මිසර රාජ වංශයේ ලාබාලතම රජ කෙනෙකු වූ ටූටන් කාමන් රාජ්‍යත්වයට පත්වූයේ ක්‍රි.පු. 1340 දීය.එවිට ඔහුගේ වයස අවු 12 කි.වයස අවුරුදු 18 වන විට මෙම රජු අභිරහස් ලෙස මරණයට මත් වන්නේ මිසරයම හඬවමිනි.මෙම රජුගේ මරණින් මතු ජීවිතය සඳහා විශාල පිරමිඩයක් ඉදිවිය.ඒ එතෙක් මෙතෙක් විශාලම පිරමීඩය යි.මෙම පිරමීඩය තුල ඉතා වටිනා වස්තු සම්භාරයක් රැස් කරන ලදී.
මෙම පිරමීඩය සඳහා පුරාවිද්‍යා කැනීම් සිදුවූයේ 1922 දීය.1923 පෙබරවාරි 17 වසර 3400කට පසු මෙම පිරමීඩය නැවත විවෘත කරන ලදී.එහි තිබූ ගල් පුවරුවක මෙලෙස සටහන් වී තිබුණි.
“මහ රජතුමාගේ සදාකාලික නින්දට බාධා කිරීම නොකරන්න.එසේ කරන්නන්ට හිමි වන්නේ මරණයයි.”මේ පිළිබඳ එතරම් ගණනකට නොගත් ගවේශකයන් පිරිස සොහොනේ ඇතුල් ගැබට පිවිසී එහි තිබූ මහා වස්තු සම්භාරය තමන් යටතට ගත්තේය.
සොහොන විවෘත කරන්නට මොහොතකට පෙර මෙම කාර්යයට මුදල් ආයෝජනය කළ කාන්වර්ත් සාමි වරයා අභිරහස් ලෙස මරණයට පත්වනවා.මියනවිට “ටූටන්කාමන්” යන වචනය ඉතා බියකින් කිහිපවරක්ම තෙපලුවේය.එන සිදුවීමෙන් මාස කිහිපයකට පසු සාමිවරයාගේ සොහොයුරා වන මුදල් ආයෝජනය කළ අනෙක් තැනැත්තාද අභිරහස් ලෙස මියගියේය.කැනීම් භාර ලේකම් රිචඩ් බෙතල් ක්ෂණික මරණයකට ගොදුරුවිය.ඔහු හොඳ ශරීර සෞඛ්‍යයකින් පසුවූවෙක් විය.මරණයට හේතුව සොයාගැනීමටවත් කිසිවෙකුට හැකියාවක් තිබුනේ නැත.දේහය අඩංගු පෙට්ටිය සොයා ගැනීමට දායක වූ කැනඩයිට් සහ පැසනෝවා යන ගවේෂකයන් දෙදෙනාද හිටි හැටියේ මරණයට පත් විය.මළ සිරුර වීඩියෝගත කල පුද්ගලයාද වීඩියෝගත කරන අවස්තාවේදී මරණයට පත්විය.
මෙම ගවේෂණයට සම්බන්ධ වූ ඇමෙරිකානු පුරාවිද්‍යඥයකු වූ ආතර් මේස් නැවත සිය රට බලා පිවිසෙද්දී නැවේදී රෝගාතුරවී මියගියේය.සොහොන් ගැබට ඇතුල් වූ විද්‍යාඥ ආතර් වෙරිගල්ටවත් මරණයෙන් බේරීමට නොහැකිවිය.මෙලෙස මෙම කාර්ය සඳහා සහභාගී වූ 23 දෙනෙකුටම මරණය හිමිවී තිබුනේ අභිරහස් ලෙසයි.
මෙම ශාපය අදටත් ක්‍රියාත්මක වන බව බොහෝදෙනාගේ මතයයි.වරක් මෙම පිරමීඩය මහජන ප්‍රදර්ශනය සඳහා සූදානම් කරන විට එහි සංවිධායකයාද මරණයට පත් වී ඇත.1972 දී මෙම සොහොන සොයාගැනීමේ 50 වෙනි සංවත්සරය සඳහා මමියේ රන් ආලේපිත වෙස් මුහුණ එංගලන්තයට යැවීමට කටයුතු සූදානම් කරන ලදී.මෙයට පෙර ප්‍රංශයේ ද මෙවැනිම මෙවැනිම ප්‍රදර්ශනයක් සංවිධානය කළ සංවිධායක වරයාද මියගියේ අභිරහස් ලෙසයි.මේ ගැන එතරම් ගණනකට නොගත් ආචාර්ය ගමාල් පුරාවස්ත්තුව එංගලන්තයට යවන ලදී එය සිදුවූ දිනම ඔහුද මියගියේය.
මෙම සොහොන ආශ්‍රිතව විවිද රූපවාහිනී සහ චිත්‍රපට නිෂ්පාදනය සඳහා උත්සහ කල අය හිටි හැටියේම හදිසි අනතුරුවලට ලක්විය.එම නිෂ්පාදන අතරමඟ නවතා දැමීමට සිදුවිය.
මෙම අකල් මරණ සහ අනතුරු වලින් පෙනී යන එක් කරුණක් ඇත.එනම් මේවා ස්වාභාවික නොවන යම් කිසි බලවේගයක් නිසා ඇති වුනු ගුප්ත සිදුවීම් වන බවය.මෙවැනි දේ ඇත්තටම විය හැකිද?
මරණයට පත් වූ මීසර ජාතිජයෙක් ගැන සත්‍ය කතාවක් 1931 දී ඇමෙරිකාවේ රෝස් මේරි නම් දැරියකට මුහුණ දෙන්නට විය.ඇය තමන් 18 වෙනි ආමෙන්හොටෙප් නම් අධිරාජ්‍යාගේ බිසවක් බව පවසන්නට විය.ආමෙන් අධිරාජ්‍යයා ක්‍රි.පු 1460-1377 දක්වා කාලයේ විසූවෙක් බවට අනුමාන කෙරේ.එකල පැවති මිසර භාෂාවෙන්ම රෝස්මේරි දැරිය කතාකරන්නට වීම සැමටම අරුම පුදුම දෙයක් විය.
මැරුණත් සදාකල් ජීවිත් වන බව සිතමින් තම මමිය ආශ්‍රිතව පිරමීඩ තුළ හෝ ඒ අවට අවකාශයේ සැරිසරම්න් ඔවුන්ගේ නින්දට බාධා කරන අය හට බලපෑම් කරමින් මෙම ශාප ක්‍රියාත්මක වීම සත්‍ය විය හැකිද.
ලංකාවේ ඇතුන් 1500ක් පමණ මරා දැමූ මේජර් තෝමස් විලියම් රොජර්ස් කළ වන විනාශය නැවතීමට කිසිවෙකුට නොහැකි විය.බදුල්ලේ එක් හිමි නමක් “උඹට හෙණ වැදිය යුතු” යැයි ඔහුට ශාප කළේය.මේජර් රොජර්ස් හපුතලේ දුර්ඝයේදී අකුණු සැර වැදී මරණයට පත්විය.අදටත් ඔහුගේ සොහොන් කොතටද කිහිප විටකම අකුණු සැර වදින බව වාර්තා වේ.
