මෙම පිරිස ඔස්ට්‍රේලියාව බලා යාමට උත්සාහ කිරිමේදී නොදැනුවත්ව ශ්‍රී ලංකා මුහුදු තීරයට ඇතුළු වී ඇති බව පවසන බී.බී.සී.ය මෙහි පුද්ගලයන් 30ක් සිටින බවත්, පසුගිය අප්‍රේල් 30 වැනිදා කන්කසන්තුරේ ආසන්නයේදී ශ්‍රී ලංකා නාවික හමුදාව විසින් ඔවුන් අත්අඩංගුවට ගත් බව පවසයි.
මෙම පිරිස වෙනුවෙන් පෙනී සිටින නීතීඥ ෂිරාස් නූර්දීන් බී.බී.සී.ය වෙත පවසා ඇත්තේ ඔවුන්ව එක්සත් ජාතීන්ගේ සංවිධානයේ හෝ සංක්‍රමණිකයන් පිළිබඳ ජාත්‍යන්තර ආයතනයේ පාලනය යටතට පත්කරන ලෙස කෙරෙන ඉල්ලීම පිළිබඳ සාකච්ඡා කිරීමට අද (19දා) සරණාගතයන් පිළිබඳ එක්සත් ජාතීන්ගේ ආයතනයේ නියෝජිතයන් මුණ ගැසෙන බවයි.
මෙම නඩුව පසුගිය මැයි 16දා යාපනය මහේස්ත්‍රාත් අධිකරණයේදී කැඳවූ අවස්ථාවේදී පොලීසිය ඔවුන් සම්බන්ධයෙන් තවදුරටත් කටයුතු නොකිරීමට නීතිපිවරයා විසින් තීන්දු කර ඇති බව දැනුම් දී තිබේ. ඒ අනුව, මෙම පිරිස යළි සිය රටට පිටුවහල් කරන මෙන් නීතිපතිවරයා උපදෙස් දී තිබෙන බව පොලීසිය අධිකරණයට දන්වා තිබේ.
කෙසේ වෙතත්, නීතීඥ ෂිරාස් නූර්දීන්ගේ උපදෙස් මත ඔවුන් වෙනුවෙන් පෙනී සිටි නීතීඥ ෆයිනාස් මොහමඩ් අධිකරණයෙන් ඉල්ලා ඇත්තේ අන්තර්ජාතික සංවිධාන සමග ඔවුන් භාරගැනීම සම්බන්ධයෙන් කටයුතු සම්පාදනය කරන තුරු නඩු විභාගය කල් දමන ලෙසය.
මෙම නීතීඥ ෆයිනාස් මොහොමඩ් ද බී.බී.සී.ය සමග සම්බන්ධ වෙමින් පවසා ඇතේතේ මොවුන් යළි මියන්මාරයට පටුවහල් කළහොත් ඔවුන්ගේ ජීවිත අනතුරේ හෙළීමක් සිදුවන බව අධිකරණයට කියා සිටි බවයි.
එහිදී, යාපනය මහේස්ත්‍රාත්වරයා අදාළ කටයුතු සංවිධානයට දින 14ක කාලයක් ලබාදී ඇති අතර, එතෙක් මෙම රොහින්ග්‍යා පිරිස යළිත් මිරිහාන ආගමන විගමන රැඳවුම් කඳවුරේ රඳවා තබාගන්නා ලෙස බලධාරීන්ට උපදෙස් ලබාදී තිබේ.
No comments:
Post a Comment