යුනෙස්කෝ (එක්සත් ජාතීන්ගේ අධ්‍යාපනික, විද්‍යා හා සංස්කෘතික සංවිධානය) සංවිධානය ඉපැරැණි හෙබ්රෝන් නගරය ලෝක උරුම නගරයක් ලෙස නම් කිරීම සඳහා රහස් ඡන්ද විමසුමක් ද පැවැත්වීය.
යුනෙස්කෝ සංවිධානයේ මෙම තීරණයත් සමඟ ඊශ්‍රායලය හා පලස්තීනය අතර නව අර්බුදයක් ද නිර්මාණය වනු ඇතැයි පැවසේ. ඡන්ද විමසීමේදී හෙබ්රෝන් නගරය ලෝක උරුම නගරයක් ලෙස නම් කිරීමට පක්ෂව ඡන්ද 12ක් ද විපක්ෂව ඡන්ද 3ක් හිමිවිය. රටවල් හයක නියෝජිතයෝ ඡන්දය විමසන අවස්ථාවේදී සභාවේ නොවූහ.
බටහිර ඉවුරේ හෙබ්රෝන් හි පලස්තීන ජාතිකයන් 200,000ක් පමණ ජීවත්වන අතර ඊශ්‍රායල ජාතිකයන් සිය ගණනක් ද එහි ජීවත්වෙති. යුනෙස්කෝ සංවිධානයේ මෙම තීරණයට විරෝධය පළ කරමින් එම තීරණය නින්දා සහගත ක්‍රියාවක් යැයි ඊශ්‍රායලය ප්‍රකාශ කර තිබේ.
No comments:
Post a Comment