20 July 2017

කැළි කසළින් විදුලිය එන බලාගාර 3ක්

 කැළිකසළ භාවිතයෙන් විදුලිය නිෂ්පාදනය කිරීමේ ව්‍යාපෘතියේ මූලික අදියරේ කටයුතු ලබන මස 10 වැනිදා වනවිට ආරම්භකරන බව මහනගර සහ බස්නාහිර සංවර්ධන අමාත්‍ය පාඨලී චම්පික රණවක මහතා සඳහන් කළේය.

ඒ අනුව මෙම ව්‍යාපෘතිය යටතේ කසළ භාවිතයෙන් විදුලිය නිපදවන විදුලි බලාගාර 03ක් ඉදිකිරීමට නියමිත අතර, කොළඹ, ගම්පහ, කරදියාන ප්‍රදේශයන්හි එම බලාගාර ආරම්භකිරීමට සැලසුම්කර ඇති බවද අමාත්‍යවරයා සඳහන් කළේය.

මෙම බලාගාර තුන සඳහා කසළ ටොන් 1500ක් භාවිත කර විදුලිය ජනනය කිරීමේ හැකියව ඇති අතර, කොළඹ කසළ ගැටලුව විසඳීමට මෙයට යම් ආකාරයක සහනයක් වනු ඇති බවදඅමාත්‍යවරයා පැවසීය.

විදුලි බලාගාර තුනෙහි සියලුම ඉංජිනේරු කටයුතු සහ භෞතික කටයුතු අවසන් කර ඇති අතර, අගෝස්තු 10 සිට මූලික අදියරේ වැඩකටයුතු ආරම්භකිරීමටදඅමාත්‍යවරයා අපේක්ෂා කරයි.

මෙම විදුලි බලාගාර තුන සඳහා ටෙන්ඩර් කැඳවීමේදී විවිධ ආයතන දෙක තුනක් ඉල්ලුම්කළ බවට වූ ප්‍රචාරය සම්පූර්ණ අසත්‍යයක් බවත් ඒ සඳහා ලෝකය පුරා විවිධ ආයතන 194ක් ඉල්ලුම් කර තිබූ බවත් ඉන් වඩාත් සුදුසු ආයතන 03ක්තෝරාගත් බවත්අමාත්‍යවරයා සඳහන් කළේය.

No comments:

Post a Comment