මේ දිනවල පවතින අධික උෂ්ණත්වය පුද්ගලයන් තුළ “තාප කම්පන “තත්ත්වයන් ඇති වීමේ අවදානමක් ඇතැයි ළමා රෝග විශේෂඥ වෛද්‍ය දීපාල් පෙරේරා මහතා සඳහන් කරයි.මෙම අවදානම් තත්ත්වය මගහරවා ගැනීමට හැකි පමණ ජලය පානය කරන ලෙසත් සිරුර සිසිල්ව තබා ගැනීමට කටයුතු කරන ලෙසත් හෙතෙම ජනතාවගෙන් විශේෂ ඉල්ලීමක් කරයි.
විශේෂයෙන්ම කුඩා දරුවන්ව හැකි පමණ වතුරේ සෙල්ලම් කිරීමට, දිනකට දෙවරක් නෑවීමට හා දියර වර්ගයන් පානය සඳහා ලබා දීමට වගබලා ගන්නැයි ද විශේෂඥ වෛද්‍යවරයා කියා සිටියි.
කුඩා දරුවන් අධික හිරු රශ්මියේ කරන සෙල්ලම් හැකි පමණ සීමා කරන ලෙසද දහඩිය පිට නොවන ලෙස සිටීමට සැලැස් වීම උචිතයැයි හෙතෙම සඳහන් කරයි.
හැකි පමණ දියර වර්ගයන් පානය කිරීමෙන් විජලනය වැනි තත්තවයන් මග හරවා ගත හැකි වනු ඇතැයිද පවසන වෛද්‍ය දීපාල් ද සිල්වා මහතා සමේ රෝගයන් ඇතිවීමද මේ දිනවල බහුලව දක්නට ලැබෙන තත්ත්වයක් බවද පවසා සිටියි.
No comments:
Post a Comment