අයි එස් ත්‍රස්තයින් මෙරටින් සාමාජිකයින් බදවාගන්නා බවට තොරතුරු

26 Muslims pose in ISIS t-shirts at a mosque in Tamil Nadu state

ශ්‍රී ලංකාව ඉන්දියාව හා බංග්ලාදේශය යන රටවල අයි එස් අයි එස් ත්‍රස්ත සංවිධානය සදහා තරුණ පිරිස් බදවා ගැනීමේ කටයුතු සිදුකෙරෙන බව ඉන්දියාවේ එන් ඩී ටී වී පුවත් සේවය අනාවරණ කර තිඛෙනවා.

ඒ විශේෂ වාර්තාවත් හරහායි.

ඉන්දියාව විසින් අත්අඩංගුවට ගත් අයි එස් ක්‍රියාකාරීන් විසින් මේ පිළිබද අනාවරණ කර ඇති බවයි හෙළිවන්නේ.

මෙය අයි එස් සංවිධානය විසින් ගෝලීය වශයෙන් ත්‍රස්තවාදය ව්‍යාප්ත කිරීමේ අරමුණින් සැලසුම් කරන සාමාජිකයින් බදවා ගැනීමේ වැඩසටහනක් බව දැක්වෙනවා.

එවන් ත්‍රස්ත සාමාජිකයින් කිහිප දෙනකුම ඉන්දියාව විසින් පසුගිය සමයේ අත්අඩංගුවට ගෙන තිබුණා.
එසේ අයි එස් ත්‍රස්තවාදීන් වෙනුවෙන් ක්‍රියාත්මක වන කණ්ඩායම් තරුණයින්ගේ මනස වෙනස් කරමින් ත්‍රස්තවාදයට සම්බන්ධ කර ගැනීමේ නිරත වන බවයි පැවසෙන්නේ.

කෙසේ වෙතත් මෙවන් තත්ත්වයන්ට මුහුණදීම සදහා මෙරට ජාතික ආරක්සාව සවිමත් බවයි මීට පෙර රජය සදහන් කළේ.