එම සාකච්ඡාවට සහභාගි වී ඇති රාජපක්ෂ හිතවාදී නිලධරයා මහින්ද රාජපක්ෂ රජයේ ප්‍රබල භූමිකාවක් ගෙන ගිය ආයතන කිහිපයකම මුල් පුටු හෙබවූ අයෙක්.
මේ සාකච්ඡාව සම්බන්ධීකරණය කර ඇත්තේ රනිල් වික්‍රමසිංහ අගමැතිවරයාට මෙන්ම මහින්ද රාජපක්ෂ හිටපු ජනාධිපතිවරයාටත් සමීපතමයකු වන සංචාරක ක්‍ෂේත්‍රයට සම්බන්ධ අයකු බවටද තොරතුරු වාර්තා වී තිබෙනවා.
ශ්‍රී ලංකා නිදහස් පක්ෂය දෙකඩ කිරීම සඳහා ඉදිරියේදී ක්‍රියාත්මක කිරීමට අපේක්ෂිත රහසිගත වැඩපිළිවෙළ පිළිබඳවත් ඒ වෙනුවෙන් ලබාදෙන සහයෝගය වෙනුවෙන් හිමිවන ප්‍රතිලාභ පිළිබඳවත් මෙහිදී දීර්ඝ වශයෙන් සාකච්ඡා වී ඇති බවද ඉහළ තැන්වලට දැනගන්නට ලැබී ඇත්තේ.
මේ පුද්ගලයාගේ මැදිහත්වීමෙන් මීට පෙරද අවස්ථා කිහිපයකදී මේ සම්බන්ධයෙන් සාකච්ඡා පවත්වා ඇති බවටද වාර්තා වී ඇති අතර යහපාලන රජයට සම්බන්ධ එජාප හා ශ්‍රී ලනිප අතර වසර දෙකක් සඳහා ඇති කරගෙන තිබෙන එකඟතාව තවත් වසර දෙකකට දීර්ඝ කර ගැනීමට සාකච්ඡා වෙමින් පවතින මොහොතක ශ්‍රී ලනිපය දෙකඩ කිරීමේ අබිරහස් උත්සාහයක යෙදීම දේශපාලන අංශවල කතාබහට ලක්ව තිබෙනවා.
දයා පෙරේරා, ජේ.ටී. ද සිල්වා
No comments:
Post a Comment