බලහත්කාරයෙන් අත්පත්කරගෙන සිටින පලසතීනයේ බටහිර ඉවුරු ප්‍රදේශය තුළ නීතිවිරෝධී අයුරින් නිවාස 2,630ක් ඉදිකි රීමට ඊශ්‍රායලය පියවර ගෙන ඇති බව විදෙස් මාධ්‍ය වාර්තා කර තිබේ.
ඊශ්‍රායලයේ මධ්‍යම තොරතුරු බියුරෝව සඳහන් කරන ආකාරයට 2013 වසරේදී ඉදිකරණ ලද නිවාස 2,874කට පසුව සාදන ලද විශාලතම නිවාස ප්‍රමාණය මෙය වී ඇත. 2009 වසරේදී බෙන්ජමින් නෙතන්හායු අගමැති ධුරයට පත්වීමත් සමග නිවාස 14,017ක් සෑදීමේ ව්‍යාපෘතියක් ආරම්භ කළ අතර මේ දක්වාම සෑම ඊශ්‍රායල් නායකයෙකු යටතේම පලස්තීන භූමිය තුළ මෙවැනි නීතිවිරෝධී නිවාස ඉදිකිරීම් අඛණ්ඩව සිදුවෙමින් ඇති බවද මධ්‍යම තොරතුරු බියුරෝව සඳහන් කරයි.
මෙවැනි ඉදිකිරීම් හරහා පලස්තීනුවන්ට සහ ජාත්‍යන්තරයට ඊශ්‍රායලය ප්‍රකාශ කරමින් ඇත්තේ “රාජ්‍යයන් දෙකක්” සංකල්පයට තමන් එකඟ නැති බව යැයිද “පීස් නව්” නැමති සංවිධානය ප්‍රකාශයට පත් කර ඇත. ඊශ්‍රායල් – පලස්තීන සාම වැඩපිළිවෙලට මෙවැනි ක්‍රියාමාර්ග දැඩි බාධාවන් පමුණුවමින් ඇති බවද සඳහන් වේ.
No comments:
Post a Comment