උතුරු පළාත් මහ ඇමැති සී වී විග්නේෂ්වරන් කියන කියන පදවලට අප නටන්නේ නැතැයිද ඔහු පවසන. අයුරින් උතුරේ ආරක්‍ෂක හමුදාව කිසිසේත් ඉවත් කරන්නේ නැතැයිද ප්‍රාදේශීය සංවර්ධන ඇමැති ෆිල්ඩ් මාර්ෂල් සරත් ෆොන්සේකා මහතා පැවැසීය. හෙතෙම එසේ පැවසුවේ පසුගිය (20දා) දහවල් කිරිබත්ගොඩ රෝහලේ පැවැති මාධ්‍ය හමුවකදීය.
උතුරේ මහ ඇමැතිවරයා සිහින දකින බව පැවසූ සරත් ෆොන්සේකා මහතා විග්නේෂ්වරම්ලාගේ දේශපාලනය දිගින් දිගට දියවී යන බවද ඔවුන්ගේ බලාපොරොත්තු කිසිසේත් ඉටු නොවන බවද පැවැසීය. ඉකුත් 19 වැනිදා කිලිනොච්චියේ වෙඩි තැබීම පිළිබඳව මාධ්‍ය කළ විමසීමකදී සරත් ෆොන්සේකා ඇමැතිවරයා මෙසේද පැවැසීය.
පිළියන්දල පැත්තෙන්, කළුතර පැත්තෙන් මේ මෑතකදි ඔය වගේ වෙඩි තැබීම් සිදුවුණා. උතුරේ වෙඩි තැබීම් පිළිබඳව මාධ්‍ය ලොකුවට හිතනවා. ප්‍රභාකරන් ඉන්න කාලේ මාධ්‍යයට හොඳයි. දැන් ඒවා නැහැ. ඇතැම් මැති ඇමැතිවරුන් ආණ්‌ඩුවේ සිටම ආණ්‌ඩුව විවේචනය කරනවා. එහෙම අයට දුම්මල ගසා එළවා දැමිය යුතුයි.
කිරිබත්ගොඩ රෝහල දියුණු කිරීම පිළිබඳව අවධානය යොමු කළ යුතුයි.
මාලනි ප්‍රෙමතිලක මහත්මිය විසින් මෙහිදී කිරිබත්ගොඩ රජයේ රෝහලට උපකරණ පරිත්‍යාගයක්‌ සිදු කළ අතර රෝහලේ වෛද්‍ය අධිකාරි සුගිත් දර්ශන මහතාට සහ විශේෂ ශ්‍රෝණියේ හෙද නිලධාරි ප්‍රියංගනී සම්පත් මහත්මියට මෙම උපකරණ භාරදීම ඇමැතිවරයා අතින් සිදුවිය.
මෙම උත්සවයට බස්‌නාහිර පළාත් සභා මන්ත්‍රී යු. ජෝර්ඡ් පෙරේරා සහ බුද්ධික මිහිපති මහතා ඇතුළු පිරිසක්‌ සහභාගි වූහ.
No comments:
Post a Comment