කටාර් රාජ්‍ය හා සම්බන්ධ වන තම අහස් හා දේශ සීමා වසා දැමීමටද තානාපති සබඳතා සිඳ දැමීමටද සවුදි අරාබිය, එක්සත් එමිර් රාජ්‍ය හා බහ්රෙයින් යන රටවල් තුන ගෙන ඇති තීරණය පිළිබඳ කටාර් රජයේ කණගාටුව එම රටේ විදේශ කටයුතු ආමාතාංශය හරහා සැල කර සිටියි. එම රටවල් මෙම සංව්ගජනක තීරණය ගෙන ඇත්තේ පදනම් විරහිත චෝදනා මුල් කර ගෙන යැයිද කටාර් විදේශ කටයුතු අමාත්‍යාංශය අවධාරණය කරයි.
මෙය ගැන වැඩි දුර අදහස් දැක්වු කටාර් විදේශ අමාත්‍යාංශය කියා සිටියේිමෙම පියවර අයුක්තිසහගත හා පදනම් විරහිත චෝදනා මත ගොඩනගා ඇති ඒවාය. සෑහෙන කලක පටන් කටාර් රජයට හානි ඇති කීරීමේ යටි අදහසින් යුතුව සිතාමතා කරනු ලබන පෙළඹවීමේ වෑයමක ඉලක්කයක් බවට කටාර් රජය තිබෙන පත්ව අතර මෙය සඳහා අමූලික අසත්‍ය ප්‍රචාර යොදා ගන්නා ලදී’ යනුවෙනි.
කටාර් රජය වනාහී ඨක්‍ක්‍ නම් වන ගල්ෆ් සහයෝගිතා කවුන්සිලයේ ක්‍රියාශීලී සාමාජිකයෙකු වන අතර අනෙකුත් රටවල ස්වෛරීබවට ගරු කරන හා අන් රටවල අභ්‍යන්තර කටයුතුවලට ඇඟිලි නොගසන එමෙන්ම ත්‍රස්තවාදයට හා අන්තවාදයට එරෙහිව සටන් කිරීමේ තම වගකීම නිසි ලෙස ඉටු කරමින් සිටින රාජ්‍යයකි.
කටාර් රජයට එරෙහිව මහජන මතයක් ගොඩනැගීමට දියත් කරන ලද අසත්‍ය මාධ්‍ය ව්‍යාපරය -විශේෂයෙන් ගල්ෆ් කලාපයේ- අසාර්ථක වී ඇති බව පැහැදිලි අතර එවන් තත්වයක එම වෑයම් නොකඩවා උත්සන්න වෙමින් තිබෙනුද දැකිය හැකිය.
ගොතන ලද හේතූන් දක්වමින් ඨක්‍ක්‍ සාමාජික රටක් වන කටාර් රාජ්‍යයට එරෙහිව කටයුතු කිරීමට මිසරයේද සහය සහිතව මෙම රටවල් තුන ඉදිරිපත් වී තිබීමෙන්ම එය සඳහා සත්‍ය හෝ සාධාරණ හේතූන් ඔවුන්ට නොමැති බව සනාථ වෙයි. මොවුන්ගේ ඉලක්කය පැහැදිලිය: කටාර් රජයට එරෙහිව භාරකාරත්වයක් බලගැන්වීම මෙහි ඉලක්කයයි. මෙය කිසිසේත් පිළිගත නොහැක්කකි. මෙය කටාර් රජයේ ස්වෛරී බව උල්ලංඝනය කිරීමේ වෑයමකි.
උක්ත රටවල් ත්‍රිත්වය විසින් කටාර් රජය සමග ඇති සබඳතා නවතා දැමීමට ගෙන ඇති තීරණයට පාදක වී ඇත්තේ ගොතන ලද අසත්‍ය කරුණු මත පදනම් වුනු මාධ්‍ය ව්‍යාපාරයකි යැයි ද කටාර් රජයේ විදේශ අමාත්‍යාංශය සඳහන් කරයි.
එසේ වුවද උක්ත රටවල මෙම පියවර නිසා කටාර් වැසියන්ගේ සහ එහි වාසය කරන්නන්ගේ සාමාන්‍ය ජන ජීවිතයට කිසිදු බලපෑමක් ඇති වන්නේ නැත යැයිද මෙය තහවුරු කිරීමට තම රජය අවශ්‍ය සියලු පියවර ගන්නා බවද කටාර් දේශයේ සමාජයට හා ආර්ථිකයට හානි ඇති කිරීමට සිදු කරන සියලු වෑයම් තම රජය ව්‍යවර්ථ කරන බවද කටාර් විදෙස් අමාත්‍යාංශය වැඩිදුරටත් අවධාරණය කළේය.
මෙම තීරණාත්මක සමයෙහි කටාර් රජයට හානි ඇති කිරීම හැර තම රට වැසියන් වෙනුවෙන් කළ හැකි අන් වැදගත් කටයුත්තක් මෙම රටවල් තුනට නොමැත්තා සේය යැයිද කටාර් විදේශ අමාත්‍යාංශය තව දුරටත් සඳහන් කළේය.
No comments:
Post a Comment