ළමා ශ්‍රමිකත්වය සම්බන්ධයෙන් වන පැමිණිලි ජාතික ළමා ආරක්ෂක අධිකාරිය වෙත ඉදිරිපත් කළ හැකි අතර එම පැමිණිලි කම්කරු දෙපාර්තමේන්තුව සහ පොලීසිය එක්ව විමර්ශනය කරන බව ළමා ආරක්ෂක අධිකාරියේ සභාපති නීතිඥ මරිනි ද ලිවේරා මහත්මිය සඳහන් කළේය.
ඒ සම්බන්ධයෙන් වන පැමිණිලි ළඟම ඇති පොලීස් ස්ථානයට හෝ 1929 ශ්‍රී ලංකා ළමා දුරකතන සේවය ඇමතීමෙන් ලබාදිය හැකි බව ඇය වැඩිදුරටත් පැවසීය.
ළමා ශ්‍රමිකත්වය ඇතුළු සියලු අපයෝජනයන්ගෙන් දැයේ දරුවන් ආරක්ෂා කර ගනිමින් ඔවුන්ට වඩාත් සුරක්ෂිත හෙට දවසක් උදාකරදීම සඳහා සියලු පාර්ශවයන් එක්ව කටයුතු කළ යුතු බව ළමා ආරක්ෂක අධිකාරියේ සභාපතිනිය මෙහිදි ප්‍රකාශ කළේය.
No comments:
Post a Comment