ධීවර හා ජලජ සම්පත් අමාත්‍යාංශය පවසන්නේ මේ ආකාරයට අපද්‍රව්‍ය මුහුදට වැඩි වශයෙන් මුදා හරිනු ලබන්නේ ධීවරයන් විසින් බවයි.
මෙසේ දිනකට මුදාහරින අපද්‍රව්‍ය ප්‍රමාණයෙන් ටොන් හයක් ප්ලාස්ටික් අපද්‍රව්‍ය වන අතර ඒවා එකතු වීම නිසා මුහුදු මත්ස්‍යයන්ට/ කොරල්පර සහ මුහුදු පැළෑටිවලට විශාල වශයෙන් හානි සිදු වන බව තහවුරු කර තිඛෙනවා.
ඒ අනුව මේ පිළිබඳව කඩිනමින් නීතිමය පියවර ගැනීමට කටයුතු කරන බවයි අමාත්‍යාංශය සදහන් කරන්නේ.
ධීවර වරාය මගින් දියඹට යන බහුදින යාත්‍රාවලින් වැඩි වශයෙන් බැහැර කරන අපද්‍රව්‍ය හේතුවෙන් මේ තත්ත්වය උද්ගතව තිඛෙනවා.
ඉදිරි දින කිහිපය ඇතුළත දියඹට යන ධීවර යාත්‍රා ධීවර නිලධාරීන් විසින් පරීක්ෂාවට ලක් කරන බවත්/ බැහැර කරන අපද්‍රව්‍ය රඳවනයක් යාත්‍රාවල සකස් කිරීමට කටයුතු කරන බවත් අමාත්‍යංශය ප්‍රකාශ කළා.
එසේ දියඹට ගෙන යන අපද්‍රව්‍ය යළි ගොඩබිමට නොගෙනෙන ධීවරයන්ට විරුද්ධව නෛතික පියවර ගැනීමටද නියමිතයි.
No comments:
Post a Comment