ඒ බව අනාවරණය වූයේ එම සුඛෝපබෝගී මහල් නිවාසය අර්ජුන් ඇලෝෂියස් මහතාට කුලී පදනම මත ලබා දුන් ව්‍යාපාරික කාන්තාව අද බැදුම්කර කොමිසමට ලබා දුන් සාක්ෂිවලට අනුවය.
තමන් එම සුඛෝපබෝගී නිවස කූලී පදනම මත ලබා දෙන බවට වූ තොරතුරු මත අදාළ අමාත්‍යවරයාගේ බිරිද එම නිවස පරික්ෂා කිරීමට පැමිණි බවත්, ඒ මොහොතේදී ඇය ලබා දුන් දුරකථන ඇමතුමකට අනුව අර්ජුන් ඇලෝෂියස් මහතා ද නිවස පරීක්ෂා කිරීමට පැමිණි බවත් ඇය කොමිසම හමුවේ ප්‍රකාශ කර තිබේ.
එහිදී අදාළ ව්‍යාපාරික කාන්තාවගේ පාසල් මිතුරෙක් ද වූ අර්ජුන් ඇලෝෂියස් මහතා එම නිවස කුලී පදනම මත ලබා ගන්නේ තමන් බව ඇයට පවසා ඇති බව සඳහන්ය.
එමෙන්ම මසකට රුපියල් ලක්ෂ 14ක මුදලකට මෙම නිවස කූලී පදනම මත ලබා ගැනීමට අර්ජුන් ඇලෝෂියස් මහතා එකඟ වූ බවත්, මාස 06ක කාලයක් සඳහා රුපියල් ලක්ෂ 72ක මුදලක් තමන් ලබා දුන් බවත් සාක්ෂිකාරිනිය වැඩිදුරටත් ප්‍රකාශ කර තිබේ.
No comments:
Post a Comment