මරණ දඬුවම යටතේ සිරකරුවන්ට ලබා දී ඇති දඬුවම ජීවිතාන්තය දක්වා සිරදඬුවමකට ලිහිල් කරන්නැයි පාර්ලිමේන්තුවට අද (04) නිර්දේශයක් ඉදිරිපත් කෙරුණා.
ඒ පාර්ලිමේන්තුවට අද ඉදිරිපත්වූ වාර්තාවක් මගින්.
බන්ධනාගාරවල පවතින තදබදය හා බන්ධනාගාර ප‍්‍රතිසංස්කරණ සම්බන්ධයෙන් අධිකරණමය හා නෛතික හේතු සොයා බැලීම පිළිබඳ කාර්ය සාධක බලකායේ පළමු වාර්තාව මෙයයි.
දැනට පවතින නීතියේ විධි විධාන අනූව මරණ දඬුවමට ලක් වූ පුද්ගලයින්ගේ දඬුවම ජීවිතාන්තය දක්වා සිර දඬුවමකට ලිහිල් කළ හැකි බවයි එහි දැක්වෙන්නේ.
මරණ දඬුවමට නියමවී බන්ධනාගාරයේ සිටින සංඛ්‍යාව එක්දහස් අසූ දෙකක්. ඉන් හත්සිය විසි හය දෙනෙකු මේ වනවිට අභියාචනා ඉදිරිපත් කර තිබෙනවා.
ජීවිතාන්තය දක්වා සිර දඬුවමට යටත්වූ සිරකරුවන් පන්සිය පනස් පහෙන් හාරසිය හැට තුන් දෙනෙකු අභියාචනා ඉදිරිපත් කර ඇති බව ද එහි සඳහන්.
වර්තමානයේ වරදකරුවන් නොකළ පුද්ගලයින් නවදහස් පන්සිය පනස් දෙකක් බන්ධනාගාරවල සිරගත කර සිටින බව ද අදාළ වාර්තාවේ දැක්වෙනවා. එය මුළු සිරකරුවන්ගෙන් සියයට 52ක්.
No comments:
Post a Comment