"චීන ආරක්ෂක නෞකාවක්, සැපයුම් නෞකාවක් සහ යුද නෞකාවක් ඩෙන්මාර්ක සාගර කලාපය ආසන්නයෙන් ගමන් කරමින් සිටිනවා. අපගේ සාගර කලාපයේදී සිදුකෙරන සුපුරුදු ආරක්ෂක පියවරක් ලෙස එම නෞකා පෙළ පිරිවරමින් අප නෞකා ගමන් කිරීමක් සිදුකරනවා" යැයි මේ සම්බන්ධයෙන් නිවේදනයක් නිකුත් කරමින් ඩෙන්මාර්ක ආරක්ෂක අංශ පවසා තිබේ.
කෙසේ වෙතත්, එම ඩෙන්මාර්ක ආරක්ෂක අංහ විසින් අදාළ නෞකා ගමන් කරමින් තිබූ සාගරය කලාපය නිශ්චිතව දක්වා නොතිබූ බවද විදෙස් වාර්තා පෙන්වා දෙයි.
බෝල්ටික් සාගර කලාපයේදී චීන හා රුසියානු යුද නෞකා හෙට (21දා) දිනයේදී එකිනෙකා හමුවීමට නියමිත අතර, ඒ සඳහා රුසියානු නෞකා රැසක්ද එක්වීමට නියමිත බව රුසියානු ආරක්ෂක අමාත්‍යාංශය පවසයි.
එමෙන්ම, ඔවුන් දෙපාර්ශවය අතර යුද අභ්‍යාස ජූලි 24 සිට 27 දක්වා කාලය තුළ සිදුකෙරෙනු ඇති බවද සඳහන් වෙයි.
එමෙන්ම, චීන - රුසියානු යුද අභ්‍යාසයන් හි දෙවැනි පියවර එළඹෙන සැප්තැම්බර් මාසයේදී ජපාන මුහුදේදී සිදුකෙරෙනු ඇති බවද සඳහන් වෙයි.
No comments:
Post a Comment