අතුරුදන්වූවන් සම්බන්ධයෙන් නිසි විසඳුමක් ලබානොදෙන්නේ නම් යළිත් මාරාන්තික උපවාසයක නිරත වන බව අතුරුදන්වූවන්ගේ පවුල්වල ඥාතීන් පවසයි.
වව්නියාව තැපැල් කාර්යාලය ඉදිරිපිට 59 වන දිනටත් පවත්වන උපවාසයට එක්වෙමින් ඔවුන් මේ බව ප්‍රකාශ කර තිබේ.
උතුරු නැගෙනහිර යුද්ධය පැවති සමයේ අතුරුදන්වූවන් සොයාදෙන ලෙසට බල කරමින් පසුගිය මාසයේ අතුරුදන්වූවන්ගේ පවුල්වල ඥාතීන් මාරාන්තික උපවාසයක් ආරම්භ කළ අතර රජය ලබාදුන් පොරොන්දුවක් මත එම මාරාන්තික උපවාසය අත්හැරීමට තීරණය කළ බව එම ඥාතීන් පෙන්වා දෙයි.
කෙසේවෙතත් රජය ලබාදුන් පොරොන්දු මෙතෙක් ඉටුනොවු බැවින් නැවත මාරාන්තික උපවාසයක් ආරම්භ කරන බව අතුරුදන්වූවන්ගේ පවුල්වල ඥාතීන් පවසයි.
No comments:
Post a Comment