07 May 2017

වෙසක් සතිය අදින් ඇරඹේ – දන්සල්වලට චක්‍රලේඛයක්



එක්සත් ජාතීන්ගේ වෙසක් උත්සවය සහ රාජ්‍ය වෙසක් උත්සවයට සමගාමීව වෙසක් සතිය අද සිට ආරම්භ වන බව බෞද්ධ කටයුතු කොමසාරිස් ජනරාල් නිමල් කොටවලගෙදර පවසනවා.

ඔහු කියා සිටියේ මීට සමගාමීව වැඩසටහන් රාශියක් ද දියත් කිරීමට සැලසුම් කර ඇති බවයි.

ඒ අනුව අද සිට ලබන 13 වනදා දක්වා වෙසක් සතිය ක්‍රියාත්මක බව ප්‍රකාශ කළ ඔහු කියා සිටියේ මෙවර රාජ්‍ය වෙසක් උත්සවය වට්ටාරම විහාරස්ථානය මුල් කරගෙන පැවැත්වෙන බවයි.

වෙසක් දන්සල් පැවැත්වීමේදී අනුගමනය කළ යුතු ක්‍රියාපිළිවෙත් සම්බන්ධව චක්‍රලේඛයක්ද නිකුත් කළ බව බෞද්ධ කටයුතු කොමසාරිස් ජනරාල් නිමල් කොටවලගෙදර ප්‍රකාශ කළා.

එහිදී ඔහු සදහන් කළේ දන්සල් සදහා බැතිමතුන් ගෙන්වා ගැනීමට බෞද්ධ ධජය වෙනුවට කහ පැහැති කොඩියක් භාවිතා කරන ලෙසයි.

No comments:

Post a Comment