පා.ම විමල් විරවංශ මේ වනවිට මාස ගණනාවක සිට බන්ධනාගාර ගත කර සිටියි. ඔහු ඇප නොදීම සම්බන්ධයෙන් දැඩි කනස්සල්ලකින් ද පසුවන බවයි දේශපාලන ආරංචි මාර්ග පවසන්නේ.
තත්වය එසේ තිබියදී විමල් වීරවංශ මහතා එක්සත් ජාතික පක්ෂය සමඟ සම්බන්ධ වීමට සූදානමක් පවතින බව වාර්තා වනවා.
පසුගිය සමය පුරාම ඒකාබද්ධ විපක්ෂය විසින් කටයුතු කළ ආකාරය පිළිබඳ ඇතිවූ දැඩි කළකිරීම සහ දිගින් දිගටම තමන්ව සහ පවුලේ අයව පීඩනයට පත්කරමින් ක්‍රියාත්මක වන නෛතික ක්‍රියාමාර්ග මෙම තීරණය ගැනීමට හේතු වී ඇති බවටයි වාර්තා වන්නේ.
විමල් ජාතික නායකයෙකු වශයෙන් ඉදිරියට එන බව පවසමින් ඔහුව නිදහස් කරගැනීමට අවශ්‍ය දේශපාලනික පීඩනයක් ලබාදීමට හැකියාව තිබියදී ඒකාබද්ධ විපක්ෂයේ ඉහළ පෙලේ නායකයින් එම තත්වය නොසලකා හැර සිටින බව අතීශය විශ්වාසදායී ආරංචිමාර්ග තුලින් සදහන් වනවා.
එසේම විමල් වීරවංශගේ නිවසේ තරුණයෙකු මියයාමේ සිදුවීම සහ ඔහු බන්ධනාගාරගත වීම යන කරුණු හරහා ඔහුට සහ පවුලේ අයට මඩ ගැසීමට මුල්වී ක්‍රියාකර ඇත්තේ ඒකාබද්ධ විපක්ෂයේම ඉහළ පෙලේ නායකයින් බව විමල් වීරවංශ දැනගෙන තිබීම විශේෂත්වයක්.
විමල්ව එජාපයට සම්බන්ධ කරගැනීම සම්බන්දයෙන් තවමත් නිශ්චිත තීරණයකට එම පක්ෂය එළඹ නැති අතර ඔහු හා පක්ෂයේ ඉහළ නායකත්වය සමඟ තිබෙන අවබෝධය මත තීරනාත්මක මොහොතක එම පිල් මාරුව සිදුවනු ඇතැයි අතීශය විශ්වාසදායි දේශපාලන ආරංචි මාර්ගවලින් තහවුරු වී තිබෙනවා.
No comments:
Post a Comment