යුද අපරාධ යාන්ත්‍රණය සම්බන්ධයෙන් ජනාධිපති මෛත්‍රීපාල සිරිසේන මහතාත් අග්‍රාමාත්‍ය රනිල් වික්‍රමසිංහ. මහතාත් ජිනීවා යෝජනාවට මුළුමනින්ම පටහැනි ප්‍රකාශ කර ඇති බව විපක්ෂ නායක ආර්.සම්බන්ධන් මහතා පවසයි.
මේ ගැන පැහැදිලි පිළිතුරක් ජිනීවා යෝජනාව සම්බන්ධයෙන් බ්‍රහස්පතින්දා(06) පාර්ලිමේන්තුවේදී පැවැත්වීමට නියමිත විවාදයේදී තමන් ලබා දෙන බව ද ඒ මහතා කියයි.
කිසිදු රණවිරුවකු අධිකරණයට ඉදිරිපත් කර නඩු ඇසීමට තමා සූදානම් නැති බවට ජනපතිවරයා ඉකුත් දිනක ප්‍රකාශ කළ බවත් යුද අපරාධ යාන්ත්‍රණය සදහා විදේශීය විනිසුරුවරුන් එක්කර නොගන්නා බවට අග්‍රාමාත්‍යවරයා ප්‍රකාශ කළ බවත් ඒ මහතා පවසයි.
රජයේ මැති ඇමතිවරුන් පවා යුද අපරාධ යාන්ත්‍රණයට විදේශීය විනිසුරුවරුන් සම්බන්ධ කරගැනීම ප්‍රතික්ෂේප කරන බව විපක්ෂ නායකවරයා කියයි.
No comments:
Post a Comment