ෆේස්බුක් ගිණුම් හරහා පළ කරන
ජාතියකට හෝ ආගමකට අවමන් කෙරෙන ආකාරයේ ඡායාරූප සහ ෆේස්බුක් සටහන් පාකිස්තානය
තුල තහනම් කිරීමට ෆේස්බුක් සමාගම කටයුතු කරමින් සිටින බව පාකිස්තාන රජය
පවසයි.
පාකිස්තානය තුල ෆේස්බුක් තහනම් කිරීමට එරෙහිව තමන් උපදෙස් ලබා දුන් බව එරට ස්වදේශ කටයුතු අමාත්‍යංශයේ ජ්‍යෙෂ්ඨ නිලධාරියකු ඉස්ලාමාබාද් නුවර අධිකරණයක් හමුවේ ප්‍රකාශ කර ඇති බවද සඳහන් වේ.
ජාතියකට හෝ ආගමකට අපහාස වන ආකාරයෙන් කෙරෙන ප්‍රකාශන සම්බන්ධයෙන් පියවරක් ගන්නා ලෙස පාකිස්තානය ෆේස්බුක් සමාගමෙන් ඉල්ලීමක් කර තිබු බවද විදෙස් මාධ්‍ය වාර්තා කර තිබේ.
එමෙන්ම එවැනි එක් එක් කාරණා සම්බන්ධයෙන්
විවිධ රටවලින් ෆේස්බුක් සමාගම වෙත පැමිණිලි ලැබී ඇතැයිද වාර්තා වේ. එම
පැමිණිලි වලට නිශ්චිත පියවර ගන්නේ නම් ඇතැම් විට ෆේස්බුක් සමාජ ජාලය අවසන්
කිරීමට සිදුවනු ඇතැයිද විශ්ලේශකයෝ පෙන්වා දෙති.
No comments:
Post a Comment