ඔහු කියා සිටියේ මේ නිසා කොළඹ දිස්ත්‍රික්කයේ පැතිර යන ඩෙංගු වසංගත තත්ත්වය පාලනය කිරීම සඳහා කඩිනම් වැඩසටහනක් පසුගිය සෙනසුරාදා සිට ආරම්භ කළ බවයි.
වසරේ ගත වූ කාලසීමාව තුළ වාර්තා වූ ඩෙංගු රෝගීන්ගේ සංඛ්‍යාව 69,380 දක්වා ඉහළ ගොස් තිබෙනවා.
එමෙන්ම ඩෙංගු වැළදීමෙන් මියගිය සංඛ්‍යාව 210 දක්වා ඉහළ ගොස් ඇති බවයි සෞඛ්‍ය අංශ පෙන්වා දෙන්නේ.
ඩෙංගු වැළඳුණු පිරිසෙන් සියයට 20 ක් පමණ පාසල් ළමයින් වනවා.
විශේෂයෙන් ඩෙංගු වාහක මදුරුවන් පෙරවරු 6 සිට 9 දක්වා කාලය තුළ සක්‍රීයව සිටීම ඊට හේතුවයි.
මේ නිසා පාසල්වල දිනපතා පෙරවරු 11 සිට 12 දක්වා පිරිසිදු කිරීමේ වැඩසටහනක් ද අධ්‍යාපන අමාත්‍යාංශය සහ සෞඛ්‍ය අමාත්‍යාංශය එක්ව මේ වන විට ආරම්භ කර තිබෙනවා.
එමෙන්ම ඩෙංගු මදුරු ඝණත්වය පාලනය කිරීම සඳහා එම මදුරු කීටයන් අනුභව කරන ශාකභක්ෂක මදුරු විශේෂ දෙකක් හඳුන්වාදීමට වෛද්‍ය පර්යේෂණ ආයතනය පියවර ගත්තා.
මෙම මදුරුවා අනුවර්තනය වී ඇත්තේ ග්‍රාමීය පරිසරයට වන අතර, ගැහැණු සහ පිරිමි සතුන් දෙවර්ගයම මල් පැණි සහ ශාක සාරයන් අනුභව කිරීමට හැඩ ගැසී තිබීම විශේෂත්වයක්.
No comments:
Post a Comment