විදුලිබල මණ්ඩලයෙන් හඳුන්වාදෙන අලුත් ගාස්තු ක්‍රමය

ශ්‍රී ලංකා විදුලිබල මණ්ඩලය ගෘහස්ථ විදුලි පාරිභෝගිකයින් සඳහා ඉදිරිපත් කළ කාල පාදක ගාස්තු ක්‍රමය සඳහා ශ්‍රී ලංකා මහජන උපයෝගිතා කොමිසන් සභාවේ අනුමැතිය හිමිව තිබෙනවා.

කාර්යබහුල අවස්ථාවන් හීදී විදුලි පරිභෝජනය අවම කර ගැනීම මෙහි මූලික අරමුණයි.

මෙම කාල පාදක ගාස්තු ක්‍රමය හඳුන්වාදී ඇත්තේ කාර්යබහුල කාලයේදී විදුලි පරිභෝජනය අඩුකර කාර්යබහුල නොවන කාලයේදී විදුලි පරිභෝජනය සඳහා
ජනතාව දිරිමත් කිරීමේ අරමුණින්.

ලංකා විදුලිබල මණ්ඩලය කළ යෝජනාවට අනුව ක්‍රියාත්මක වන නව ගාස්තු ක්‍රමයේදී විදුලි ඒකකයක මිල විදුලිය පරිභෝජනය කරන කාලය අනුව වෙනස්වනවා.

එම ගාස්තු ක්‍රමය අවශ්‍ය පාරිභෝගිකයින්ට පමණක් සිය කැමැත්ත පරිදි ලබාගත හැකිවීම විශේෂත්වයක්.

ඒ අනුව, රාත්‍රී 10.30 සිට උදෑසන 5.30 දක්වා වූ අරපිරිමැසුම් කාලය තුළදී විදුලි ඒකකයක් සඳහා රුපියල් 13 ක මුදලක් අය කෙරෙනවා.

එසේම උදෑසන 5.30 සිට පස්වරු 6.30 දක්වා දහවල් කාලය තුළ විදුලි ඒකකයක් සඳහා අය කරන මුදල රුපියල් 25 ක්.

පස්වරු 6.30 සිට රාත්‍රී 10.30 දක්වා කාර්යබහුල කාලය තුළදී එක් විදුලි ඒකකයක් සඳහා රුපියල් 54 ක මුදලක් අයකෙරෙනවා.

මේ සඳහා වැයවන මාසික මූලික ගාස්තුව රුපියල් 540 ක්.