ඒ අනුව, දැනට ඔවුන් වෙත පනවා ඇති සම්බාධක ඉවත් කිරීමට නම් කටාරයේ මූලස්ථානය වී ඇති අල්-ජසීරා මාධ්‍ය ආයතනය වසා දැමීය ඇතුළු ඉල්ලීම් 13ක් මෙම මෙම අරාබි රටවල් විසින් කටාරය වෙත ඉදිරිපත් කර ඇති බව විදෙස් වාර්තා පවසයි.
එහිදී, ඉරානය සමග සබඳතා අඩු කිරීම, කටාරයේ පිහිටි තුර්කි හමුදා කඳවුරක් ඉවත්කිරීම ඇතුළු මෙම ඉල්ලීම් දින 10ක් ඇතුළත ඉටුකළ යුතු බවද එහිදී අවධාරණය කර තිබේ.
මීට අමතරව, මුස්ලිම් සහෝදරත්වය සංවිධානය හා සබඳතා අත්හැරීම, සෞදි අරාබිය, එක්සත් අරාබි එමීර් රාජ්‍යය, බහරේනය සහ ඊජිප්තුව යන රටවල් හතරේ වැසියන්ට කටාරයේ පුරවැසිභාවය ලබානොදීම හා දැනට ලබාදී ඇති අය පිටුවහල් කිරීම, ත්‍රස්තවාදයට අනුබලදීම යටතේ අවශ්‍යව සිටින පුද්ගලයන් මෙකී රටවලට භාරදීම, ඇමෙරිකාව විසින් ත්‍රස්තවාදී සංවිධාන ලෙස නම් කර ඇති ඕනෑම සංවිධානයකට මූල්‍යාධාර ලබාදීම වහාම නතර කිරීම, සෞදිය ප්‍රමුඛ මෙම රටවල විරුද්ධ පක්ෂ නායකයන්ට සැපයූ මූල්‍යාධාර පිළිබඳ සවිස්තර වාරතා ලබාදීම, අල්-ජසීරා, අරාබියා21 සහ මිඩ්ල් ඊස්ට් අයි ඇතුළු අනෙකුත් මාධ්‍ය ආයතනවලට ලබාදෙන මූල්‍යාධාර වහාම නතර කිරීම, සිය රටවලට වන්දි මුදලක් ගෙවීම යන ඉල්ලීම්ද ඒ අතර වෙයි.
කෙසේ වෙතත්, මෙම රාජ්‍යයන් විසින් ඉදිරිපත් කර තිබෙන ඉල්ලීම් පිළිබඳව කටාරය මෙතෙක් කිසිදු ප්‍රතිචාරයක් දක්වා නොමැති අතර, තමන් වෙත පනවා ඇති සම්බාධක ඉවත්කරන තුරු කිසිදු සාකච්ඡාවක් නොපවත්වන බවද පවසා තිබේ.
No comments:
Post a Comment