පොලීසිය පවසන පරිදි මින් එක් සමූහ දූෂණයකට ලක්ව ඇත්තේ 23 හැවිරිදි කාන්තාවකි. රොහ්ටාක් දිස්ත්‍රික්කයේදී පසුගිය සතියේ සමූහ දූෂණයකට ලක්කර මරා දමා තිබූ මෙම කාන්තාවගේ සිරුර දින කිහිපයකට පසුව සොයාගෙන තිබුණි. මරණ පරීක්ෂණයේදී ඇයගේ හිස් කබල කැඩී තිබූ බවද අනාවරණය විය.
මේ අතර, පසුගිය සෙනසුරාදා 22 හැවිරිදි තරුණියක් සමූහ දූෂණයට ලක්ව තිබුණ් දිල්ලියේ, ගුර්ගෝන් හි ධාවනය වෙමින් තිබූ මෝටර් රථයක් තුළදීය.
මෙම සමූහ දූෂණ සිද්ධීන් දෙකෙහිදීම ඉන්දියාව තුළ කාන්තාවන්ට අනාරක්ෂිත තත්ත්වයක් ප්‍රකට කර ඇති බව ක්‍රියාධරයන් අවධාරණය කරයි.
මුලින්ම සිදුවූ සමූහ දූෂණයේදී ඝාතනයට ලක්වූ කාන්තාවට මත් ද්‍රව්‍යයක් බීමට ලබාදී ඇති බවත්, ඇයගේ සමූහ දූෂකයන්ගෙන් අයෙක් ඇයව දන්නා හඳුනන අයෙකු විය හැකි බවත් පොලීසිය සැක කරයි. කෙසේ වෙතත්, ඇයගේ හිසට පහරදීමකින් ඇය ජීවිතක්ෂයට පත්ව ඇති බව කියැවෙයි.
2012 වසරේදී වෛද්‍ය ශිෂ්‍යාවක දිල්ලියේදී අමානුෂික දූෂණයකට ලක්ව මිය යෑමේ සිදුවීමෙන් පසුව ඉන්දියාව තුළ කාන්තාවන්ගේ ආරක්ෂාව සම්බන්ධයෙන් දැඩි ආන්දෝලනයක් ඇති විය. එමෙන්ම, මෙම දූෂකයන්ට ලබාදී තිබූ මරණ දඬුවම පසුගියදා ශ්‍රේෂ්ඨාධිකරණය විසින් යළිත් තහවුරු කළේය.
No comments:
Post a Comment