍රී ලංකාවත් සෞදි අරාබිය සහ ඉරානය වන් දේවතන්ත්‍රවාදී රාජ්‍යයක් සේ සළකමින්දෝ, රට කැරැවිය යුත්තේ කෙසේද යන්න තීන්දු කිරීමත් අන්තවාදී භික්ෂු කල්ලිවලට අද වන විට භාර කොට තිබේ. ඇත්තෙන්ම ආණ්ඩුව කහ සිවුරේ ගර්ජනයට මෙසේ යට වීම පුදුමයකුත් නොවේ. මන්ද යත් මේ ආණ්ඩුව, දැඩි මතධාරී මුස්ලිම් පූජකයන්ගේ ඝෝෂාව ඉදිරියේ, ‘මුස්ලිම් විවාහ සහ දික්කසාද පනතිනුත්‘ අත හෝදා ගත් බැවිනි.

මේ සියල්ලට අමතරව, යුද්ධයෙන් විනාශයට පත් ප්‍රදේශවල ආර්ථීක දුෂ්කරතා නිවාරණය කිරීම සඳහා හරිහමන් යමක් කෙරී ඇති බවක් ද පෙනෙන්ට නැත. යම් ආර්ථික සහනයක් අපේක්ෂාවෙන් මේ ආණ්ඩුව බලයට පත් කළ සිංහල ජනයාගේ ආර්ථීක ප්‍රශ්නවලට ආමන්ත්‍රණය කිරීමට පවා ආණ්ඩුව අපොහොසත්ව ඇත.

ප්‍රජාතන්ත්‍රවාදය යහතින් වැජඹෙන්නේ, සමාජයක් බහුත්වවාදී වන විටයි. කිසි පක්ෂයක් දීර්ඝ කාලයක් තිස්සේ බලයේ නොසිටින විටයි. සාමාන්‍ය තත්වයකදී නම් මේ ආණ්ඩුව පරාජය කිරීම වටී. එහෙත් එසේ පරාජය කොට අත්පත් කර ගත හැකි විකල්පය වන්නේ, විවෘතවම සහ ලජ්ජාවක් නැතිවම ප්‍රජාතන්ත්‍ර-විරෝධී වන, වචනයේ පරිසමාප්ත අර්ථයෙන්ම අන්තවාදී වන, අඩු වශයෙන් ආර්ථීක ජනප්‍රියවාදයවත් නැති දේශපාලනික සංයුතියක් නම්? ඊටත් වඩා, ඊළඟ ජනාධිපතිවරණයේ එක් තරගකරුවෙකු වන්නේ ගෝඨාභය රාජපක්ෂ වැන්නෙකු නම්?

රාජපක්ෂලා කෙරෙහි ජනාධිපති සිරිසේන තුළ ඇති නොරිස්සීම සහ බිය අව්‍යාජ ය. ඒ අතර, රනිල් වික්‍රමසිංහ විසින් රාජපක්ෂලාට බුරුල දෙනු ලබන්නේ ඒ මගින් ශ්‍රී ලංකා නිදහස් පක්ෂයට පමණක් වළ කැපේ ය යන විශ්වාසයෙනි.

අර්බුදය මෝරමින් පුපුරා යන තැනකට පැමිණියොත්, රාජපක්ෂලාට ශ්‍රී ලංකා නිදහස් පක්ෂය දෙකඩ කිරීමක් අවශ්‍ය නොවනු ඇත. කුට්ටිය පිටින්ම ශ්‍රී ලංකා නිදහස් පක්ෂය ඔවුන්ගේ ග්‍රහණයට නතු වන අතර, තුන් හතර දෙනෙකු මෛත්‍රීපාල සිරිසේනට ඉතිරි වනු ඇත. එහෙත් එතැනින් නතර නොවන රාජපක්ෂලා එක්සත් ජාතික පක්ෂය තුළත් භේද අවුලුවනු ඇත. ඒ සඳහා වන බිම් මට්ටමේ වැඩ දැනටත් සිදුවෙමින් තිබේ. එක්සත් ජාතික පක්ෂය තුළ ‘දේශප්‍රේමී‘ සහ ‘දේශප්‍රේම-විරෝධී‘ කල්ලි දැන් එහෙන් මෙහෙන් ගොඩනැගෙනු පෙනෙන්නේ එබැවිනි. ඒ පෙළගැසීම තුළ, ‘දේශප්‍රේමියෝ‘ සිංහල-බෞද්ධ අන්තවාදය කෙරෙහි ආශක්ත වෙති. දේශපාලනික සහ සමාජයීය වශයෙන් ගතානුගතික වන මොවුහූ, ප්‍රජාතන්ත්‍රීයකරණයේ බොහෝ අංගවලට හතුරු වෙති. ඔවුන් ශක්තිමත් ආණ්ඩුවක් යනුවෙන් හඳුනාගන්නේ, ක්‍රියාශීලී ප්‍රජාතන්ත්‍රවාදයක් සහිත ආණ්ඩුවක් නොව, අධික අධිකාරීවාදී මාත්‍රාවක් සහිත ආණ්ඩුවක් ය. අර්බුදය පුපුරා යන මොහොතේදී ශ්‍රී ලංකා නිදහස් පක්ෂය ඩැහැගෙන, එක්සත් ජාතික පක්ෂය පුපුරුවා හැර, ඊනියා දේශප්‍රේමීන්ව තමන් වෙතට ආකර්ශනය කර ගනිමින් රනිල් වික්‍රමසිංහට හපයක් ඉතිරි කර දෙන බව නම් සහතික ය. එසේ හෙයින් පරදුවට වැටී ඇත්තේ ශ්‍රී ලංකා නිදහස් පක්ෂයේ හෝ මෛත්‍රීපාල සිරිසේනගේ ඉරණම පමණක් නොව, එක්සත් ජාතික පක්ෂයේ සහ රනිල් වික්‍රමසිංහගේත් ඉරණමයි.

වර්තමාන පාලනය අරක්ගෙන ඇති ප්‍රශ්නය වන්නේ, ඇතැමුන් කියන පරිදි, ලැබී ඇති අධිකතර ප්‍රජාතන්ත්‍රවාදය නොව, සතුරාගෙන් මිතුරා වෙන් කර ගැනීමට එය දක්වන ස්ව-ප්‍රාණ නාශක නොහැකියාවත්, වර්තමාන දේශපාලනික මොහොතේ සුවිශේෂී ස්වභාවය වටහා ගැනීමට අසමත් වීමත් ය. ආණ්ඩුව කරන සෑම වරදක්ම පාර කපනු ඇත්තේ, සාමාන්‍ය විපක්ෂයක ප්‍රවර්ධනයකට නොව, ශ්‍රී ලංකාවේ ප්‍රජාතන්ත්‍රවාදයට හානිකර විපක්ෂයක හිස එසැවීමට ය.

තිසරණී ගුණසේකර විසිනි.

(2017 ජුලි 15 වැනි දා ‘දි අයිලන්ඩ්‘ පුවත්පතේ පළවූ From A Government in Crisis to A Crisis of Democracy හෙවත් ‘අර්බුදයේ ගිලුණු ආණ්ඩුවක සිට ප්‍රජාතන්ත්‍රවාදයේ අර්බුදයක් කරා‘ නැමැති ලිපියේ සිංහල පරිවර්තනය ‘යහපාලනය ලංකා‘ විසිනි)

මහින්ද කොළඹ ඉඩම් විදේශිකයින්ට සින්නක්කර විකුණු හැටි (ඔප්පු ගිවිසුම් සහිතයි)

මහා දේශප්‍රේමියෙකු සහ වීරයෙකු ලෙස පෙනීසිටින හිටපු ජනාධිපති සහ වත්මන් කු.පා.ම. මහින්ද රාජපක්ෂ තම පාලන කාලය තුළ අප මාතෲ භූමියේ ඉඩම් සින්නක්කර ඔප්පු මඟින් චීනය ඇතුළු විවිධ රටවල සමාගම්වලට විකුණූ බව ප්‍රසිද්ධ රහසකි.

එලෙස මහින්ද රාජපක්ෂ විසින් තම අත්සනින්ම විකුණන ලද මිළ කළ නොහැකි සුප්‍රසිද්ධ ඉඩමකි. ඒ කොළඹ ගාලුමුවදොර පිටිය ඉදිරියේ ජනාධිපති ලේකම් කාර්යාලයට යාබදව පිහිටි හෙක්ටයාර් දෙකයි දශම හතරයි තුනයි හයයි එකක භූමි ප්‍රමාණයකින් යුත් එම ඉඩම එවක ඒකාධිපති රාජපක්ෂ රෙජීමයේ රෙජිමාධිපති වරයා වූ මහින්ද රාජපක්ෂ විසින් කැබිනට් මණ්ඩලයටත් හොර රහසේ ඇමරිකානු ඩොලර් මිලියන 75 ක් හෙවත් ශ්‍රී ලංකා රුපියල් මිලියන 8250 ක් වැනි සොච්චම් මුදලකට චීනයේ ෂැංග්‍රීලා හොටෙල්ස් ලංකා ප්‍රයිවට් ලිමිටඩ් ආයතනය වෙත සින්නකරව විකුණා දමා ඇත. මහින්ද මෙලෙස මෙම ඉඩම විකුණා දමා තිබෙන්නේ යුද්ධය නිමවී වසර එක හමාරක් ගතවෙද්දී, 2010 ක්වූ දෙසැම්බර් මස 28 වනදාය.

රාජපක්ෂලාගේ දේශප්‍රේමය රෙද්ද පල්ලෙන් බේරේ..

මෙම භූමිය ශ්‍රී ලංකාවේ ආර්ථික මර්මස්ථානයක් පමණක් නොව ආරක්ෂක මර්මස්ථානයක් වන්නේය. අද මහා දේශප්‍රේමයෙන් මුසපත්ව මඟ කියමින්, සමුළු පවත්වමින් යන එවක රාජපක්ෂ රෙජීමයේ ආරක්ෂක අංශ ප්‍රධානියාව සිටි ගෝඨාභය රාජපක්ෂද නිහඬව තම පවුල් සමාගමේ ප්‍රධානියා වූ මහින්ද රාජපක්ෂ රටේ ඉඩම් කුණු කොල්ලයට විදේශිකයින්ට විකුණා දමද්දී ඔහු ඊට එහා ගිය ජාවාරම් සිදුකළ බවද නොරහසකි.

මෙම විකුණුම් ඔප්පුවේ විකුණුම් මිල ඇමරිකානු ඩොලර් මිලියන 75ක් හෙවත් රුපියල් මිලියන 8250 ක් ලෙස සඳහන් වුවද මෙම මුදල් ප්‍රමාණයට එහා ගිය මුදල් ප්‍රමාණයක් රාජපක්ෂ රෙජීමයේ කළු සල්ලි ගිණුම්වලට තැන්පත් වන්නට ඇති බවට යළි අමුතුවෙන් කියන්නට අවශ්‍ය වන්නේ නැත. තම රටේ වටිනාම ඉඩම් විදේශිකයින්ට කුණු කොල්ලයට විකුණු රාජපක්ෂලාගේ ඊනියා දේශප්‍රේමීත්වය ගැන කියන්නට මීට වඩා තවත් සාක්ෂි සහිත හෙළිදරව් අප ඉදිරියේදී තවත් අනාවරණය කිරීමට බලාපොරොත්තු වන්නෙමු.

සාක්ෂි සහිත හෙළිදරව්ව

පිළිකාව පරදන්න රාජිත පුස්කොල පොත් 600ක් පෙරළයි

පිළිකා රෝගය මර්ධනය කිරීම සදහා වන දේශීය ෙඖෂධ පවතින පුස්කොල පොත් 600ක් සිංහල භාෂාවට පරිවර්තනය කරන බව සෞඛ්‍ය අමාත්‍ය රාජිතච සෙනාරත්න මහතා ප්‍රකාශ කරනවා.

අමාත්‍යවරයා මේ බව කියා සිටියේ  වෙදගම සරත්චන්ද්‍ර රාජකරුණා අනුස්‌මරණ පාරම්පරික පර්යේෂණ ආයුර්වේද රෝහලට මුල්ගල තැබීමෙන් අනතුරුව පැවැති උත්සව සභාව අමතමින් .

මේ එහිදී අමාත්‍යවරයා පල කළ අදහස්.

පිළිකාවට තවම අවසන් විසදුමක්‌ බටහිර වෛද්‍ය විද්‍යාවෙත් නෑ. මේ පිළිබඳව පර්යේෂණ කරන්නට පුස්‌කොළ පොත් 600 ක්‌ මං සොයාගත්තා. මේවා කාටත් කියවන්න පුලුවන් ආකාරයට සිංහලෙන් ග්‍රන්ථාරූඪ කරගෙන යනවා.

බටහිර වෛද්‍ය විද්‍යාවෙන් කරන්න බැරි දේවල් ආයුර්වේද වෛද්‍ය විද්‍යාවෙන් කරලා තිබෙනවා. මේකේ විද්‍යාත්ම ස්‌වභාවය අපි සොයාගන්න ඕනෑ. ඒකට තමයි මේ පර්යේෂණ රෝහල ආරම්භ කරන්නේ.

සමහරු හිතනවා බටහිර වෛද්‍ය විද්‍යාවෙන් තමයි මේ සියලු දේ කෙරෙන්නේ කියලා. දේශීය වෛද්‍ය විද්‍යාවේ වුණත් සොයාගත්ත වෛද්‍යක්‍රම ග්‍රන්ථාරූඪ වුණේ නෑ. ගුරුමුෂ්ටි තියාගත්තා.

අනුරාධපුර පර්යේෂණ රෝහලක්‌ මඩකලපුවේ තවත් පර්යේෂණ රෝහලක්‌ හදනවා. මේ වගේ විශාල වැඩකොටසක්‌ හැම තැනකම කරනවා. අපිට එක පැත්තකින් දේශීය වෛද්‍ය විද්‍යාව දියුණු කරන්න පුලුවන්. හෝමියෝපති වෛද්‍ය ක්‍රමයත් මං දියුණුකරගෙන යනවා. සියලුම වෛද්‍ය ක්‍රම එකතැනකට ගෙනැල්ලා ගෝලීය වෛද්‍ය ක්‍රමයක්‌ හැදිය යුතුයි.

සෞඛ්‍ය අමාත්‍යාංශය බොහොම අභියෝගාත්මකයි. රජකම තිබුණත් වැඩක්‌ නෑ ලෙඩෙක්‌ නම්. නිරෝගීකම තමයි පරම සැපත. මේ පර්යේෂණ රෝහල් හදන්නේ ලෝකයේ හැමෝම මෙතනට ගෙන්න ගන්න.

අධ්‍යාපනයට සියයට 1.75 වියදම් කළේ. අපි කිව්වා ඒක සියයට හයක්‌ කරන්න කියලා. සියලුම සරසවි ශිෂ්‍යයන්ට නේවාසිකාගාර හදන්න මුදල් වෙන්කර තිබෙනවා.

කළුතර මං හදනවා දෙවැනි මාතෘ ළමා රෝහල. මේවාගේ දැවැන්ත රෝහල් ගණනාවක්‌ අපි ලංකාවේ හදනවා. සයිටම් රෝහලේ වටිනාකම මිලියන 3500 යි. මෙච්චර මුදලක්‌ වියදම් කළේ වෛද්‍යවරයෙක්‌ නිසා. ඒක ඉල්ලන කොට දෙන්නෙත් වෛද්‍යවරයෙක්‌ නිසා. මේක දෙන්න ඔළුව හදාගන්න එකත් පුදුමයක්‌.

අද සියයට පහළවක්‌ දක්‌වා සිගරට්‌ බීම පහළ වැටිලා තියෙනවා. ස්‌කෝලවටේ මීටර් 500 ක්‌ යනතුරු සිගරට්‌ විකිණීම තහනම් කළා. අත්‍යවශ්‍ය ඖෂධ මිල අඩුකළා. අක්‍ෂි කාචයක්‌ රුපියල් 30000 යි. ඒක අපි 8000 ට අඩුකළා. අපි රුපියල් සතවලින් නෙවෙයි මිනිසුන්ගේ ජීවිත මනින්නේ.

ඇමසෝන් හි ජෙෆ් බෙසෝස් ලොව ධනවත්ම මිනිසා වෙයි

 ලොව ධනවත් ලයිස්තුවේ ඉදිරියෙන්ම සිටි මයික්‍රොසොෆ්ට් නිර්මාතෘ බිල් ගේට්ස් අබිබවමින් අංක එකට පැමිණීමට ඇමසෝන් සමාගමේ ප්‍රධාන විධායක නිලධාරී ජෙෆ් බෙසෝස් සමත්ව තිබේ.

ඉ-වාණිජ ක්ෂේත්‍රයේ හා ක්ලවුඩ් පරිගණක සමාගමක් ලෙස ප්‍රකට ඇමසෝන් සමාගමේ ප්‍රධාන විධායක නිලධාරීවරයාගේ වත්කම් ඇ.ඩො.බිලියන 90 ඉක්මවා යෑමත් සමග ඔහු ලොව අංක එකේ ධනවතා බවට පත්ව ඇති බව ෆෝබ්ස් සහ බ්ලූම්බර්ග් වාර්තා පවසයි.

විශේෂයෙන්ම ඇමසෝන් සමාගමේ කොටසක අගය ඇ.ඩො.15කින් ක්ෂණික ඉහළ යෑමක් බදාදා දිනයේ කොටස් ගනුදෙනු අවසන් වනවිට පෙන්වීම තුළ ඔහුගේ වත්කම් වර්ධනය වී ඇති බවද සඳහන් වෙයි.

කෙසේ වෙතත්, ජෙෆ් යනු දශක දෙකකට අධික කාලයක් ලෝකයේ ධනවතුන් ලැයිස්තුවේ ඉහළින්ම වැජඹුණු අයෙකු වන අතර, පසුගිය වසර දෙකක කාලය තුළ ඔහුගේ වත්කම්වල කැපීපෙනෙන වර්ධනයක් පෙන්වීය.

2016 වසරේ මේ කාලය වනවිට ලොව තෙවැනි ධනවතා ලෙස සිටි ජෙෆ්, එවකට ඔහුව අබිබවමින් සිටි බිල් ගේට්ස් සහ සාරා ආදි කර්තෘ ඇමනෝසිසෝ ඔර්ටේගා යන දෙදෙනාම මේ වනවිට පසු කරමින් අතිශය සුවිශේෂී තත්ත්වයක පසුවෙයි.

තාජුඩීන් ගමන්ගත් රථය පිටුපස ගමන් ගත් රථයක් පිළිබඳ පරීක්ෂණ

 සිය මෝටර් රථය තුළ අබිරහස් අන්දමින් පිළිස්සී මියගොස් සිටි හිටපු රගර් කී‍්‍රඩක වසීම් තාජුඩීන් නමැත්තාගේ මරණය සිදුවීමට පෙර ඔහු ගමන්ගත් මොටර් රථයට පිටුපසින් ගමන් කළ මෝටර් රථයක ගමන් කළ බව කියන පුද්ගලයන්ගේ ඡායාරූප රජයේ රස පරීක්‍ෂකවරයා වෙත යොමුකොට වාර්තාවක් කැඳවන ලෙස කොළඹ අතිරේක මහෙස්ත‍්‍රාත් ජෙයරාම් ට්‍රොට්ස්කි මහතා රහස් පොලීසියට නියම කළේය.

ඒ මෙම සිද්ධියට අදාළ පැමිණිල්ල  (27දා) කැඳවනු ලැබූ අවස්ථාවේදී නියෝජ්‍ය සොලිසිටර් ජනරාල් ඩිලාන් රත්නායක මහතා කළ ඉල්ලීමකට අවසර දෙමින් මහේස්ත‍්‍රාත්වරයා එලෙස නියම කළේය.

මෙම සිද්ධියට අදාළ පැමිණිල්ල කැඳවනු ලැබූ අවස්ථාවේදී මෙහි සැකකරුවන් ලෙස නම් කරි සිටින දැනට ඇප මත මුදාහැර සිටින හිටපු නියෝජ්‍ය පොලිස්පති අනුර සේනානායක මහතා මෙන්ම නාරාහේන්පිට පොලීසියේ අපරාධ අංශයේ හිටපු ස්ථානාධිපති සුමිත් නිශ්ශංක මහතා අධිකරණයේ පෙනී සිටියහ.

පැමිණිල්ල වෙනුවෙන් පෙනී සිටි නියෝජ්‍ය සොලිසිටර් ජනරාල් ඩිලාන් රත්නායක මහතා කරුණු ඉදිරිපත් කරමින් වසීම් තාජුඩීන් නමැත්තාගේ මෘත ශරීරයෙන් ඉවත් කළ අස්ථි කොටස් අස්ථානගත වීම සම්බන්ධයෙන් ශ්‍රී ලංකා වෛද්‍ය සභාව කොළඹ හිටපු ප‍්‍රධාන අධිකරණ වෛද්‍ය නිලධාරී ආනන්ද සමරසේකර මහතා සම්බන්ධයෙන් සිදුකරන ලද පරීක්‍ෂණයෙන් අනතුරුව නිකුත් කරන ලද පරීක්‍ෂණ වාර්තාව මේ වනවිට මෙම අධිකරණයට බාරදී ඇතැයි දැනුම් දුන්නේය.

ඉදිරිපත් වු සියලු කරුණු සැලකිල්ලට ගත් මහේස්ත‍්‍රාත්වරයා අදාළ නියෝග නිකුත් කළ අතර, මෙම පැමිණිල්ල ලබන මස 24 වැනිදා යළි කැඳවීමටද නියම කළේය.

මෙම සී.ඩී. තැටි කැනඩාවට රැගෙන යෑමට අවසර දෙන ලෙස රහස් පොලීසිය කළ ඉල්ලීමක් පිළිගත් මහේස්ත‍්‍රාත්වරයා ඊට අවසර ලබා දුන්නේය.

මෙම සී.ඩී. තැටි මගින් විසඳාගත යුතු ප‍්‍රශ්න 36ක් අඩංගු වාර්තාවක්ද ඉදිරිපත් කරන බව රහස් පොලීසිය අධිකරණයට දැනුම් දුන්නේය.

උමා ඔය බහුවිනාශකාරී ව්‍යාපෘතිය නිසා බණ්ඩාරවෙල නාය යෑමේ අවදානමක

මාස ගණනාවක් පැවැති නියං තත්වයෙන් පසුව අද (27) පස්වරුවේ පැය එකහමාරකට වැඩි වේලාවක් බණ්ඩාරවෙල ප්‍රදේශයට දැඩි වර්ෂාපතනයක් ඇද හැලුණු අතර බහු විනාශකාරී උමාඔය ව්‍යාපෘතිය හේතුවෙන් ගිලා බැසීමට හා පුපුරා ඇති කඳු කිහිපයක් දැඩි නාය යෑමේ අවධානමක පවතින බව ජනතා විමුක්ති පෙරමුණේ ඌව පළාත් සභා මන්ත්‍රී සමන්ත විද්‍යාරත්න මහතා පවසයි.

උමා ඔය ව්‍යාපෘතියෙන් විනාශයට පත්ව ඇති දික්අරාව ප්‍රදේශයේ නිවාස හා ස්ථාන පරීක්ෂා කිරීම සඳහා අද පස්වරුවේ එම ප්‍රදේශය නිරීක්ෂණය කිරීම සඳහා සමන්ත විද්‍යාරත්න මහතා ඇතුළු බහු විනාශකාරී උමා ඔය ව්‍යාපෘතියට එරෙහි සංවිධානයේ පිරිසක් සහභාගී වෙමින් සිටින අවස්ථාවේදී දැඩි වර්ෂාවක් එම ප්‍රදේශයට ඇද හැළී තිබේ. දික්අරාව  කන්ද මීට සති දෙකකට පමණ පෙර ස්ථාන රැසකින් පුපුරා ගොස් ඇති බවත් අද ඇද හැළුණු ධාරානිපාත වර්ෂාවේ ජලය පුපුරා ඇති විවර තුළින් කඳු අභ්‍යන්තරයට ගමන් කළ ආකාරය තමන් ඇතුළු පිරිස සියැසින් දුටු බවත් සමන්ත විද්‍යාරත්න මහතා පවසයි.

සමන්ත විද්‍යාරත්න මහතා බදුල්ල දිස්ත්‍රීක් ආපදා කළමණාකරන අධ්‍යක්ෂකවරයා, බදුල්ල දිස්ත්‍රීක් ලේකම්වරයා, පරිසර අමාත්‍යංශයේ ලේකම් අනුර දිසානායක මහතා යන නිලධාරීන්ද මහින්ද අමරවීර අමාත්‍යවරයාටද මෙම අවධානම පිළිබඳව දැනුවත් කළ බවත් ඇමතිවරයා ඉතා ඉක්මනින් මේ පිළිබඳව සොයා බලා මැදිහත්වන බවත් පවසා තිබේ.

දික්අරාව කන්ද පහළ බෑවුමේ නිවාස 200ක් පමණත් ව්‍යාපාරික ස්ථාන විශාල ප්‍රමාණයක්ද පවතින බැවින් ඔවුන්ගේ ජීවිත අවධානම ගැන සැළකිල්ලට ලක් කර ඉතා ඉක්මනින් ඔවුන් ගලවාගැනීම සඳහා මැදිහත් විය යුතු බව සමන්ත විද්‍යාරත්න මහතා පවසයි. මේ වනවිට පහළ ප්‍රදේශයේ පදිංචි ජනතාවට එම ස්ථාන වලින් ඉවත් වන ලෙස දැනුවත් කරමින් සිටින බවයි.

දික්අරාව කන්ද පහළ බෑවුමේ පිහිටි නිවාසයක ටයිල් කරන ලද ගෙබිමේ පුපුරා ඇති ස්ථානයකින් විශාල ජල පහරක් මතුපිටට ගලා ආ බවත් වර්ෂාව නැවතීමත් සමග එම ජල පහර ගලා යෑමද නතර වී ඇති බවයි. මේ තත්වය පිළිබඳව සමන්ත විද්‍යාරත්න මහතා  භූ ගර්භ විද්‍යාඥයින්ද දැනුවත් කළ බවත් ඔවුන්ද පවසා සිටියේ මේ තත්වය දැඩි නාය යෑම් අවධානමක ලක්ෂණ පෙන්නුම් කරන බවයි.

උමා ඔය බහුවිනාශකාරී ව්‍යාපෘතිය හේතුවෙන් දික්අරාව කඳුවැටිය පමණක් නොව බණ්ඩාරවෙල ප්‍රාදේශීය ලේකම් කොට්ඨාශයේ කීනගම, වලස්බැද්ද කන්දත් පුපුරා ගොස් දැඩි අවධානමක ලකුණු පහළ කර ඇති බව සමන්ත විද්‍යාරත්න මහතා පවසයි.

චමරිට එංගලන්තයෙන් ඇරයුමක්

ශ‍්‍රී ලංකා කාන්තා ක‍්‍රිකට් කණ්ඩායමේ හිටපු නායිකා චමරි අතපත්තුට එංගලන්ත පළමු පෙළ විස්සයි විස්ස කාන්තා ක‍්‍රිකට් තරගාවලියකට එක්වීමේ අවස්ථාව උදා වී තිබෙනවා. ඒ, ඉකුත් ලෝක කුසලාන කාන්තා ක‍්‍රිකට් තරගාවලියේ දී ඕස්ටේ‍්‍රලියාවට එරෙහිව ඇය දැක්වූ පිතිකරණ දක්ෂතාව හේතුවෙන්.

චමරි අතපත්තු එම තරගයේ දී ඕස්ටේ‍්‍රලියාවට එරෙහිව නොදැවී ලකුණු 178ක් රැස් කරමින් පිත්තෙන් දස්කම් දැක්වූවා. එම ලකුණු සංඛ්‍යාව වාර්තා වූයේ ක‍්‍රීඩිකාවක් එක්දින තරගයක රැස් කළ තුන්වන වැඩිම ලකුණු සංඛ්‍යාව ලෙසටයි.

මෙවර එංගලන්ත පළමු පෙළ කාන්තා ක‍්‍රිකට් තරගාවලියේදී චමරි අතපත්තු යෝකෂයර් කණ්ඩායම නියෝජනය කිරීමට නියමිතව තිබෙනවා. ශ‍්‍රී ලංකා ක‍්‍රීඩිකාවකට එවැනි අවස්ථාවක් හිමි වූ පළමු අවස්ථාව මෙය ලෙසටයි සැලකෙන්නේ. තවත් රටවල් කිහිපයකින් ද තමන්ට ඇරයුම් ලැබී ඇති බවයි ඇය නෙත් ස්පෝ්ර්ට්ස්මන් වෙත කියා සිටියේ.

ඩෙංගු රෝගය ගෙදරදීම හඳුන ගන්න උපකරණයක්

ඩෙංගු රෝගය හඳුනා ගැනීම සඳහා නිවසේ දී භාවිත කළ හැකි සරල පරීක්ෂණ කට්ටලයක් හඳුන්වා දීමට කාර්මික තාක්ෂණ ආයතනයේ අවධානය යොමුව තිබෙනවා.

එම ආයතනය වෙනුවෙන් කරුණු දැක්වූ ආචාර්ය මහේෂි අතපත්තු සඳහන් කළේ “දැන් අපි දන්නවා මේ වෙන කොටත් අපිට ගෙදරදීම රැධිරයේ සීනි මට්ටම පරීක්ෂා කර ගැනීමේ උපකරණ තියෙනවා… ඒ වගේම රුධිර පීඩනය පරීක්ෂා කර ගැනීමේ උපකරණ තියෙනවා..ඒ වගේ තමයි මේකත් ගෙදරදීම ඩෙංගු පරීක්ෂා කර ගැනීමට පහසුව ලබා දෙන උපකරණයක්.” යනුවෙනි.

මෙවැනි පරීක්ෂණ කට්ටලයක් මගින් ඩෙංගු රෝගය කල් ඇතිව හඳුනා ගැනීමට හැකිවනු ඇතැයි ද මෙහි දී ප‍්‍රකාශ කෙරුණා.

අදාල පරීක්ෂණ කට්ටලය මෙම වසර තුළ භාවිතයට නිකුත් කිරීමට අපේක්ෂා කරන බව කාර්මික තාක්ෂණ ආයතනය කියා සිටියා.

27 July 2017

බැඳුම්කර කොමිසම අවුල් කරන්න රාජපක්ෂලාගේ සහචරියක්!

කුප්‍රකට මහ බැංකු බැඳුම්කර කොල්ලය ගැන සෙවීම සඳහා ජනාධිපති මෛත්‍රීපාල සිරිසේන මහතාගේ නියෝගයෙන් පත්කරන ලද ‘ජනාධිපති බැඳුම්කර විමර්ශන කොමිසම’ ට සාක්ෂි දීම සඳහා පෙරේදා(24) කැඳවන ලද සාක්ෂිකාරියක් මෙන්ම රාජපක්ෂ රෙජීමයේ සහචරියක් වන මුතුකුඩආරච්චිගේ විනෝදනී නමින් පෙනී සිටි කාන්තාවක් ලබාදුන් සාක්ෂිය ජනාධිපති බැඳුම්කර කොමිසම සමච්චලයට ලක්කරමින් එම විමර්ශනය නොමඟ යැවීම සඳහා සිදුකර ඇතිබවට මේ වන අනාවරණය වෙමින් තිබේ.

බැඳුම්කර කොමිසමේ මුතුකුඩආරච්චිගේ විනෝදනී නමින් පෙනී සිටි සුරූපී තරුණ කාන්තාවක් වන මැය තමාගේ සුපුරුදු නාමය වෙනුවට ව්‍යාජ නාමයකින් පෙනී සිටිම සිදුකර ඇති අතර සාක්ෂි ලබා දීමට කොමිසම වෙත පැමිණීමේදී ද තමාගේ සාක්ෂි විස්තරාදිය මාධ්‍ය වල පලවීම වලක්වන්නැයි ඇය ඉල්ලිමක් කර ඇත. එහෙත් එය ප්‍රතික්ෂේප වී ඇත. මෙලෙස මුතුකුඩආරච්චිගේ විනෝදනී නමින් පෙනී සිටියද ඇගේ සත්‍ය නාමය අනිකා විජේසූරිය බවත් මැය දැවන්ත ව්‍යාපාරික ජාලයක් නඩත්තු කරන නහිල් විජේසූරියගේ එකම දියණිය බවත් හෙළිදරව් වී ඇත.

අනිකා විජේසූරියගේ පියා වන නහීල් විජේසුරිය මහතා දක්ෂ ප්‍රකට ව්‍යාපාරිකයෙකු වන අතර මෙරටට පැය 24 පුරා ක්‍රියාත්මක ප්‍රථම රූපවාහිනී නාලිකාව වූ ඊ.ටී.වී. නාලිකාව හඳුන්වා දුන්නේද ඔහුය. කොළඹ සිලෝන් ඉන්ටකොන්ටිනල් හෝටලය ද ඔහු සතු වූවකි. ඔහුගේ එකම දියණිය වන අනිකා විජේසුරිය බැඳුම්කර කොමිසමේදී අනාවරණය වූ ඊස්ට් වෙස්ට් ප්‍රොපටීස් ආයතනයේ අධ්‍යක්ෂවරියක ලෙස කටයුතු කරමින් තිබේ. එසේම ඇයගේ එම සමාගම යටතේ අති සුඛෝපභෝගී හෝටල්, අල්ට්‍රාටෙක් සිමෙන්ති සහ රාජපක්ෂලාගේ ව්‍යාපෘතියක් වු “e-wis” පරිගණක සමාගම ඇතුළු ව්‍යාපාර ක්‍රියාත්මකය.

අනිකා විජේසුරිය, අර්ජුන් ඇලෝසියස්ගේ හිටපු පෙම්වතියක මෙන්ම රාජපක්ෂ රෙජීමයේ රෙජිමාධිපති මහින්ද රාජපක්ෂගේ කුප්‍රකට පුත්‍රයෙකු වන නාමල් රාජපක්ෂගේ අතිශය සමීපතමියක් බවටද තොරතුරු අනාවරණයවේ. එවක රාජපක්ෂ රෙජීමයේ දැවැන්ත ව්‍යාපෘතියක් වන ශ්‍රී ලංකාවේ පරිගණක නිෂ්පාදනාගාරය ලෙස ජනතාව මුලා අරඹන ලදුව චීනයේ පරිගණක කොටස් එකලස් කොට රාජ්‍ය ආයතනවලට තත්වයෙන් බාල පරිගණක පුවරා රුපියල් බිලියන ගණනක මහජන මුදල් කොල්ල කෑ ව්‍යාපෘතිය පිටුපස නාමල් සමඟ අනිකා සිටින බව මින් පැහැදිලිය.

රාජපක්ෂ රෙජීම පාලන සමයේ අතිදැවැන්ත වරප්‍රසාද තුලින් ලාභ උපයා ඇති කුප්‍රකට අනිකා බැඳුම්කර කොමිසමේ සාක්ෂී දීමට ලද අවස්ථාවෙන් සත්‍ය වෙනුවට රාජපක්ෂලාගේ දේශපාලන කොන්ත්‍රාතුවක් ඉටුකිරීමට අර අදින බවක් පැහැදිලිව ඇය සාක්ෂි දීමට ගත් මොහොතේ පටන් හැසීරී ඇති ආකාරයෙන් පෙනී යයි.

01. ජනාධිපති කොමිසමක් හමුවේ සාක්ෂී දීමට පැමිණෙන සාක්ෂිකරුවකු තම සත්‍ය නම වෙනුවට වෙනත් නමකින් පෙනීසිටින්නට උත්සහ ගන්නේ ඇයි..?

02. තමාගේ සාක්ෂි විස්තරාදිය මාධ්‍ය වල පලවීම වලක්වන්නැයි ඉල්ලන්නේ ඇයි..?

03. තමාගේ සමාගමට අයත් නිවසක් පාරිභෝගිකයෙකු විසින් නීත්‍යානුකූල ලෙස මිලදී ගත්විට, ‘ඊට අදාළ ලියකියවිලි ඉරා දමන ලෙස තමන්ට දුරකතනයෙන් කතා කොට පැවසූවා’ වැනි මන්ද මානසික කතා මෙවැනි ජනාධිපති කොමිසමක් ඉදිරියේ කියන්නේ ඇයි..? ඒ තුළින් මැය ඊළඟ සැලසුම් සහගතව ගෙතීමට යන කෙබරය කුමක්ද..??

04. තමා ජනාධිපති කොමිසමක් හමුවේ පවසන්නේ සත්‍ය නම් සාක්ෂි දීමට පැමිණීමට පෙර තමාගේ සියලු සමාජජාල ගිණුම් අක්‍රීය කොට සැඟවෙන්නේ කුමටද..?

රාජපක්ෂ රෙජීමයේ සමීපතම සහචරියක් වන අනිකා විජේසුරියගේ මෙම සැලසුම් සහගත හැසිරීම සම්බන්ධයෙන් ජනාධිපති කොමිසමේ විශේෂ අවධානය යොමුවිය යුතු අතර මැයගේ සාක්ෂිවල ඇති පදනම් විරහිත භාවය සහ පරස්පර කරුණු ගැන විශේෂ විමර්ශනයක් සිදුකිරීමට වනු ඇති.

නෙවිල් ප්‍රනාන්දු රෝහලේ වියදමට මාසිකව මිලියන 200ක්

 රජයට පවරාගත් මාළඹේ නෙවිල් ප්‍රනාන්දු ශික්ෂණ රෝහලේ මෙහෙයුම් වියදම් ලෙස රුපියල් මිලියන 200 ක් මුදලක් අගෝස්තු මාසයේ සිට මාසිකව ලබාදීමට කැබිනට් මණ්ඩල අනුමැතිය හිමිව තිබේ.

එමෙන්ම රෝහල් සේවා සඳහා අවශ්‍ය ඖෂධ සහ සැපයුම් වෙනුවෙන් අගෝස්තු මාසයේ සිට දෙසැම්බර් මාසය දක්වා රුපියල් මිලියන 50 ක් මාසිකව ලබාදීමටද කැබිනට් මණ්ඩලය අනුමකනර ඇත.

නෙවිල් ප්‍රනාන්දු රෝහලේ  පාලක මණ්ඩල සභාපති ලෙස  වෛද්‍ය අජිත් මෙන්ඩිස් මහතා පත්කිරීමටද, එමෙන්ම පාලක මණ්ඩලයට දෙළොස් දෙනෙකුගෙන් සමන්විත සාමාජිකයන් පිරිසක් පත්කිරීමටද අමාත්‍ය මණ්ඩල අනුමැතිය හිමිවී ඇත.

සූර්යකෝෂ නිපදවීමට ශ්‍රී ලංකාවේ අවධානය

වර්තමානයේදී ලෝකය භාවිතා කරන තුනි පටල මත පදනම් වූ සූර්ය කෝෂ හා පැනල නිෂ්පාදනය කිරීමේ තාක්ෂණය ශ්‍රී ලංකාවට හඳුන්වාදීමට සැලසුම් කර තිබේ.

විද්‍යා තාක්ෂණ හා පර්යේෂණ අමාත්‍යාංශය හරහා මෙම තාක්ෂණය හඳුන්වා දීමට නියමිත අතර, මෙම තාක්ෂණය වැඩි වශයෙන් භාවිතා කරනු ලබන්නේ චීනය විසිනි.

මේ අනුව චීනයේ හෑන්ග් සූ හි පිහිටි Advanced Solar Power ආයතනය භාවිතා කරන තාක්ෂණය ශ්‍රී ලාංකිකයින්ට හඳුන්වාදීමටත් සැලසුම් කර ඇත.

අදාළ තාක්ෂණය හඳුන්වා දීමේ මූලික සැලසුම් යටතේ කොළඹ, යාපනය, රුහුණු විශ්වවිද්‍යාලය වල සූර්යකෝෂ ව්‍යාපෘති ස්ථාපිත කිරීමටත් එම අමාත්‍යාංශය සැලසුම් කර තිබේ.

අදාළ තාක්ෂණය ශ්‍රී ලංකාවට ලබා ගැනීම සඳහා ජාතික විද්‍යා පදනමේ නිලධාරීන් හා ජාතික මූලික අධ්‍යාපන ආයතනයේ නිලධාරීන් චීනයේ සංචාරයක නිරත වී සිටිති.















මිනී පෙට්ටියක සුරැකිව නිදන සුරංගනාවියක් කැල්ෆෝනියාවෙන් හමුවෙයි | VIDEO

සුරංගනාවියක් හැබැවින් දැකලා තියෙනවද ? මරණයට පත්වෙලා අවුරුදු 140 ක් ගත වූවත්, තවමත් සුරැකිව සිය මිනී පෙට්ටියේ නිදන ලස්සන පුංචි දැරියකගේ මළ සිරුරක් ඇමෙරිකාවේ කැළිෆෝනියාවෙන් වාර්තා වෙනවා. මේ සිඟිති මළ සිරුර ඉතාමත් හොඳින් සුරැකිව පැවතීම විස්මයට කරුණක්.

ඉදිකිරීම් කම්කරුවන් පිරිසක් විසින් පැරණි ගොඩනැගිල්ලක් නවීකරණය කිරීමේ කටයුතු සිද්ධ වන අතරතුරදී තමයි මේ දැරියගේ මළ සිරුර හමු වී තිබෙන්නේ. එම දැරිය ඔවුන් විසින් මිරැන්ඩා ලෙසින් නම් තබා තිබෙනවා. මෙම දැරිය මීට වසර 140 කට පෙර වල දමා ඇති බව සඳහන්.

සුදුමැලි සමකින් හා රැලි වැටුනු කොණ්ඩයකින් යුතු මිරැන්ඩා දැරිය බෝනික්කෙක් මෙන් - නැත්නම් පුංචි සුරංගනාවියක් මෙන් මිනී පෙට්ටිය තුළ නිදා සිටි බව මේ අරුම පුදුම දසුන මුලින් දුටු කම්කරු පිරිස පවසා තිබුණා. කෙසේ වුවත් පසුව සිදු කරන ලද සොයා බැලීම් මගින් මේ දැරියගේ අනන්‍යතාවය තහවුරු කරගන්නට හැකිවුණා. ඒ සඳහා DNA පරික්ෂාවන් ද සිදු කරනු ලැබූ බව සඳහන්. ඒ අනුව මේ දැරියගේ නම ඊඩිත් හොවාඩ් කුක් බවත්, ඇය අවුරුදු 02 යි, මාස 10 ½ ක වයසේදී අවාසනාවන්ත ලෙස මරුවාට ගොදුරු වී ඇති බවත් සොයා ගැනුණා. එමෙන්ම ඇය ඇගේ දෙමාපියන්ගේ පළමු දරුවා බවත් සඳහන් වෙනවා.

ඊඩිත් දැරිය වසර 140 කට පෙර මියගියත්, තවමත් ඇගේ මළසිරුර නොදිරා පැවතීම නම් විශ්මයට කරුණක්. මේ ගැන කරුණු දක්වන කැල්ෆෝනියා බලධාරින් දක්වා සිටින්නේ ඇගේ මිනී පෙට්ටිය ඉතා තදින් වැසී තිබුණු බවයි. මේ නිසා වායු මුද්‍රික වීම මගින් ඇගේ සිරුර සුරැකිව තිබෙන්නට ඇතැයි ඔවුන් අදහස් පළ කරනවා. "ඇය අපිට පෙනුනේ ඇගේ අම්මා විසින් ඊයේ මිනී පෙට්ටිය මත සතපා තැබුවා වගෙයි. ඇගේ ඇසි පිහාටු පවා තවම තියෙනවා. ඇගේ සම පවා හොඳින් සුරැකිව තිබීම පුදුමයට කරුණක්..." යැයි ඊඩිත් දැරිය නැවත භූමදාන කල සමාජ සංවිධානයේ සාමාජිකාවක් පවසා සිටියා.



තක්කාලි ආරක්ෂාවට ආයුද සන්නද්ධ භටයන් යොදවයි


 ඉන්දියාව පුරා තක්කාලි මිල අහස උසට ඉහළ යෑමත් සමග ඇතැම් ප්‍රාන්තවල තක්කාලිවලට විශේෂ ආරක්ෂාවක් ලබාදීමට තොග වෙළෙඳුන් කටයුතු කර තිබේ.

හින්දුස්ථාන් පුවත්පත වාර්තා කරන ආකාරයට, එරට මධ්‍ය ප්‍රදේශ් ප්‍රාන්තයේ ඉන්ඩෝර් නගරයේ තොග වෙළෙඳුන් තම තක්කාලි තොග ආරක්ෂාවට ආයුද සමග ආරක්ෂක භටයන් යෙදවීම සාමාන්‍ය දෙයක් බවට පත්ව ඇත.

මේ වනවිට මධ්‍ය ප්‍රදේශ් ප්‍රාන්තයේ දේවි අහිලියා බායි වෙළෙඳ සංකීර්ණයේ තක්කාලි තොග ආරක්ෂාවට ආයුද සන්නද්ධ ආරක්ෂක භටයන් 6 දෙනෙකු යොදවා ඇති බවත්, බොහෝවිට තක්කාලි තොග බෑමේදී සිදුවන සොරකම් වැළැක්වීම ඔවුන්ගේ කාර්යභාරය බවත් තොග වෙළෙන්දෝ පවසති.

දැනටමත් ඉන්දියාවේ ප්‍රාන්ත කිහිපයකම තක්කාලි තොග සොරකම් කිරීම් පිළිබඳ වාර්තා වී ඇති බව පෙන්වාදෙන වෙළෙන්ඳෝ, මේ තත්ත්වය තුළ තක්කාලි රන් මෙන් ආරක්ෂා කිරීමට සිදුව ඇති බවද සඳහන් කරයි.

අවාරය මෙන්ම, අයහපත් කාලගුණය යන හේතු සාධක අනුව ඉන්දියාවේ විවිධ ප්‍රදේශවල තක්කාලි මිලෙහි යම් වෙනසක් පැවතියත්, සාමාන්‍යයක් ලෙස තක්කාලි කි.ග්‍රෑ 01කට ඉන්දීය රු.100/- ක් හෙවත් පැවති මිල මෙන් දෙගුණයක් ගෙවීමට සිදුව ඇති බවද වෙළෙන්ඳෝ වැඩිදුරටත් පවසති.

උඩපන්දුව අත්හැරීමේ අලාභය අපට ගෙවන්න වුණා - ගුරුසිංහ

“අපිට ඇත්ත වශයෙන්ම පිළිගන්න වෙනවා අපි හොඳින් පන්දු යැවීම සිදු නොකළ බව” යැයි ශ්‍රී ලංකා කණ්ඩායමේ කළමණාකරු අසංක ගුරුසිංහ මහතා සඳහන් කළේය. ගාල්ලේ පැවැත්වෙන ශ්‍රී ලංකා හා ඉන්දියා ටෙස්ට් තරගයේ පළමු දිනයේ නිමාවත් සමග ඊයේ (26දා) පැවැති මාධ්‍ය හමුවේදී  ඔහු මේ බව සඳහන් කළේය. “

එක් දිනයක් තුළ ප්‍රතිවාදීන් ලකුණු 400ක් රැස්කරයි නම් ඔබට කණ්ඩායම ඇගයීම අපහසු කරුණක්. අපි දවාන්ගේ උඩපන්දුව අත්හැරියා. ඒ නිසා අපිට අලාභය ගෙවන්න වුණා. ඒ වගේම අසේලත් අපිට අහිමිවුණා.”

“ මම හිතන්නේ නෑ අපි හරි ස්ථානයට පන්දුව යොමු කළ කියලා. අපි ලකුණු 400ක් ලබාදුන් අවස්ථාවේදි තවත් කඩුල්ලක් දවාගත්තානම් තරමක් එය හොඳ තත්ත්වයක් වෙන්න තිබුණා.”

ගාල්ලේදී ලකුණු 600ක් කණ්ඩායමක් රැස්කරයි නම් ප්‍රතිවාදීන්ට එය ඉක්මවා යෑම අපහසු බව ගුරුසිංහ පවසයි.

“මේ ගාල්ල. ප්‍රතිවාදීන් ලකුණු 600ක් රැස්කිරීමෙන් පසුව ඔවුන් තරගය ජයගැනීමට වැඩි අවස්ථාවක් තිබෙනවා. අපේ පිතිකරුවන් අනිවාර්යයෙන්ම හොඳින් ක්‍රීඩා කළ යුතු වෙනවා. අපි බලමු මොකක්ද වෙන්නේ කියලා. අවසන් දින දෙකේදී එය පිතිකරුවන්ට හොඳ විකට්ටුවක් ලෙසයි පෙනුණේ.  අපිට මුලින්ම හෙට දිනයේදී ඔවුන්ව දවාගත යුතු වෙනවා. අපිට හෙට දිනයේදී පිතකරණයේ යෙදෙන්න අවස්ථාවක් ලැබේවි. නමුත් එය අපි කළමනාකරණය කරගත යුතු වෙනවා.”

තජුඩීන් ඝාතනය ගැන ප්‍රශ්න කිරීමට ශිරන්ති සහ යෝෂිත CIDයට

රාජපක්ෂ රෙජීම පාලන සමයේදී සැලසුම් සහගතව ඝාතනය කළ බවට සැක කෙරෙන රගර් ක්‍රීඩක වසීම් තජුඩීන්ගේ අමානුෂික ඝාතනය සම්බන්ධයෙන් ප්‍රශ්න කිරීම සඳහා ශිරන්ති රාජපක්ෂට සහ යෝෂිත රාජපක්ෂට අපරාධ පරීක්ෂණ දෙපාර්තමේන්තුව (සීඅයිඩිය) ඉදිරියේ පෙනී සිටින ලෙස දැනුම් දී තිබේ.

ශිරන්ති රාජපක්ෂට අද (27) උදේ 9.30 ට පෙනී සිටින ලෙස දැනුම් දී ඇති අතර යෝෂිත රාජපක්ෂට හෙට (28) උදේ පෙනී සිටින ලෙස දැනුම් දී තිබේ.

තජුඩීන් ඝාතනය සඳහා පැහැර ගැනීමට ආ වාහනය රතු කුරුස සංවිධානය විසින් ශිරන්ති රාජපක්ෂට පරිත්‍යාග කළ එකක් බවත් ඒ වන විට වාහනය තිබුනේ ශිරන්ති රාජපක්ෂ භාරයේ බවත් මීට පෙර මාධ්‍ය වාර්තා කර තිබිණ.

තජුඩීන් ඝාතනය සාමාන්‍ය රිය අනතුරක් ලෙස යට ගැසීමට ක්‍රියා කළ හිටපු ජ්‍යෙ.නි.පොලිස්පති අනුර සේනානායක වසරකට අධික කාලයක් රිමාන්ඩ් බන්ධනාගාරයේ පසුවූ අතර පසුගියදා ඇප මත නිදහස් කෙරිණ. ඊට පෙර අධිකරණයේ දී ප්‍රකාශයක් කළ අනුර සේනානායක කියා සිටියේ තජුඩීන්ගේ සැබෑ ඝාතකයන් නිදැල්ලේ සිටින බවයි.

LTTE සංවිධානය ත්‍රස්ථ සංවිධානයක් නොවන බවට සහතිකයක්

යුරෝපා සංගමයේ ත්‍රස්තවාදී ලැයිස්තුවෙන් එල්. ටී. ටී. ඊ. සංවිධානය ඉවත් කිරීමට යුරෝපා සංගම් අධිකරණයක් තීරණය කර තිබේ.

පලස්තීනයේ ඉස්ලාමීය සංවිධානයක් වන හමාස් සංවිධානය තවදුරටත් ත්‍රස්තවාදී ලැයිස්තුවේ තැබීමට ඔවුන් තීරණය කර ඇත.

ශ්‍රී ලංකාවේ ත්‍රස්තවාදී සංවිධානයක් වු එල්. ටී. ටී. ඊය පරාජය කිරීමෙන් පසු ඔවුන්ගේ කිසිඳු ත්‍රස්තවාදී ක්‍රියාවක් වාර්තා නොවීම හේතුවෙන් මෙම තීරණය ගන්නා බව යුරෝපා සංගම් අධිකරණය පෙන්වාදී තිබේ.

තවදුරටත් අදාළ ලැයිස්තුවේ එල්.ටී.ටී.ඊ. සංවිධානය රඳවා තැබීමට ප්‍රමාණවත් සාක්ෂි නොමැතිවීම හේතුවෙන් මෙම පියවර ගෙන ඇති බවද සඳහන්ය.

යුරෝපා සංගම් අධිකරණයේ මෙම තීරණයත් සමග එල්. ටී. ටී. ඊ. සංවිධානයට අයත් අරමුදල් තහනම් කිරීම ද නතරවනු ඇත.

යුරෝපා සංගමය විසින් ත්‍රස්තවාදී සංවිධාන ලැයිස්තුවක් නිර්මාණය කරනු ලැබුවේ 2001 වසරේ සැප්තැම්බර් 11 වනදා පෙන්ටගනයට එල්ලවු ත්‍රස්ත ප්‍රහාරයත් සමගය.

එය අවසන් වරට පසුගිය ජනවාරි මාසයේදී යාවත්කාලීන කර තිබේ.

එම ත්‍රස්තවාදී ලැයිස්තුවට මේවන විට ත්‍රස්තවාදීන් 13 දෙනෙකු සහ සංවිධාන 22 ක් ඇතුළත්ය.

පිලිපීනයේ කොමියුනිස්ට් පක්ෂය මෙන්ම පේරු රාජ්‍යයේ මාවෝ සංවිධානය ද ඊට ඇතුළත් වෙයි.

හමාස් සංවිධානය යුරෝපා සංගමයේ ත්‍රස්තවාදී ලැයිස්තුවට ඇතුළත් කරනු ලැබුවේ 2003 වසරේදීය.

එල්. ටී. ටී. ඊ. සංවිධානය 2006 වසරේදී ත්‍රස්තවාදී ලැයිස්තුවට එක්කර තිබේ.

අධික වටිනාකමකින් යුත් පිළිම 6 ක් | PHOTO

නාවික හමුදාවට ලද බුද්ධි තොරතුරකට අනුව බටහිර නාවික විධානයට අනුයුක්ත නාවිකයින් පිරිසක් සහ වලාන දුෂණ මර්ධන ඒකකයට අනුයුක්ත නිලධාරින් එක්ව වේයන්ගොඩ ප්‍රදේශයේ සිදු කරන ලද සෝදිසි කිරිමකදී පුරාවිද්‍යාත්මක වටිනාකමකින් යුත් භාණ්ඩ තොගයක් මෙලෙස අත්අඩංගුවට ගත්තා.

මෙම භාණ්ඩ තොගය විකිණිමට සුදානම් කර තිබියදී වැටලීම සිදු කර තිබෙනවා.

ඒ අනුව දේව ප්‍රතිමා 02ක්, හංස යුවල් 01ක්, සිංහ මුද්‍රාවන් 02ක් සොයා ගැනිමට හැකි වු අතර, ඒවා අධික වටිනාකමකින් යුක්ත බවටයි මේ වන විට හඳුනාගෙන ඇත්තේ.

තවද, මෙම භාණ්ඩ සමග පුද්ගලයින් 05 දෙනෙකු අත්අඩංගුවට ගෙන තිබෙනවා. එම පුද්ගලයින් හංවැල්ල, මිගමුව, වටිනපහ සහ මත්තමගොඩ යන ප්‍රදේශයන්හි පදිංචිකරුවන් වනවා.