ශ්‍රී ලංකාවේ ප්‍රමුඛ පෙළේ තීන්ත නිෂ්පාදන සමාගමක් වන කෝස්වේ පේන්ට්ස් ලංකා (පුද්) සමාගම සම්පූර්ණයෙන්ම තමන් විසින් මිල දී ගත් බව ඉන්දියාවේ ඒෂියන් පේන්ට්ස් සමාගම නිවේදනය කර සිටී.
බෝම්බේ ව්‍යාපාර වස්තු හුවමාරුවේ ලැයිස්තුගත සමාගමක් වන ඒෂියන් පේන්ට්ස් විසින් සිය අනුබද්ධ සමාගමක් වන Berger International හරහා පසුගිය පෙබරවාරි මාසයේ දී ආරම්භ කරන ලද මෙම ව්‍යාපාර අත්පත් කර ගැනීම අද දිනයේ දී අවසන් කළ බව එම නිවේදනයේ වැඩිදුරටත් සඳහන් වේ.
ශ්‍රී ලංකා රුපියල් මිලියන 9,050 කට මෙම ගනුදෙනුව සිදු වී ඇති අතර ආසන්න වශයෙන් එය ඉන්දියානු රුපියල් කෝටි 386.75 කි.
ඒෂියන් පේන්ට්ස් සමාගම සිය ලාංකීය ව්‍යාපාර හස්තය වන ඒෂියන් පේන්ට්ස් (ලංකා) ලිමිටඩ් හරහා ශ්‍රී ලංකාව තුළ දැනටමත් මෙහෙයුම් කටයුතුවල නිරත අතර ඉදිරියේදී ලාංකීය වෙළෙඳපොළ තුළ සිය ස්ථානය තවදුරටත් පුළුල් කර ගැනීම මෙම ව්‍යාපාර අත්පත් කර ගැනීමේ අරමුණ බව කියා සිටී.
No comments:
Post a Comment