මහනුවර ගොහාගොඩ කුණු කන්දේ කාබනික ද්‍රව්‍ය හා පොලිතින් එක්‌ වූ මිශ්‍රණයක්‌ ඇති බැවින් සහ පවතින අධික උෂ්ණත්වය හේතුවෙන් ගෑස්‌ නිෂ්පාදනය වීමේ ශීඝ්‍රතාවය ඉහළ ගොස්‌ තිබෙන බව. පේරාදෙණිය විශ්වවිද්‍යාලයේ භූ විද්‍යා අංශයේ මහාචාර්ය අතුල සේනාරත්න මහතා පවසයි.
කාබනික ද්‍රව්‍ය දිරාපත් වීම සමඟ සවිවරතාවයෙන් යුත් කුටීර විශාල සංඛ්‍යාවක්‌ සැකසී ඇති බැවින් ඒ තුළ විශාල පීඩනයක්‌ සමඟ මෙම වායුව විදාරණය වීමක්‌ සිදුවුවහොත් පිපුරුමක ස්‌වභාවයෙන් එය දිස්‌විය හැකි බවද මහාචාර්යවරයා කීවේය.
කුණු කන්දේ ස්‌ථාන කිහිපයකින්ම වායුව පිටතට පැමිණෙන අයුරු දිස්‌ වූ බවත් මේ පිළිබඳව පර්යේෂණ සිදුකිරීම සඳහා ඊයේ (04 දා) එහි ගිය බවත් කී අතුල සේනාරත්න මහතා, මීතේන්, ඇමෝනියා හා පොටෑසියම් සල්යිෆඩ් වැනි වායු අධික ලෙස නිපදවෙන බවද කීවේය. ඒවා දැනට කුණු කන්දෙන් පිටතට පැමිණෙන බවද කියා සිටියේය.
No comments:
Post a Comment