අදාළ නඩුව (30) කැඳවූ අවස්ථාවේ කොටුව මහේස්ත්‍රාත් ලංකා ජයරත්න මෙනවිය එම තහනම් නියෝගය නිකුත් කළ බව අධිකරණ වාර්තාකරු සඳහන් කළේය.
2009 වසරේදී යුක්රේනයෙන් මිග් යානා මිලදී ගැනීම සඳහා මැදිහත්වී අයුතු ආකාරයෙන් මුදල් උපයාගැනීම සම්බන්ධයෙන් මූල්‍ය අපරාධ කොට්ඨාසය ඔහුට එරෙහිව නඩු පවරා තිබේ.
ඒ අනුව පසුගිය වර්ෂයේ ඔක්තෝබර් 16 වන දින උදයංග වීරතුංග මහතා අත්අඩංගුවට ගැනීම සඳහා ජාත්‍යන්තර වරෙන්තු නිකුත් කළේය.
ඔහු නිකුත් කර ඇති විදේශ ගමන් බලපත්‍රම උපයෝගීකර ගනිමින් රටින් රටට සංචාරය කරන බවට තොරතුරු මේ වන විට අනාවරණය වී ඇති බව මූල්‍ය අපරාධ විමර්ශන කොට්ඨාසය අධිකරණයට දැනුම්දී තිබේ.
ඒ අනුව එම විදේශ ගමන් බලපත්‍ර තහනම් කිරීමේ නියෝගයක් ලබා දෙන ලෙස මූල්‍ය අපරාධ විමර්ශන කොට්ඨාසය අධිකරණයෙන් ඉල්ලා සිටියි.
No comments:
Post a Comment