20 April 2017

මීතොටමුල්ල අවට රෝග බෝවීමේ අවදානමක්



මීතොටමුල්ල කසල කන්ද නායයෑම හේතුවෙන් එම ප්‍රදේශයේ ජනතාව අතර දීර්ඝ කාලීන සහ කෙටිකාලීන රෝග තත්ත්වයන් ඇති විය හැකි බව සෞඛ්‍ය අංශ පවසයි.

මේ සම්බන්ධයෙන් අද දෙරණ කළ විමසීමකට පිළිතුරු දෙමින් ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ මහතා සඳහන් කළේ චර්ම රෝග, පාචන රෝග වැනි රෝග තත්ත්වයන් කෙටිකාලීනව හටගත හැකි බවය.

පවතින තත්ත්වය හමුවේ ඩෙංගු රෝගය ලෙප්ටොස් පයිරසීස් හෙවත් මී උණ රෝගී තත්ත්වයන් හා ප්‍රජනක පද්ධති ආශ්‍රිතව ඇති වන රෝග තත්ත්වයන් ඇති විය හැකි බව ද ඔහු සඳහන් කළේය.

මේ අතර කසල කන්ද නායයැමට ලක්වු ස්ථානයේ සිට කිලෝමීටර් පහක පමණ දුරින් පිහිටි එළවළු පළතුරු හෝ පළා වර්ග වගා කෙරෙන ගොවිබිම්වල ඵලදාව වෙළෙඳපලට එවීමෙන් වළකින ලෙස ද උපුල් රෝහණ මහතා ඉල්ලීමක් කර තිබේ.

No comments:

Post a Comment