ඔස්ට්‍රේලියාවේ මහා බාධක කොරල් පරය නොසිතූ ලෙස වරින් වර විරංජනයට ලක්වීම තුළ එය ලෝක උරුම අවදානම් ලැයිස්තුවට පත්වනු ඇති බවට විශ්වාසයක් පැවතුණි.
කෙසේ වෙතත්, එය අවදානම් ලැයිස්තුවට එක් නොකිරීම සඳහා යුනෙස්කෝව ගත් තීරණය ඔස්ට්‍රේලියාව මහත් ඉහළින් පිළිගෙන තිබේ. විශේෂයෙන්ම මහා බාධක කොරල් පරය ආරක්ෂා කිරීමට ඔස්ට්‍රේලියාව ගත් ක්‍රියාමාර්ග යුනෙස්කෝව පිළිගෙන ඇති බව ඔස්ට්‍රේලියාව කියයි. කෙසේ වෙතත්, අදාළ යම් යම් ක්‍රියාමාර්ග සම්බන්ධයෙන් යුනෙස්කෝවේ විවේචනයක්ද පැවති බව සඳහන් වේ.
පෝලන්තයේදී යුනෙස්කෝ ලෝක උරුම කමිටුව විසින් මෙම නිගමනයට පැමිණ ඇති අතර, මෙය තම රට ලැබූ ජයග්‍රහණයක් බව ඔස්ට්‍රේලියානු පරිසර අමාත්‍ය ජෝෂ් ෆ්‍රයිඩන්බර්ග් පවසයි.
&අපි මේ සුවිශේෂී මහා පුදුමය ආරක්ෂා කිරීමට සෑම පියවරක්ම ගනු ලැබුවා. එය ඉදිරි පරම්පරාවන් වෙනුවෙන් තවදුරටත් ඉතා හොඳ සෞඛ්‍යය තත්ත්වයකින් පැවතීම අප ලැබූ ජයග්‍රහණයක්* යැයි අමාත්‍යවරයා වැඩිදුරටත් පවසයි.
