තජිකිස්ථානය තුළ එරට ජනාධිපතිවරයා සම්බන්ධයෙන් පුවත් වාර්තා කිරීමේදී සියලු රාජ්‍ය මාධ්‍ය විසින් ඔහුගේ නම සඳහන් කිරීමේදී අනුගමනය කළ යුතු නව නීතියක් හඳුන්වාදී තිබේ.
ඒ අනුව, මින් ඉදිරියට ජනාධිපති 'එමොමාලි රහ්මොන්' යනුවෙන් පමණක් පැවසීම ප්‍රමාණවත් නොවන අතර, ඒ වෙනුවට, 'ජාතික සමගියේ සහ සාමයේ නිර්මාතෘ, ජාතියේ නායක, තජිකිස්තාන සමූහාණ්ඩුවේ ජනාධිපති, අතිගරු එමොමාලි රහ්මොන්' යනුවෙන් ඔහු හඳුන්වාදීම අනිවාර්යය වී තිබේ.
මේ නිසා එරට පුවත් වාර්තාවකදී ජනාධිපතිවරයාගේ නිල නාමය දැක්වීමට පමණක් තත්ත්පර 15ක ගුවන් කාලයක් වැය වන බව සඳහන් වෙයි. ඒ අනුව, එරට රජය පාලනය යටතේ පවතින පුවත් ආයතන සහ වෙබ් අඩවිවලටද අදාළ නීතිය බලපැවැත්වෙන බව විදෙස් වාර්තා පවසයි.
කෙසේ වෙතත්, තජිකිස්ථාන බලධාරීන් විසින් හඳුන්වාදුන් මේ නීතිය සමාජජාල ඔස්සේ දැඩිව හාස්‍යයට ලක්වන බවත්, මෙය හුදු විකාරයක් බවත් බොහෝ දෙනා පවසන බවද විදෙස් වාර්තා වැඩිදුරටත් පෙන්වා දෙයි.
ada
No comments:
Post a Comment