21 April 2017

“බෙල්ලන් අතර කඟවේනා” පිලිපීනයෙන් හමුවේ | VIDEO



දුලබ ගණයේ සමුද්‍ර ජීවියකුගේ ප්‍රථම වතාවට පණ පිටින් පිලිපීනයෙන්  සොයා ගැනීමට විද්‍යාඥයන්ට හැකි වී තිබේ.

නැව් පණුවා (shipworm) නමින් හඳුන්වන මෙම බෙල්ලන් විශේෂය  දිගින් මීටර 1.55ක් සහ වට ප්‍රමාණයෙන් සෙන්ටි මීටර 6ක ප්‍රමාණයක් දක්වා විශාල විය හැකි බව අමෙරිකා විද්‍යා සඟරාවේ ප්‍රකාශයට පත්ව ඇත.

මිත්‍යා විශ්වාසයක් වන තරමටම මේ ජීවියා දුර්ලභ දැකීමක් වන නිසා විද්‍යාඥයන් ඌට දී ඇති අන්වර්ථ නාමය “බෙල්ලන් අතර කඟවේනා” යි.

වැසුණු ඝනකම් කැල්සියම් කාබනේට් කොපුවක් තුළ මෙම “ෂිප්වර්ම්” ජීවියා ජීවත් වී ඇති අතර මඩෙහි ඔබා ගත් උගේ හිසින් ආහාර සපයා ගනී.


මොවුන්ගේ පැවැත්ම පිළිබඳ වසර ගණනාවක සිට දැන සිටියද මේ වනතෙක් සජීවී නිදර්ශකයක් අධ්‍යනය කර නොතිබුණි.

අමෙරිකානු ජාතික විද්‍යා ආයතන අධ්‍යයනයකට අනුව Kuphus polythamia යන විද්‍යාත්මක නමින් ද හැඳින්වෙන මෙම දුලබ සහ ගුප්ත සත්වයා මෙතෙක් හමු වූ දිගම ජීවී ද්විකපාට බෙල්ලා ලෙසින් සැලකේ.
මින්දනාවෝ මුහුදු බොක්ක ආශ්‍රිතව විශාල නැව් පණුවන් පස්දෙනකු සොයා ගැනීමට අමෙරිකානු, පිලිපීන සහ ප්‍රංශ ජාතිකයන්ගෙන් සමන්විත විද්‍යාඥ කණ්ඩායමකට හැකි වී තිබේ.

radio gagana

බැඳුම්කර කොල්ලයේ පාඩුව පියවන්න 28% ක බද්දක්


 ශ්‍රී ලංකා මහ බැංකු බැඳුම්කර මගඩියෙන් සේවක අර්ථ සාධක අරමුදලට රුපියල් කෝටි 1,500ක් පාඩු කිරීමට අමතරව එම අරමුදලේ ආයෝජන ආදායමටත් එය රඳවා තබා ගැනීමටත් සියයට 28ක බද්දක් පැනවීමට රජය කටයුතු කරමින් සිටින බව අන්තර් සමාගම් සේවක සංගමය අනාවරණය කරයි.

ඒ අනුව සේවක අර්ථසාධක අරමුදලේ ආයෝජන ආදායමට සියයට 14කුත්, එම අරමුදල රඳවා තබා ගැනීමේ බද්ද ලෙස සියයට 14කුත් යන ආකාරයට මෙලෙස සියයට 28ක බද්දක් පැනවීමට රජය කටයුතු කරමින් සිටින බව එම සංගමයේ සභාපති, ජවිපෙ මධ්‍යම කාරක සභික වසන්ත සමරසිංහ පවසයි.

මේ බද්ද හරහා සේවක අර්ථසාධක අරමුදලට හිමිකම් කියන එක් සේවකයකුට රුපියල් 20,000කට ආසන්න මුදලක් අහිමි වන බව සමරසිංහ මහතා පෙන්වා දෙයි.

සේවක අර්ථසාධක අරමුදලේ ආයෝජන ආදායමට මෙතෙක් නාමිකව පනවා තිබූ සියයට 10 බද්ද මෙතෙක් අය නොකළත් එය හර සහ බැර සටහන් පොත්වල සටහන් කර ඇති බවත් එම සියයට 10 බද්ද මේ ආකාරයට සියයට 14 දක්වා ඉහළ දමා ඇති බවත් සමරසිංහ මහතා පෙන්වා දෙයි.

ඔහු පවසන්නේ මේ බදු පැනවීමේ ක්‍රියාමාර්ගයට විරෝධය පා මහ බැංකු නිලධාරීන් මුදල් අමාත්‍යාංශයට ලිඛිතව දැනුම් දුන්නත් ඊට කන් නොදී මේ පනත සංශෝධනය කිරීමට මුදල් අමාත්‍යාංශය ඇතුළු රජය කටයුතු කරමින් සිටින බවයි.

සේවක අර්ථසාධක අරමුදලේ ආයෝජන ආදායම 2016 වසරේ රුපියල් බිලියන 140 ඉක්මවා තිබිය යුතු අතර දළ වශයෙන් රුපියල් බිලියන 150ක ආයෝජන ආදායමක් ලැබුවත් සියයට 25කට ආසන්න බද්දක් අය කළත් ඊට රුපියල් බිලියන 42ක බද්දක් වදින බවද හෙතෙම පවසයි.

දැනට ගිණුම් වාර්තාවලට අනුව එකී අරමුදලේ ආයෝජන ආදායම් බද්ද සඳහන්ව ඇත්තේ 2013 වසරේ පමණක් බව පවසන සමරසිංහ මහතා වහාම මේ බදු ඉහළ දැමීමේ ක්‍රියාමාර්ගය හකුළා දැමීමට ජනාධිපතිවරයා ක්‍රියා කළ යුතු බව කියයි.

කුණු බැහැර කිරීමට විරුද්ධ වීම වරදක් – ජනපති

 

සියලු පළාත් පාලන ආයතනවල අපද්‍රව්‍ය බැහැර කිරීමේ සේවාවන් අත්‍යවශ්‍ය සේවා බවට පත් කරමින් ජනාධිපති මෛත්‍රීපාල සිරිසේන මහතා විශේෂ ගැසට් නිවේදනයක් නිකුත් කිරීමට කටයුතු කොට තිබේ.

මහජන ආරක්ෂක පනතේ 17 වැනි වගන්තිය ප්‍රකාරව ජනාධිපතිවරයා විසින් නිකුත් කරනු ලැබ ඇති නියෝග අනුව අපද්‍රව්‍ය බැහැර කිරීම, ප්‍රවාහනය, තාවකාලිකව ගබඩා කිරීම ආදිය වැළැක්වීම, ප්‍රමාද කිරීම හෝ අවහිර කිරීමට තැත් කිරීම වරදක් වේ.

මෙවැනි ක්‍රියාවන් සඳහා බලපෑම් කිරීම, ජනතාව ප්‍රකෝප කිරීම හෝ අන් අන්දමකින් පෙළඹවීම මගින් අපද්‍රව්‍ය බැහැර කිරීමේ සේවාවන්ට බාධා කිරීම මෙන්ම ඒ සඳහා ලිඛිතව හෝ වාචිකව බලපෑම් කිරීමද දඬුවම් ලැබිය හැකි වරදක් බව ද ඉහත ගැසට් නිවේදනයේ සඳහන් වේ.

එවැනි වරදක් කරන ඕනෑම පුද්ගලයකු වරෙන්තුවක් නැතිව අත්අඩංගුවට ගැනීමේ හැකියාව පොලිසියට ඇති අතර  මෙම නියෝග ඊයේ(20) මධ්‍යම රාත්‍රියේ සිට බලාත්මක කර තිබේ.

පැය 50ක් Kiss කළ ලංකාවේ තරුණිය ඇමරිකාවේදී අළුත්ම මෝටර් රථයක් හිමිකරගත් හැටි | VIDEO



අමෙරිකාවේ වාසය කරන ශ්‍රී ලාංකීය තරුණියක් සිප ගැනීමේ තරගයකට එක්ව නවීන මෝටර් රථයක් දිනා ගත් පුවතක් වාර්තා වනවා.

අමෙරිකා එක්සත් ජනපදයේ සෞඛ්‍ය රසායානාගාරයක සේවය කරන්නියක් වන ශ්‍රී ලාංකික කාන්තාවක් වන දිලිනි ජයසූරියයි එම ජයග්‍රහණය ලබාගෙන ඇත්තේ.

මේ තරඟය ලොව ප්‍රකට මෝටර් රථ සමාගමක් වන KIA මෝටර්ම රථ සමාගම මගින් පවත්වා ඇති අතර මේ තරඟය වෙලා තියෙන්නේ මෝටර් රථයක් වැඩිම වේලාවක් සිපගෙන සිටීමයි.

වැඩිම වේලාවක් එම නවීන මෝටර් රථය සිප ගන්නා පුද්ගලයාට එය ත්‍යාගයක් වශයෙන් ලබා දීමට නියමිතව තිබූ අතර එහි මුල් වටය සදහා තරගකරුවන් විසි දෙනකු ඉදිරිපත්ව තිබෙනවා.

ඉන් හයදෙනෙකු අවසන් වටය සදහා සුදුසුකම් ලැබූ අතර දින දෙකක් පුරා නිදි නොමැතිව ඔවුන් තරග කිරීමෙන් පසුව මෙම ජයග්‍රහණය හිමිකර ගැනීමට දිලිනි ජයසූරිය සමත් වුණා.

ඒ වනවිට අඛන්ඩව පැය 50 ක් පුරා දෙතොලම තබා ඇය මෝටර් රථයක් සිප ගෙන තිබෙනවා.

මෙම තරගයේදී සෑම පැයකටම වරක් විනාඩි 10ක විරාමයක් පමණක් තරගකරුවන්ට සහ තරගකාරියන්ට ලබාදෙනු ලැබුවා.

දිලිනි ජයසූරිය ජයග්‍රහණය කළ KIA OPTIMA 2017 මෝටර් රථයේ වටිනාකම අමෙරිකානු ඩොලර් විසි තුන් දහස් එකසිය අටක් වනවා. එය ශ්‍රී ලංකා මුදලින් රුපියල් ලක්ෂ 37ක් පමණ වන බවයි වාර්තා වන්නේ.


අසභ්‍ය චිත්‍රපට නරඹා මිනිසුන් ලිංගිකව එකතු වෙන්න කැමති ස්ථාන වෙනස් වූ හැටි ගැන අනාවරණයක්



අද කාලයේ මිනිසුන් ගොඩක් වෙනස්. හිතන පතන විදිය සහ අවශ්‍යතා ද වෙනස් වෙලා.

පසුගියදා බ්‍රිතාන්‍යයේ ඒ ගැන සමීක්ෂණයක් පවත්වා තිබෙනවා. ඔවුන් මෙසේ සමීක්ෂණය කර ඇත්තේ විවිධ පුද්ගලයින් ලිංගිකව එක්වීමට වඩාත් කැමති පොදු ස්ථානයන් පිළිබඳවයි.

මෙම සමීක්ෂණය සඳහා කාන්තාවන් සහ පිරිමින් 2000 ක් පමණ යොදාගත් බවයි එම වාර්තාවේ සඳහන් වන්නේ.

එහි ප්‍රථිපල මෙසේයි.

බොහෝ පිරිසක් වඩාත් කැමැත්ත පළකර ඇත්තේ  නිදහස් එළිමහන් උද්‍යාන තුළ ලිංගිකව හැසිරීමටයි. එය 16.8% ක ප්‍රතිශතයක්.

එහි දෙවන ස්ථානය ලෙස දක්වා ඇත්තේ මුහුදු වෙරළයි. එයට හිමිව ඇති ප්‍රතිශතය 13% ක්.

තෙවන ස්ථානය ලෙස කැමැත්ත පළකර ඇත්තේ පොදු වැසිකිළි තුළ ලිංගිකව එක්වීමටයි. එය 9.4% ක ප්‍රතිශතයක්.

අදාළ වාර්තාවේ දැක්වෙන අයුරින් මෝටර් රථගාල් තුළ නාන තටාක තුළ තැබෑරුම් තුළ මෙලෙස ලිංගිකව එක්වීමට වැඩි කැමැත්තක් පළකර තිබෙනවා.

කෙසේ වෙතත් මේ පිළිබඳව අදහස් දක්වමින් මනෝවෛද්‍යවරුන් පෙන්වා දී ඇත්තේ මෙලෙස නොගැලපෙන ස්ථානවලදී අසභ්‍ය ලෙසින් හැසිරීමට කැමැත්තක් ඇතිවීමට අසභ්‍ය චිත්‍රපට නැරඹීමට ඇබ්බැහි වීමද හේතුවන බවයි.

මීතොටමුල්ලටවත් නැති පරිසර අමාත්‍යාංශයේ දැවන්ත ඛෙන්ස් කාර් වියදම


 මීතොටමුල්ල කසල කන්දේ ෙඛ්දවාචකයෙන් මේ වන විට පුද්ගලයින් තිස් දෙනකුට වැඩි පිරිසක් මරණයට පත්ව තිඛෙනවා. එහෙත් ඒ සදහා ලබාදෙන අවසන් වන්දි මුදලක් මෙතෙක් ප්‍රකාශයට පත්ව නැහැ. කෙසේ වෙතත් ආපදාවන්ට අදාළව ජාතික රක්ෂණ භාර අරමුදල හරහා රුපියල් ලක්ෂයක වන්දි මුදලක් මිය ගිය පුද්ගලයකු වෙනුවෙන් ලබාදෙන බවයි ප්‍රකාශ වී ඇත්තේ. තත්ත්වය මෙසේ තිබියදී පරිසර අමාත්‍යාංශයේ භාවිතය වෙනුවෙන් ඛෙන්ස් රථ 2ක් දිවයිනට ගෙන්වා ඇත්තේ තිබුණේ ආසන්න කාල සමයකදීයි.

මේ වෙනුවෙන් ලක්ෂ 5740 ක් වැය කළ බවට චෝදනා එල්ලවූ අතර එහෙත් ඒ සදහා වැය වූුයේ ලක්ෂ 1480ක් පමණක් බවයි මුදල් අමාත්‍යවරයා මාධ්‍ය වෙත ප්‍රකාශ කළේ.

කෙසේ වෙතත් මුදල් අමාත්‍යවරයා ප්‍රකාශ කළ පරිදි එම මුදල නිවරදි නොවන බව රේගු දෙපාර්තමේන්තුවේ වාර්තා හෙළිකරනවා.

ඒ අනුව අදාළ මෝටර් රථ 2ක රජයේ බදුවලින් නිදහස් කළ පසුවද ඒ සදහා රුපියල් ලක්ෂ 4260ක් වැය කර ඇති බවයි අනාවරණ වන්නේ.

මේ ඊට අදාළ ලේඛනයයි.

උ.කොරියාව යුධ වැදීමට සූදානම් නිසා චීනය හා රුසියාව දේශසීමා ආරක්ෂාව තර කරයි



උතුරු කොරියානු ජනපති කිම් ජොන්ගේ ක්‍රියාකලාපයත් සමග ඇමරිකාව සහ උතුරු කොරියාව අතර යුද්ධයක පෙරනිමිති පහලවී ඇත.

මේ හේතුවෙන් රුසියානු ජනපති වැලැඩ්මීර් පුටින් විසින් රුසියාවේ කොරියානු දේශසීමා ආසන්නයට යුධ උපකරණ සහ අවිආයුධ ස්ථානගත කිරීමට කටයුතු කර ඇති බවට වාර්තා වේ. යම් හෙයකින් යුධවාතාවරණයක් ඇතිවුව හොත් දේශසීමා හරහා රුසියාවට විශාල සරණාගතයින් ප්‍රමාණයක් පැමිණීමට ඉඩ ඇති බැවින් මෙම දේශසීමා ආරක්ෂණ වැඩපිළිවෙල යොදා ඇත.

එසේම චීන රජයද තම දේශ සීමා ආශ්‍රිතව යුධ සෙබළුන් 150,000 ක ප්‍රමාණයක් ස්ථාපිත කිරීම කටයුතු යොදා ඇත.

පසුගියදා ඇෆ්ගනිස්ථානයට හා සිරියාවට එල්ල කල ප්‍රහාර පිළිබඳ සලකා බලා මෙම ආරක්ෂිත පියවර ගෙන ඇති බවට වාර්තා වේ.

මීතොටමුල්ල අවතැන්වූවන්ට නිවාස ලබා දීමට මිලියන 300 ක්



මීතොටමුල්ල කුණු කන්ද නාය යැමෙන් අවතැන්වූවන් සඳහා නව නිවාස ලබාදීම වෙනුවෙන් කොළඹ මහ නගර සභාව රුපියල් මිලියන 300 ක්‌ වෙන්කර ඇත.මහා නගර සහ බස්‌නාහිර සංවර්ධන අමාත්‍යාංශය විසින් කළ දැනුම්දීමට අනුව මෙම මුදල ගෙවීමට කටයුතු කරන බව කොළඹ මහ නගර සභාවේ ප්‍රධාන භාණ්‌ඩාගාරික කේ. ඩී. චිත්‍රපාල මහතා පැවසීය.

මෙම මුදල ගෙවීම සඳහා නගර සභා සීමාව තුළ වරිපනම් නොගෙවා ඇති ස්‌ථානවල හිඟ මුදල් එකතු කර ගැනීමටත් පොළවල්, රථගාල් ඇතුළු රජය සතු ස්‌ථානවලින් නීත්‍යානුකූල ආකාරයෙන් බදු මුදල් එකතු කර ගැනීමටත් හැකි බව ද ඒ මහතා කීය.

කොටස් වෙළෙඳ පොළ අප්‍රේල් මස ඉහළ යෑමක්



මෙම අප්‍රේල් මාසය තුළ කොළඹ කොටස් වෙළෙඳ පොළ සැලකිය යුතු වර්ධනයක් පෙන්වා ඇති අතර, කොටස් වෙළෙඳ පොළේ සමස්ත මිල දර්ශකය අප්‍රේල් මාසය තුළ මේ දක්වා 6.3% කින්ද, S&P ශ්‍රී ලංකා 20 දර්ශකය 6.7% කින්ද ඉහළ ගොස් තිබේ. පසුගිය කාලය පුරාවට පහත වැටී ඇතැයි වාර්තා වූ කොටස් වෙළෙඳ පොළ මේ අනුව නැවත වතාවක් සැලකිය යුතු වර්ධනයක් අත්පත් කර ගනිමින් සිටියි. මෙම 2017 වසර තුළ දැනට කොටස් වෙළෙඳ පොළේ ඉහළ යාම 3.5% ක් වන අතර, S&P ශ්‍රී ලංකා 20 දර්ශකය 5% ක් ඉහළ ගොස් ඇත. අප්‍රේල් මාසය තුළ පමණක් සමස්ත මිල දර්ශකයේ ඉහළ යාම ඒකක 384 කි.

කොටස් වෙළෙඳ පොළේ මෙම ඉහළ යාමට විශාල ලෙස දායක වී ඇත්තේ විදේශීය ආයෝජකයන්ගේ මිලදී ගැනීම් ය. මේ වසර තුළ දැනට විදේශීය ආයෝජකයන් ශුද්ධ වශයෙන් කොටස් වෙළෙඳ පොළ තුළ රු.බිලියන 12.2ක් ආයෝජනය කර ඇත. ශුද්ධ ආයෝජනය යනු විදේශීය ආයෝජකයන් සිදුකළ කොටස් මිලදී ගැනීම් හා විකිණීම් අතර වෙනසයි. ඒ අනුව, මේ වසර තුළ දැනට විදේශීය ආයෝජකයන් කොටස් මිලදීගත් වටිනාකම කොටස් විකිණූ වටිනාකමට වඩා රු.බිලියන 12.2ක් ලෙස වාර්තා වෙයි.

විදේශීය ආයෝජකයන්ගේ මෙම කොටස් මිලදී ගැනීම කොටස් වෙළෙඳ පොළේ ඉහළ යාමට ප්‍රධාන වශයෙන් දායක වී ඇත. මේ වසර තුළ දැනට කොටස් වෙළෙඳ පොළේ මුළු පිරිවැටුමෙන් 51.7% කට දායක වී ඇත්තේ විදේශීය ආයෝජකයන්ය. ඒ අනුව, වර්ෂ 2008 න් පසුව මුළු පිරිවැටුමට විදේශීය ආයෝජකයන්ගේ දායකත්වය 50% ඉක්මවූ ප්‍රථම අවස්ථාව ලෙස මේ වසර හැඳින්විය හැකිය.

කොටස් වෙළෙඳ පොළ ඉතිහාසය හැදෑරීමේදී පෙනීයනු ලබන්නේ බොහෝ අවස්ථාවලදී කොටස් මිල ගණන් පහළ වැටුණු විට විදේශීය ආයෝජකයන් කොටස් මිලදී ගැනීමට පෙළඹීමයි. එනම්, කොටස් වෙළෙඳ පොළ පහළ වැටුණු විට බොහෝ අවස්ථාවලදී දේශීය ආයෝජකයන් කොටස් විකිණීමට පෙළඹෙන අතර, විදේශීය ආයෝජකයන් සිදුකරනු ලබන්නේ කොටස් මිලදී ගැනීමයි. උදාහරණයක් වශයෙන් වර්ෂ 2007 දී කොටස් වෙළෙඳ පොළ 6.7% ක් පහළ වැටුණු අතර, එම වසර තුළ වාර්තා වූ විදේශීය ආයෝජකයන්ගේ ශුද්ධ ගැනුම් ප්‍රමාණය රු.බිලියන 11.2ක් විය. වසර 2008 දී කොටස් වෙළෙඳ පොළ 41% ක් පහළ වැටුණු අතර, එම පහළ යෑම ප්‍රයෝජනයට ගත් විදේශීය ආයෝජකයන් විසින් කොටස් වෙළෙඳ පොළ තුළ රු.බිලියන 14ක ශුද්ධ මුදල් ප්‍රමාණයක් කොටස් වෙළෙඳ පොළේ ආයෝජනය කරන ලදී. එමෙන්ම, කොටස් වෙළෙඳ පොළ 7.1% ක් පහළ වැටුණු වර්ෂ 2012 දී ශුද්ධ විදේශීය ගැනුම් ප්‍රමාණය රු.බිලියන 37 කි. මේ අතර, පසුගිය 2016 වසරේදී කොටස් වෙළෙඳ පොළ 9.7% ක් පහළ වැටෙන විට විදේශීය ආයෝජකයන් විසින් රු.මිලියන 383ක් කොටස් වෙළෙඳ පොළේ ආයෝජනය කරන ලදී.

මේ වසර තුළ දැනට විශාල වශයෙන් කොටස් වෙළෙඳ පොළ තුළ ආයෝජනය කර ඇති විදේශීය ආයෝජන ඇමෙරිකානු කලාපයෙන් පැමිණ ඇති අතර, එම කලාපයෙන් වාර්තා වී ඇති මිලදී ගත් කොටස් වටිනාකම රු.බිලියන 8 ඉක්මවා ගොස් ඇත. මීට අමතරව. යුරෝපය තුළින් කොටස් වෙළෙඳ පොළ තුළ සිදුව ඇති කොටස් මිලදී ගැනීමේ වටිනාකම රු.බිලියන 6 ඉක්මවා ගොස් ඇත. මෙසේ ඇමෙරිකානු හා යුරෝපීය විදෙස් ආයෝජකයන් කොටස් වෙළෙඳ පොළ තුළ ක්‍රියාකාරී වීම කොටස් වෙළෙඳ පොළ පැවැත්මට හිතකරව බලපා ඇති බවද සඳහන් කළ හැකිය.

මුම්බායි පංජාබ් කණ්ඩායමට එළවා පහර දෙයි



ඉන්දීය ප්‍රිමියර් ලීග තරගාවලියේ මුම්බායි ඉන්දියන්ස් කණ්ඩායම හා කිංග්ස් ඉලවන් පංජාබ් කණ්ඩායම අතර ඊයේ (20දා) පැවැති තරගයෙන් කඩුලු 8ක පහසු ජයක් ලැබීමට මුම්බායි කණ්ඩායම සමත්විය.

තරගයේ මුලින්ම පන්දුවට පහරදුන් පංජාබ් කණ්ඩායම පන්දුවාර 20ට ලකුණු 198ක් රැස්කළේ කඩුලු 4ක් වැයකරමිනි. විස්සයි20 තරගවලදී සිය මංගල ශතකය වාර්තා කළ දකුණු අප්‍රිකාවේ හෂීම් අම්ලා නොදැවී ලකුණු 104ක් රැස්කළේ පන්දු 60කිනි. ඔහු ලසිත් මාලිංග දැඩි ප්‍රහාරයකට ලක්කළ අතර ලකුණු 104න් 51ක්ම වාර්තා කළේ මාලිංගට එරෙහිවය. ඒ සඳහා ඔහු වැය කළේ පන්දු 16කි. ඔහුගේ ඉනිමට හතරේ පහර 8ක් හා හයේ පහර 6ක් ඇතුළත් විය.

ඉන් අනතුරුව ක්‍රියාත්මක වූ නායක ග්ලේන් මැක්ස්වෙල් පන්දු 18කදී ලකුණු 40ක් වාර්තා කළේ පහර හයේ තුනක් හා හතරේ පහර 4ක් සමගිනි.

ලකුණු 199ක දැවැන්ත ඉලක්කයක් හඹායෑම සඳහා පිටියට පිවිසි මුම්බායි ඉන්දියන්ස් කණ්ඩායම තරගයේ පන්දුවාර 15.3කදී ඉලක්කය පසුකර ගියේ කඩුලු දෙකක් පමණක් වැය කරමිනි.

ආරම්භක පිතිකරුවන් ලෙස පිටයට පිවිසි පර්තීව් පටේල් හා ජෝස් බට්ලර් පන්දුවාර 5.5කදී ලකුනු 81ක් රැස්කරමින් තරගය තම කණඩායම දෙසට ලබාගත්තේය. පාර්තීව් පටෙල් පන්දු 18කදී ලකුණු 37ක් රැස්කළ අතර බට්ලර් පන්දු 37කදී ලකුණු 77ක් රැස්කළේය. ඔහුගේ ඉනිමට හයේ පහර 5ක් හා හතරේ පහර 7ක් ඇතුළත් විය.

ඉන් අනතුරුව ක්‍රියාත්මක වූ නිටිෂ් රානා පන්දු 34කදී ලකුණු 62ක් වාර්තා කරමින් තරගය ජයග්‍රහණය කිරීමට කටයුතු කළේය. ඔහු හයේ පහර හතක් වාර්තා කළේය.

ලසිත් මාලිංග මෙම තරගයේදී දැඩි ප්‍රහාරයකට ලක්වූ අතර ඔහුගේ පන්දුවාර හතරට ප්‍රතාවාදී ක්‍රීඩකයන් ලකුණු 58ක් රැස්කිරිමට සමත්විය. තරගයේ විරයා ලෙස ජෝස් බට්ලර් සම්මාන ලැබිය.

සයිටම් පාලනයට කොමිසමක් / රාජ්‍ය යාන්ත්‍රණයේ වෙනසක් : ජනපති



සයිටම් පෞද්ගලික වෛද්‍ය විද්‍යාලය කොළඹ කොටස් වෙළඳපොළ යටතේ ලැයිස්තුගත කරන බව ජනාධිපති මෛත්‍රීපාල සිරිසේන මහතා පවසනවා.

කොළඹ දී මාධ්‍ය ආයතන ප්‍රධානීන් සමඟ පැවැත්වෙන හමුවේදී ජනාධිපතිවරයා මේ බව ප්‍රකාශ කළා.

සයිටම් ආයතන පරිපාලනයට වෙනම කොමිසමක් පත් කරන බවයි ජනාධිතිවරයා කියා සිටියේ.

වර්තමානයේ රටේ ආර්ථිකය ශක්තිමත්ව හා ස්ථාවරව ඉදිරියට ගමන් කරන බව පැවසූ මෛත්‍රීපාල සිරිසේන මහතා වර්තමානය වන විට ශ්‍රී ලංකාවේ ආයෝජනය කර ඇති විදේශ සංචිත ප්‍රමාණය බිලියන 5 ඉක්මවා ඇති බවද සදහන් කළා.

ඉදිරි සති දෙක ඇතුළත රාජ්‍ය ආයතනවල තනතුරුවල වෙනසක් සිදු කරමින් රාජ්‍ය යාන්ත්‍රණයේ වෙනසක් සිදු වනු ඇති බවද ජනපතිවරයා සදහන් කර තිඛෙනවා.

එමෙන්ම මීතොටමුල්ල සිද්ධිය සම්බන්ධයෙන් වගකිව යුතු පාර්ශවයන් පිළිබඳව සොයා බැලීම සඳහා විශ්‍රාමික විනිසුරුවරයෙකු යටතේ මාසයක් ඇතුළත විමර්ශනයක් සිදු කර වාර්තාවක් කැඳවන බවද මෛත්‍රීපාල සිරිසේන මහතා මහතා මෙහිදී කියා සිටියා.

ශ‍්‍රීලනිප, යූඑන්පී ආණ්ඩුවලට කුණු ප‍්‍රශ්නයට විසඳුම් නැහැ : JVP



ශ්‍රී ලංකා නිදහස් පක්ෂය, එක්සත් ජාතික පක්ෂය ප්‍රමුඛ ආණ්ඩුවලට කුණු ප්‍රශ්නයට විසඳුම් නැති බවත් ජනාකීර්ණ ප්‍රදේශවලට කුණු දාපු ආණ්ඩුව දැන් ජනතාව වගඋත්තරකරුවන් කිරීමට සූදානම් වන බවත් මේ ආණ්ඩුව කරන දෙවැනි සාපරාධී කටයුත්ත එය බවත් ජනතා විමුක්ති පෙරමුණේ ප්‍රචාරක ලේකම්, පාර්ලිමේන්තු මන්ත්‍රී විජිත හේරත් මහතා පවසයි.

ඒ මහතා මේ බව පැවසූවේ පැලවත්ත බත්තරමුල්ල හි පිහිටි ජනතා විමුක්ති පෙරමුණේ ප්‍රධාන කාර්යාලයේ අද (20) පෙරවරුවේ පැවති මාධ්‍ය හමුවක් අමතමිණි. එම මාධ්‍ය හමුව සඳහා ජනතා විමුක්ති පෙරමුණේ මධ්‍යම කාරක සභික, පළාත් සභා මන්ත්‍රී, නීතීඥ සුනිල් වටගල මහතා සහ හිටපු නාගරික මන්ත‍්‍රී ධම්මික විජයමුණි මහතාද එක් වී සිටි අතර එහිදී වැඩිදුරටත් අදහස් දැක්වූ විජිත හේරත් මහතා…

“කැළි කසල කියන්නේ රටකට ජාතික ප‍්‍රශ්නයක්. නමුත් අපේ රටේ ආණ්ඩු එම ජාතික ප‍්‍රශ්නයට ජාතික මැදිහත්වීමක් සිදුකළේ නැහැ. ගෙවුණු අවුරුදු 69 පුරා කිසිදු ආණ්ඩුවක් මේ ප‍්‍රශ්නයට ජාතික මට්ටෙමින් මැදිහත් වුණේ නැහැ. ශ්‍රීලනිපය ප‍්‍රමුඛ ආණ්ඩු, එජාපය ප‍්‍රමුඛ ආණ්ඩු රටේ කුණු ප‍්‍රශ්නයට විසඳුමක් දුන්නේ නැහැ කුණු ප‍්‍රතිචක්‍රීකරණය සඳහා වැඩපිළිවෙළක් හැදුවේ නැහැ. හැම මොහොතෙම සිදුකළේ පැලැස්තර උත්තර ගේන එක විතරයි. එක තැනක කුණු තවත් තැනකට ගිහින් දැම්මා.

2008දී කොළොන්නාවේ මීතොටමුල්ලට කොළඹ නගරයේ කුණු දැමීම ආරම්භ කළා. 1979 සිට මීතොටමුල්ලට දැම්මේ කොළොන්නාව නගර සභාවේ කුණු පමණයි. කොළඹ කුණු දාපු බ්ලූමැන්ඩල් ප‍්‍රදේශයේ නීතිමය ප‍්‍රශ්නයක් නිසා මීතොටමුල්ල තෝරාගත්තා. ඒ අවස්ථාවේදී එම ප‍්‍රදේශය ජනාකීර්ණ ප‍්‍රදේශයක් වී තිබුණු නිසා කුණු දාන්න එපා කියලා ජනතාව විරුද්ධ වුණා. කුණු දාන එක ගැන  කොළොන්නාව නගර සභාවට ආපු විශේෂ යෝජනාවට විරුද්ධ වුණේ ජවිපෙ මන්ත්‍රී ධම්මික විජයමුණි සහෝදරයා විතරයි. අනෙක් පක්‍ෂ දෙකේ මන්ත්‍රීවරු සියලු දෙනාම කුණු දාන එකට පක්‍ෂව අත ඉස්සුවා. ජනතාව ඊට විරුද්ධව උද්ඝෝෂණ කළා. ඝෝඨාභය රාජපක්‍ෂ හමුදාව පොලීසිය දාලා මිනිස්සු බිය වද්දලා කුණු දැම්මා. වසර ගණනකට පසුව එම ප‍්‍රදේශය කුණු කන්දක් බවට පත්වුණා. අවසානයේ ඒ කුණු කන්ද කඩා වැටිලා විශාල ඛේදවාචකයක් ඇතිවුණා.

මේ තත්වය ආණ්ඩුව විසින් පාලනය කළ යුතුව තිබුණා. කොළොන්නාව නගර සභාව, බස්නාහිර පළාත් සභාව, ආණ්ඩුව මෙම ප‍්‍රශ්නය සැලකිල්ලට ලක්කළේ නැහැ. ප‍්‍රධාන ප‍්‍රශ්නය තමයි, අපේ රටේ තියෙන කුණු මාෆියාව. මෙම කුණුවලින් සල්ලි හම්බකරන දේශපාලනඥයින් සහ නිලධාරීන් පැලැන්තියක් ඉන්නවා. ඔවුන් කුණු ඉල්ලමක් කරගෙන මුදල් හම්බ කරනවා. ඒ නිසයි මේ තරම් කුණු ප‍්‍රශ්නයක් වෙලා තියෙද්දී කුණු කඳු ගොඩගැහෙන්නේ. එකතුවෙන කුණු කසළ ජන ශූන්‍ය ප‍්‍රදේශයකට බැහැර කරලා ප‍්‍රතිචක‍්‍රීකරණය කරන්න පුළුවන්. නමුත් කුණු ඉල්ලමක් කරගත්තු දේශපාලනඥයින්ගේ බලපෑම් නිසා මේ ප‍්‍රශ්නයට විසඳුම් හොයන්න බැරිවෙලා තිබෙනවා.

අද මහ ඇමතිවරු, ආණ්ඩුවේ ඇමතිවරු එක එක කතා කියනවා. බස්නාහිර මහ  ඇමතිවරයා මෙගා පොලිස් ඇමතිවරයාට වගකීම පවරනවා. බ්‍රිතාන්‍ය සමාගමක් ඉදිරිපත් කරපු ව්‍යාපෘතිය චම්පික රණවක ප‍්‍රතික්ෂේප කළා කියලා මහ ඇමති කියනවා. ඇමතිවරු කඹ අදිනවා. මහ ඇමති එකක්, මෙගා පොලිස් ඇමති තව එකක් කියනවා. මීතොටමුල්ල කුණු කන්ද ඉවත් කරන්න සමාගම් 108ක් ඉල්ලුම් කළා. මෙම කුණු දහනය කොට විදුලිය නිපදවන්න, ජීව වායුව හදන්න, පොහොර හදන්න, ඔවුන් ව්‍යාපෘති ගණනාවක් ඉදිරිපත් කළා. ලැබෙන ලාභයෙන් ආණ්ඩුවට කොටසක් ගෙවන්නත් යෝජනා වුණා. නමුත් ඒ කිසිවක් ක්‍රියාත්මක වුණේ නැහැ. මීතොටමුල්ලට විතරක් නෙවෙයි බ්ලූමැන්ඩල්වලටත් වුණේ එකම දෙයක්. මේ ප‍්‍රදේශවල පමණක් නොවෙයි රටේ විවිධ ප‍්‍රදේශවල කුණු ප‍්‍රශ්නය උග‍්‍ර වෙමින් තිබෙනවා. කුණු මාෆියාව නිසා උත්තර හොයන්න බැරිවෙලා තියෙනවා. ආණ්ඩුව තමයි මේ මාෆියාව පරද්දලා විසඳුම් දෙන්න ඕන. නමුත් මේ ආණ්ඩු අවුරුදු 69ක් තිස්සේ කළේ එකිනෙකාට බැන ගන්න එකයි කඹ අදින එකයි විතරයි.

දැන් ආණ්ඩුව විසඳුමක් කියලා තවත් පැලැස්තරයක් අලවන්න යනවා. මේ කුණු තව ස්ථානයකට ගෙනිහින් දාන්න යනවා. කලින් ආණ්ඩුව පුත්තලමට ගෙනියන්න හැදුවා. මේ ආණ්ඩුව ඒකල ඔතේ කැලේට කුණු දාන්න හදනවා. එම ප‍්‍රදේශයත් ජනාකීර්ණ ප‍්‍රදේශයක්. අනෙක් පැත්තෙන් අත්තනගලු ඔය තියෙනවා. සුළු වැස්සකටත් ගංවතුරෙන් යට වෙනවා. ඒ නිසා අනතුරක් තිබෙනවා. ඒ නිසයි ඒකල ජනතාව මීතොටමුල්ලේ කුණු එපා කියන්නේ. ආණ්ඩුව කරන්න හදන්නේ මීතොටමුල්ලේ ප‍්‍රශ්නය ඒකලට ගෙනියන එකයි. ඒක උත්තරයක් නෙවෙයි. අනෙක් පැත්තෙන් කොළඹ කුණු කරදියානට ගෙනියන්න හදනවා. එතැනත් ටොන් ලක්‍ෂ ගාණක කුණු එකතු වෙලා. කරදියානත් ජනාවාසකරණය වූ ප‍්‍රදේශයක්. අනෙක් පැත්තෙන් බොල්ගොඩ ඔය. ඒ නිසා තමයි පක්‍ෂ භේදයක් නැතිව පොදු ජනතාව මේකට විරුද්ධ වෙන්නේ. ආණ්ඩුවේ නායකයෝ කියනවා, මේක දේශපාලන උසිගැන්වීමක් කියලා. ඒ චෝදනාවලින් ආණ්ඩුව කියන්න හදන්නේ තමන්ගේ බැරිකමයි. තමන්ට ස්ථිර විසඳුමක් නැතිකමයි. මේක හරියට තමන්ගේ වත්තේ කුණු අනුන්ගේ වත්තට දාලා බේරෙන්න හදනවා වගේ වැඩක්. ඒකෙන් ප‍්‍රශ්නය විසඳෙන්නේ නැහැ.

ජනතා විමුක්ති පෙරමුණේ අපි 2002දී තිස්ස ප‍්‍රාදේශීය සභාවේ බලය ගත්තා. ඒ වෙලාවේ ප‍්‍රාදේශීය සභාවට තිබූ ප‍්‍රධාන ප‍්‍රශ්නයක් තමයි කැළි කසල ප‍්‍රශ්නය. ප‍්‍රාදේශය සභාවක් ලෙස පළමු වතාවට කසල ප‍්‍රතිචක්‍රීයකරණය අපි ආම්භ කළා. ‘උඩුගම් බලා යන පරිසර ව්‍යාපෘතිය’ ලෙස අපි ඒක නම් කළා. මුලින්ම අපි කළේ අක්කර 10ක ජනශූන්‍ය ප‍්‍රදේශයක් තෝරා ගත්තු එක. ඉන් පසුව වන අලි එන එක නවත්වන්න ඉඩම වට කරලා විදුලි වැටක් ගැහුවා. පසුව කුණු වෙන් කරලා එම ඉඩමට ගිහින් දැම්මා. ටැංකි 04ක් නිර්මාණය කරලා එකතු වුණු කුණු ප‍්‍රතිචක‍්‍රීයකරණය කරලා කාබනික පොහොර හැදුවා. කාබනික පොහොර මල්ලක් රුපියල් 25 ගණනේ සහන මිලකට දුන්නා. අපි කසළ ප‍්‍රතිචක්‍රීයකරණය පිළිබඳ ආදර්ශයක් දුන්නා. විවිධ ප‍්‍රාදේශීය සභා ගෙන්වලා තිස්ස ප‍්‍රාදේශීය සභාවේ කසළ ප‍්‍රතිචක්‍රීයකරණ ව්‍යාපෘතිය පෙන්වුවා. අද වනවිටත් ඇතැම් ප‍්‍රාදේශීය සභා, නගර සභා යම් තරමකට මේ ප‍්‍රශ්නයට විසඳුම් හොයාගෙන තියෙනවා. නමුත් ආණ්ඩුවට විසඳුමක් හොයාගන්න බැරිවෙලා තිබෙනවා. අද කයිවාරු ගහන රාජපක්‍ෂ ආණ්ඩුව එදා තිස්ස ප‍්‍රාදේශීය සභාවේ කසළ ප‍්‍රතිචක්‍රීයකරණ ව්‍යාපෘතිය විනාශ කරලා දැම්මා.

රාජපක්‍ෂලා ගොඩගහපු කුණු තමයි අද මීතොටමුල්ලේ තියෙන්නේ. ගෝඨාභය කොළඹ ලස්සන කරනවා කියලා මීතොටමුල්ලේ කුණු පිරෙව්වා. මෙහි පළමු වගඋත්තරකරුවන් වෙන්නේ රාජපක්‍ෂ ආණ්ඩුවයි. මේ ආණ්ඩුව රාජපක්‍ෂලා ගොඩගහපු කුණු පවත්වාගෙන ගියා. මෙම කුණු ප‍්‍රශ්නයට විද්‍යාත්මක විසඳුමක් තිබෙනවා. ලෝකයේ බොහෝ රටවල් මෙම විද්‍යාත්මක විසඳුම් යොදාගෙන තිබෙනවා. සමාජවාදී කියුබාව, මෙම විසඳුම් පාවිච්චි කරලා සම්පූර්ණයෙන් ඩෙංගු මර්දනය කළා. ළදරු පාසැලේ සිට වැඩිහිටියන් දක්වා කසල කළමනාකරණය පිළිබඳ දැනුවත් කරනවා. ඒ විදිහටම අපි තිස්ස ප‍්‍රාදේශීය සභාවේ ළදරු පාසැල්වල කසළ කළමනාකරණය පිළිබඳ දරුවන්ට ඉගැන්වුවා. මේවා පිළිබඳව ජනතාව දැනුවත් කිරීම, අධ්‍යාපනය ලබාදීම ආණ්ඩුව විසින් කළ යුතුයි. දිරාපත්වන කුණු, දිරාපත් නොවන කුණු වෙන් කිරීමට ජනතාව දැනුවත් කළ යුතුයි. පාසැල් තුළ විෂය නිර්දේශවලට කසල ප‍්‍රතිචක්‍රීයකරණය පිළිබඳ කරුණු ඇතුළත් කළ යුතුයි. ඊට සමගාමීව ආණ්ඩුව කසළ ප‍්‍රතිචක‍්‍රීයකරණයට යාන්ත‍්‍රණයක් සකස් කළ යුතුයි. මේ කරුණු දෙකම එකතු වනවිට තමයි සැබෑ උත්තරයක් ලැබෙන්නේ.

කසළ ප‍්‍රතිචක්‍රීයකරණයේ ප‍්‍රධාන කරුණු දෙකක් තිබෙනවා. එකක් තමයි, මූලාශ‍්‍රයේදී වෙන් කිරීම. අනෙක් කාරණය වෙන්නේ ත්‍රී ආර් සිස්ටම් එක. රෙඩියුස්, රී යූස් සහ රීසයිකල්. මෙම ක‍්‍රමය යටතේ කසළ කළමනාකරණය කළ යුතුයි. අපේ රටේ මහ ඇමතිවරු, කැබිනට් ඇමතිවරු, අපේ රටේ නායකයෝ  ඕනෑ තරම් ලෝකයේ වෙනත් රටවල්වලට ගිහින් මේවා පිළිබඳව අධ්‍යයනය කරනවා. ඒත් ලංකාවේ ක්‍රියාත්මක වෙන්නේ නැහැ. ඒකට හේතුව තමයි කුණු මාෆියාව ක්‍රියාත්මක වීම. කුණු ඉවත්කරන කොන්ත‍්‍රාත්තුව ගන්නේත් දේශපාලකයින්. ආණ්ඩුවත් මේ මාෆියාව පවත්වාගෙන යන කොටස්කාරයෙක්.

ඒ නිසා මේ ප‍්‍රශ්නයට උත්තරය එක තැනකින් තව තැනකට කුණු දාන එක නෙවෙයි. ජන ශූන්‍ය ප‍්‍රදේශයකට කුණු බැහැර කරලා ප‍්‍රතිචක්‍රීයකරණය ආරම්භ කළ යුතුයි. ඒ වගේම විපතට පත්වූවන්ට කඩිනම් සහන සැලසිය යුතුයි. අපේ රටේ ජනාධිපතිවරයා විපත සිදුවූ ස්ථානයට ගියේවත් නැහැ. අගමැති ගියෙත් කට බැඳගෙන, නහය වහගෙන. ලැජ්ජයි. මියගිය අයට ලබාදුන් මිනී පෙට්ටිවල ලෑලි ගැලවෙනවා. මේ ආණ්ඩුවේ නායකයන්ට අවම සදාචාරයක්වත් නැහැ. කෝටි ගණන් ඇමතිවරුන්ට වියදම් කරනවා.  ඇමතිවරයෙකුට ගේන එක වාහනයක සල්ලිවලින් මේ කසළ ප‍්‍රශ්නයට විසඳුම් හොයන්න පුළුවන්. අරණායක, සාලාව ප‍්‍රදේශවලදී විපතට පත්වූ ජනතාව වෙනුවෙන් මේ ආණ්ඩුව කරපු දේවල් අපි දන්නවා. ඒ නිසා ඒ විදිහටම මීතොටමුල්ලේ ජනතාවට සිදුවෙන්න දෙන්න එපා. බොරු කයිවාරු නැතිව මේ ප‍්‍රශ්නයට ස්ථිර විසඳුමක් ලබාදිය යුතුයි. එමෙන්ම සාධාරණ ලෙස වන්දි ගෙවීම් කළ යුතුයි.”

පළාත් සභා මන්ත‍්‍රී නීතිඥ සුනිල් වටගල මහතා අදහස් දක්වමින්…

“මේ සිදුවීමෙන් පස්සේ විදේශගත ශ්‍රී ලාංකිකයින්ට පවා ඒ රටවල පාරේ බැහැලා යන්න ලැජ්ජාවක් ඇතිවෙලා. විදේශගතව ඉන්න මගේ යාළුවෙක් මට කතා කරලා කිව්වා, ඒ කතාවේ ඇත්තක් තියෙනවා. ගුවන්තොටුපොළෙන් බැහැලා කොළඹට එන විදේශකයෙකුට කැළණි පාලමේදී වම බැලුවම පේන්නේ කොළොන්නාවේ කුණු කන්ද. දකුණ බැලුවාම පේන්නේ බ්ලූමැන්ඩල් කුණු කන්ද. ඉතියෝපියාවෙන් පස්සේ කුණු කන්දකට යටවෙලා මිනිස්සු මැරුණු රට ලංකාවයි. ලැජ්ජාවට කරුණක් තමයි.

කොළොන්නාවේ මෙම භූමිය කුණු දාන්න තෝරා ගත්තේ නිසි පරිසර ඇගයීම් වාර්තාවකට අනුව නොවෙයි. ඒ වගේම මේ ආණ්ඩුවට අවස්ථා 3කදී මෙම විපතෙන් ජනතාව බේරගන්න කටයුතු කරන්න තිබුණා. එක වෙලාවක මේ කුණු කන්ද ගිනි ගත්තා. ඒ මොහොතේදී මෙම කුණු කන්දේ වපසරිය පිළිබඳව නිසි ඇගයීමක් කළේ නැහැ. මෙම කුණු කන්ද තිබුණේ මඩ සහිත භූමියක. මේ මෑතකදී සුළු ගං වතුර තත්වයක් ඇතිවුණා. එහිදී අසාමාන්‍ය ලෙස නිවාස යටවුණා. ඒ වෙලාවේදීත් අපි අදාළ ආයතන දැනුවත් කළා. මෙම ස්ථානයේ අසාමාන්‍ය තත්වයක් නිර්මාණය වෙලා තියෙනවා කියලා. ආසන්නම බරපතළම සිදුවීම සිදුවුණේ අප්‍රේල් 11 රාත්‍රියේ. අප්‍රේල් 12වැනිදා මම එතනට ගිහින් බැලුවා. අසාමාන්‍ය ලෙස එම ප‍්‍රදේශයේ කොටසක් ඉරි තලා ගිහින් තිබුණා. කොන්ක්‍රීට් තට්ටුවක් පැළිලා ඈත් වෙලා තිබුණා. ඒ මොහොතේදීත් අපි අදාල බලධාරීන් දැනුවත් කළා. නමුත් මේ අවස්ථා හැම එකකදීම බලධාරීන් මේ ගැන අවධානය යොමු කරන එක මගඇරියා.

මේ සිදුවීමන් මළ සිරුරු 32ක් ඊයේ (19) වනවිට ගොඩ අරගෙන තිබෙනවා. තවත් ගණනය නොකළ ප‍්‍රමාණයක් පොළොව යට ඉන්නවා. මේක ස්වභාවික ආපදාවක් නෙවෙයි. නොසැලකිලිමත්කම නිසා අනියම් මිනී මැරුමක්. නගර සභා ආඥා පනතේ 129 වගන්තියට අනුව කුණු ඉවත් කිරීම නගර සභාව සතු වගකීමක්. ඒ වගේම 130 වගන්තියට අනුව කසළ තම වත්කමක් බවට පත්කරගත යුතුයි. තිස්සමහාරාමය ප‍්‍රාදේශීය සභාවේදී අපි ඒක හරියටම කළා. නමුත් මීතොටමුල්ල ගත්තහම කුණු දැම්මේ කිසිදු ප‍්‍රමිතියකින් තොරවයි. ඒ වගේම ව්‍යසනය ඇතිවන බව දැනුම්දී තිිබියදී එය නොසලකා හැරලා. දණ්ඩ නීති සංග‍්‍රහයේ 298 වගන්තිය අනුව නොසලකා හැරීමෙන් මරණ සිදුකිරීම දඬුවම් ලැබිය හැකි වරදක්. අවුරුදු 5ක සිර දඬුවමකට යටත් කළ හැකියි. ඒ නිසා මේ මරණ වළක්වන්න හැකියාව තිබුණා. බලධාරීන් තමන්ගේ වගකීම අත්හැරීම නිසා මිනිස්සුන්ට ජීවිත දන් දෙන්න සිදුවුණා. මේ අපරාධයට පහුගිය රාජපක්‍ෂ ආණ්ඩුව අනුබල දුන්නා. මේ ආණ්ඩුව එම ක්‍රියාව සිදුකළා. ඒ නිසා මේ ආණ්ඩු දෙකම මේ මරණවලට වගකිව යුතුයි. අපි මේ වනවිටත් මේ පිළිබඳව නීතිමය උපදෙස් ගනිමින් තිබෙනවා. මීට වගකිව යුතු පුද්ගලයින්ට නඩු පැවරීම සඳහා.

ඒ වගේම මේ සිදුවීම ගැන ජනාධිපතිරවයා සමඟ සාකච්ඡාවක් පැවැත්වුණා. නමුත් කාමරයේ ගන්නා තීරණ මහ පොළොවේ ක්‍රියාත්මක නොවන තත්වයක් මතුවෙලා තිබෙනවා. මහ ඇමතිවරයා කොළොන්නාවේ කුණු ඉවත්කිරීමට සියලු ක්‍රියාමාර්ග අරගෙන තියෙනවා කියලා සාකචඡාවේදී එකඟ වුණාට ඒක පොළොවේ ක්‍රියාත්මක වෙන්නේ නැහැ. මම ඊයේ කොළොන්නාව ප‍්‍රදේශයේ සංචාරය කරනකොට මට දැනගන්න ලැබුණා, කොළොන්නාව නගර සභාවෙන් කුණු ඉවත් කරන එක නතර කළා කියලා ජනතාව දැනුවත් කරන බව.  ඒ වෙලාවේ මම නගර සභාවට ගිහින් මේ ගැන විමසුවා. ඔවුන් නගර සභා පනත උල්ලංඝනය කරලා වැඩ කරනවා. නමුත් නගර සභාවේ මේකට වගකියන කිසිවෙක් හිටියේ නැහැ. ඒ නිසා තමයි මම කිව්වේ ශීත කාමරවල ගන්නා තීරණ මහ පොළොවේ ක්‍රියාත්මක වෙන්නේ නැහැ කියලා.

මීතොටමුල්ලේ තවත් අවදානම් කලාපයක් තියෙනවා කියලා දැන් හඳුනාගෙන තිබෙනවා. දැන් හමුදාව ඇවිත් කියනවා, ඒ ප‍්‍රදේශවලින් ජනතාවට ඉවත් වෙන්න කියලා. නමුත් එහෙම කියපු පලියට ජනතාවට ඉවත් වෙන්න බැහැ. ඒ නිවාස, තට්ටු දෙකේ තුනේ කෝටි ගණන් වටිනා දේපොළ. යන්න කිව්වට වී ගබඩාවකට යන්න මේ මිනිස්සු කැමති වෙන්නේ නැහැ. තමන්ගේ කෝටි ගණන් වටිනා දේපොළ දාලා යන්න ඔවුන් කැමති නැහැ.

ආණ්ඩුව වන්දි ගෙවීම ගැන ප‍්‍රකාශයක් කර තිබුණා. මිය ගිය අයෙකුට රුපියල් ලක්‍ෂයක් සහ නිවසකට රුපියල් ලක්‍ෂ 25ක් ගෙවනවා කියලා. එය රක්‍ෂණයෙන් ලැබෙන මුදලයි. මේක ආණ්ඩුවෙන් ගෙවන මුදලක් නෙවෙයි. ඒ නිසා අපි ආණ්ඩුවට කියන්නේ මේ දේපොළ පිළිබඳව ඇත්ත සාධාරණ තක්සේරුවක් කරන්න කියලා. මේ ආණ්ඩුව ජනතාවගේ ජීවිත එක්ක සෙල්ලම් කරනවා. අපි ඒකට ඉඩ තියන්නේ නැහැ. ජවිපෙ ජනතාවගේ පැත්තේ ඉඳිමින් මෙම ගැටලුවට විසඳුම් හොයන්න මැදිහත් වෙනවා.”

හිටපු නාගරික මන්ත‍්‍රී ධම්මික විජයමුණි මහතා අදහස් දක්වමින්…

“දහම්පුර, මීතොටමුල්ල ප‍්‍රදේශවල ජනතාව මුහුණ දීලා තිබෙන්නේ ඉතාම ශොකාකූල තත්වයකට. මිනිස් ජීවිත 32ක් අහිමි වෙලා තිබෙනවා. තවත් 30කට පමණ ආසන්න පිරිසක් අතුරුදහන් වෙලා. මෙම ස්ථානයට 1979 ඉඳලා කුණු දැම්මා. මේ මිනිස්සු කුණු කන්දක් ළඟට ඇවිත් පදිංචි වුණේ නැහැ. ආණ්ඩුව මිනිස්සු ඉන්න තැනකට කුණු ගෙනත් දැම්මා. කුඹුරක් තිබුණු ඉඩමකට තමයි ආණ්ඩුව කුණු ගෙනත් දැම්මේ. දිනේෂ් ගුණවර්ධන ඇමතිවරයා තමයි මෙම ස්ථානයට කුණු දාන්න නඩු තීන්දුවක් ගත්තේ. නගර සභාවේදී මම විතරයි මේකට විරුද්ධ වුණේ. ඒ වෙලාවේදී තිබුණු තත්වය ඔබ සියලු දෙනා දන්නවා ඇති. එදා නගර සභාවේදී මට වතුර වීදුරුවෙන් පවා පහර දුන්නා. නගර සභාවේ කාර්ය මණ්ඩලය තමයි මාව බේරගත්තේ. මෙතැන්ට කුණු දාන්න කිසිදු පරිසර වාර්තාවක් නැහැ. එවකට ආරක්‍ෂක ලේකම්වරයාගේ අණකට අනුව තමයි තීන්දු තීරණ ගත්තේ. මේකේ වගඋත්තරකරුවන් නීතිය ඉදිරියට ගෙන ආ යුතු බවයි ප‍්‍රදේශවාසීන් කියන්නේ.

පාරම්පරිකව ජීවත් වුණු මිනිස්සු ඉන්න තැනකට කුණු ගෙනත් දාලා දැන් කියනවා එම ප‍්‍රදේශය අවදානම් කියලා. මිනිස්සුන්ට ඉවත් වෙන්න කියලා. පහුගිය ආණ්ඩුව කුණු දැම්මා. මේ ආණ්ඩුව කුණු පෙන්වලා ඡන්ද ගත්තා. ඒ ප‍්‍රදේශයේ මිනිස්සුන් ඉවත් කරන විදිහත් සාධාරණ නැහැ. ඒ නිසා අපි කොලොන්නාව ජනතාව සමඟ මේ ප‍්‍රශ්නයට විසඳුම් හොයන්න මැදිහත් වෙනවා. මේ සඳහා ඔබ සියලූ දෙනාට අපිත් එක්ක එකතු වෙන්න කියලා ආරාධනා කරනවා.”

මාධ්‍යවේදීන් නැගූ ප‍්‍රශ්නවලට පිළිතුරු දෙමින්…

“මේ ප‍්‍රදේශයේ ජීවත් වුණු 60කට ආසන්න පිරිසක් මෙම අනතුරට මුහුණ දුන්නු බව තමයි ප‍්‍රදේශවාසීන් පවපසන්නේ. ආණ්ඩුවේ ලේඛනවලට අනුව මේ වනවිට 08 දෙනෙක් අතුරුදහන් කියලා තිබෙනවා. නමුත් මේ පිළිබඳව නිශ්චිතව තොරතුරු ලබාගන්න නොහැකි වෙලා තිබෙනවා. අවුරුදු නිසා මේ ප‍්‍රදේශයට පිටතින් ආව පිරිස් ඉන්නවා. සිද්ධිය වූ දිනයේ උත්සවයක් තිබුණා කියලත් වාර්තා වෙනවා. එනිසා මෙම සංඛ්‍යාලේඛනවල විචලනයක් තියෙන්න පුළුවන්.

විගණකාධිපතිගේ වාර්තා අනුව කුණු ඉවත් කිරීමේ ක්‍රියාවලියේ මූල්‍ය අක‍්‍රමිකතා සිදුවෙලා තියෙන බව පැහැදිලියි. කුණු එක්ක සල්ලි ගනුදෙනු වන බව සියලු දෙනාම දන්න කරුණක්. එය ඔප්පු කර ගැනීම නීතිය ඉදිරියේ තියෙන දෙයක්.

කුණු ඉවත්කිරීමේ ක්‍රියාවලියට යොදාගන්න කැටෆිලර් යන්ත‍්‍රයකට පැයකට රුපියල් 8000ක මුදලක් ගෙවනවා. එතකොට හිතාගන්න පුළුවන් මෙහිදී කොයි තරම් මුදලක් ගෙවා තිබෙනවාද කියලා. ඒත් මේ විපතට පත්වුණු ජනතාවට ගෘහ භාණ්ඩ ලබාගන්න දෙන්නේ ලක්‍ෂ දෙක හමාරයි.

දැන් ආණ්ඩුව මෙහි වගකීම ජනතාව මත පටවන්න හදනවා. අවදානම් තත්වයක් තියෙද්දී ප‍්‍රදේශවාසීන් ඉවත් වුණේ නැහැ කියලා චෝදනා කරනවා. මේවා පාරම්පරික ඉඩම්. එම ඉඩම්වලට කුණු දාලා ජනතාව එතැනින් ඉවත් කරන්න හදනවා. නමුත් ආණ්ඩුව කළ යුතුව තිබෙන්නේ ජන ශූන්‍ය ප‍්‍රදේශයක් තෝරාගෙන කුණු ප‍්‍රතිචක්‍රීයකරණයට වැඩපිළිවෙළක් හදන එකයි. ඒකට මිනිස්සු විරුද්ධ වෙන්නේ නැහැ. නමුත් කුණු ගෙනත් දාපු ආණ්ඩුව මිනිස්සු වගඋත්තරකරුවන් කරන්න හදනවා. ඒක තමයි මේ ආණ්ඩුව කරන දෙවැනි සාපරාධී කටයුත්ත.”

LT