25 July 2017

නියඟයෙන් වව්නියාවේ පවුල් 25515කට පීඩා

උතුරු පළාතට මේ දිනවල පවතින දැඩි නියං තත්ත්වය හේතුවෙන් වවුනියාවේ පවුල් 25515කට අයත් පුද්ගලයන් 85800ක් පමණ විපතට පත්ව ඇති අතර, ඇතම් ප්‍රදේශ වෙතට පානීය ජලය නොමැති වීමෙන් එම වැසියෝ දැඩි අපහසුතාවයන්ට පත්ව සිටිති.

වව්නියාවේ පිහිටි පාදේශීය ලේකම් කොට්ඨාස හතරට අයත් ග්‍රාම සේවා වසම් 102ක වැසියන් මෙම නියං කාලගුණයට ගොදුරුව සිටින අතර, ඉන් වැඩි වශයෙන්ම පීඩාවට පත්ව සිටින පවුල් 670කට අයත් පුද්ගලයන් 2600කට ආසන්න පිරිසකට වවුනියාව දිස්ත්‍රික් ලේකම් කාර්යාලය හරහා පානීය ජලය ලබා දීමේ වැඩපිළිවෙළක්ද ආරම්භ කර ඇති බව වව්නියාව දිසාපති එම්.බී.ආර්. පුෂ්පකුමාර මහතා කියා සිටියේය.

මේ පිළිබඳව ඒ මහතා වැඩිදුරටත් පවසා සිටියේ වවුනියාවේ පානීය ජලය නොමැති ප්‍රදේශ කිහියක වැසියන්ට ජල ටැංකි 300ක් පමණ යොදවා ප්‍රාදේශීය ලේකම් කාර්යාල හරහා පානීය ජලය ලබා දීමට පියවර ගන්නා බවත්, මේ වනවිට දුෂ්කර ගම්මාන කිහිපයකට පානීය ජලය ලබා දීමේ වැඩපිළිවළක් ආරම්භ කර ඇති බවත්ය.

No comments:

Post a Comment