තමාට අවශ්‍යතාවය පැවතීයේ නම් අතීතයේ පැවති බලතල සමඟ එක් රැයකින් කොළඹ වට කර රට බාර ගැනීමේ හැකියාව. තිබු බවත් එවැනි විනය විරෝධි ක්‍රියා සිදුකිරීමේ පුරුද්දක් තමාට නැති බවත් ෆීල්ඩ් මාර්ෂල් සරත් ෆොන්සේකා මහතා පවසයි.
මේ අතර පසුගිය දා ජනාධිපතිවරයා විසින් සරත් ෆොන්සේකා මහතා වෙත ආරක්ෂ අංශ තනතුරක් පිරිනැමීමට යන බව පවසමින් ප්රකාශයක් කර තිබු බවත් එය ජනාධිපතිවරයා විහිළුවට පවසන ලද්දක් බව දිසානායක මහතා පවසා ඇති බැවින් ඒ සම්බන්ධයෙන් මාධ්‍යවේත අදහස් දක්වමින් ෆොන්සේකා මහතා කියා සිටියේ එස්.බි. දිසානාය මහතා ඇමති කෙනෙක් නිසා තමා ගෞරව කරන නමුත් ඔහුගේ සියලු දේ විහිලුවක් බවට පත් කර ගෙන ඇති බවත්ය.
එමෙන්ම පුද්ගලයෙක් ජීවිතයේ එක් වතාවක් හෝ ගැඹුරින් සිතා බලා තටයුතු කළ යුතු බව ද ෆොන්සේකා මහතා මෙහිදී අවධාරණය කර සිටියේ ය.
මේ අතර පාර්ලිමේන්තු මන්ත්‍රී ජොන් සෙනෙවිරත්න ද තමාගේ තනතුර පිළිබඳ බියෙන් ජීවත් වෙන පැවසු ෆොන්සේකා මහතා වැඩි දුරටත් කියා සිටියේ ඔහු ඝෝඨාභය රාජපක්ෂ මහතාගේ හිතවතෙක් වන බවත් තම නව තනතුරින් ඔවුන්ට පහර වදීද යන බියෙන් පසුවන බවත්ය.
කෙසේ වෙතත් මෙවැනි පුද්ලයින්ගේ ප්‍රකාශ කරන දෙය එතරම් ගණන් නොගත යුතු බව ද ෆොන්සේකා මහතා මෙහිදී අවධාරණය කර සිටියේ ය.
