රුසියාවේ නිෂ්පාදිත හෙලිකොප්ටර් යානා නඩත්තු සහ අලූත්වැඩියා කිරීමේ මධ්‍යස්ථානයක් ශ්‍රී ලංකාවේ පිහිටුවීමට යෝජනා වී තිබෙනවා.
හමුදා තාක්ෂණ සහයෝගිතාව පිළිබද රුසියානු මධ්‍යම රජයේ නියෝ්‍ය ප්‍රධානී මිකායිල් පෙටුකොෆ් මේ බව ප්‍රකාශ කර ඇත්තේ රුසියානු ස්පුට්නික් පුවත්පතටයි.
ශ්‍රී ලංකාව ද රුසියාවේ නිෂ්පාදිත එම්.අයි. 08 සහ එම්.අයි 17 සහ 24 ප්‍රහාරක සහ ප්‍රවාහන හෙලිකොප්ටර් යානා භාවිත කරනවා.
කලාපීය රටවල් රැසක ගුවන් බලඇණි සමන්විත වී ඇත්තේ රුසියානු හෙලිකොප්ටර් යානා වලින්.
මේ නිසා ශ්‍රී ලංකාව තුළ එවැනි හෙලිකොප්ටර් යානා නඩත්තු කිරීමේ මධ්‍යස්ථානයක් පිහිටුවීම වැදගත් වන බවයි රුසියාව පෙන්වා දී ඇත්තේ.
මේ අතර, ජෙපාඞ් වර්ගයේ ප්‍රහාරක යාත්‍රා ශ්‍රී ලංකාවට ලබාදීම සම්බන්ධයෙන් ද සාකච්ඡා පවත්වා ඇති බව ස්පුට්නික් පුවත්පත වාර්තා කළා.
ප්‍රහාරයකදී සතුරු යාත්‍රා, ගුවන් යානා සහ සබ්මැරීනවලට එරෙහිව ප්‍රතිචාර දැක්විය හැකි මෙම යාත්‍රා, මුර සංචාර සහ අනෙකුත් සේවාවන් සදහා ද යොදා ගත හැකි බවයි රුසියානු හමුදා තාක්ෂණික සහයෝගීතාවයේ නියෝජ්‍ය අධ්‍යක්ෂවරයා සඳහන් කර ඇත්තේ.
No comments:
Post a Comment