ඇතැමෙක් පවසන්නේ පියවි ඇසට නොපෙනෙන හොල්මන් කැමරා කාචවලට හසුවන බවයි. එවැනි හොල්මන් ක්‍රියාවක් ආර්ජන්ටිනාවේ රෝහලක CCTV කැමරාවක සටහන් වෙලා තිබෙනවා.
රෝහල තුළ රාත්‍රියේ කිසිවෙකු නොමැතිව ට්‍රොලියක් ඉබේටම ගමන්කරන අයුරු දැක්වෙන වීඩියෝව අන්තර්ජාලයට ද නිකුත් කර තිබෙනවා.
මෙම සිදුවීම වාර්තා වන්නේ ආජන්ටිනාවේ Rosario හි රෝහලකිනුයි.
කෙසේ වෙතත් මෙම සිදුවීම අද්භූත බලවේගයක් විසින් සිදුකරන ලද්දක් බවට විවිධ මත පළවුනා.
මේ වනවිට අදාළ සිදුවීම සම්බන්ධයෙන් එම පළාතේ සෞඛ්‍ය බලධාරීන් විසින් ප්‍රකාශයක් නිකුත් කර තිබෙනවා.
එහි දැක්වෙන්නේ මෙය හිතාමතා සැලසුම් කර සිදුකරන ලද්දක් බවයි.
අදාළ සිදුවීම පිළිබඳව එම රෝහලේ සේවකයන් දෙදෙනෙකු සම්බන්ධ බවට සැකකෙරෙන බවයි එම ප්‍රකාශ උපුටා දක්වමින් එරට මාධ්‍ය වාර්තාකර ඇත්තේ.
මේ අතර මෙම සිදුවීම දැක්වෙන වීඩියෝව පරීක්ෂා කළ බොහෝ පිරිසක් සඳහන් කර ඇත්තේ මෙය මිනිස් ක්‍රියාකාරකමක් විය නොහැකි බවයි.
කෙසේ වෙතත් මේ වනවිට ලොවපුරා බොහෝදෙනෙකුගේ විශේෂ අවධානයක් යොමුව ඇති එම වීඩියෝව පහතින්.
No comments:
Post a Comment