කලකට පසු කොලඹ කොටස් වෙළදපලේ වර්ධනයක් / අමෙරිකානු ආයෝජන ඉහලට

පසුගිය සමය පුරා දිගින් දිගටම පහත වැටුණු කොලඹ කොටස් වෙළදපල මෙම මාසයේදී යළිත් සැලකිය යුතු වර්ධනයක් පෙන්නුම් කර තිඛෙනවා.

කොලඹ කොටස් වෙළදපල ප්‍රකාශ කළේ මෙම මාසය තුළ කොළඹ කොටස් වෙළෙඳ පොළ කොටස් වෙළෙඳ පොළේ සමස්ත මිල දර්ශකය  6.3% කින්ද, S&P ශ්‍රී ලංකා 20 දර්ශකය 6.7% කින්ද ඉහළ ගොස් ඇති බවයි.

කොටස් වෙළෙඳ පොළේ මෙම ඉහළ යාමට විශාල ලෙස දායක වී ඇත්තේ විදේශීය ආයෝජකයන්ගේ මිලදී ගැනීම් වීම විශේෂත්වයක්.

මේ වසර තුළ දැනට විදේශීය ආයෝජකයන් ශුද්ධ වශයෙන් කොටස් වෙළෙඳ පොළ තුළ රු.බිලියන 12.2ක් ආයෝජනය කර තිඛෙනවා.

මේ වසර තුළ දැනට විදේශීය ආයෝජකයන් කොටස් මිලදීගත් වටිනාකම කොටස් විකිණූ වටිනාකමට වඩා රු.බිලියන 12.2ක් ලෙස වාර්තා වීමද විශේෂත්වයක්.

වර්ෂ 2008 න් පසුව මුළු පිරිවැටුමට විදේශීය ආයෝජකයන්ගේ දායකත්වය 50% ඉක්මවූ ප්‍රථම අවස්ථාව මෙයයි.

මේ වසර තුළ දැනට විශාල වශයෙන් කොටස් වෙළෙඳ පොළ තුළ ආයෝජනය කර ඇති විදේශීය ආයෝජන ඇමෙරිකානු කලාපයෙන් පැමිණ ඇති අතර, එම කලාපයෙන් වාර්තා වී ඇති මිලදී ගත් කොටස් වටිනාකම රු.බිලියන 8 ඉක්මවා යාමද විශේෂ තත්ත්වයක් වනවා.