26 June 2017

ශ්‍රී ලංකා ක්‍රිකට් ස්මාර්ට්ෆෝන් සහකරු හුවාවි

ශ්‍රී ලංකාවේ ප්‍රමුඛතම  ස්මාර්ට්ෆෝන් සන්නාමය වන   ‘හුවාවි‘ ශ්‍රී ලංකා ක්‍රිකට් කණ්ඩායමේ නිලලත් ස්මාර්ට්ෆෝන් සහකරු බවට පත්වෙයි.

ශ්‍රී ලංකා පිරිමි ක්‍රිකට් කණ්ඩායම සහ කාන්තා ක්‍රිකට් කණ්ඩායම මෙන්ම ටෙස්ට්, එක්දින සහ විස්සයි විස්ස තරඟ සඳහා මෙම ස්මාර්ට්ෆෝන් අනුග්‍රාහකත්වය ලබාදීමට  ‘හුවාවි‘ එකඟ වී තිබේ. ශ්‍රී ලංකාවේ ජනප්‍රියතම ක්‍රීඩාව සඳහා අනුග්‍රාහකත්වය ලබාදීමෙන් සිය සන්නාමය  ක්‍රිකට් තරමට ශ්‍රී ලාකේය හදවත් වෙත සමීප කරවීමට  ‘හුවාවි‘ අපේක්ෂා කරයි.

‘හුවාවි‘ ශ්‍රී ලංකා හි ප්‍රධාන විධායක නිලධාරි ෂුන්ලි වොන්ග් සහ  ශ්‍රී ලංකා ක්‍රිකට් සභාපති පාර්ලිමේන්තු මන්ත්‍රී තිලංග සුමතිපාල යන මහත්වරුන් අතර මෙම ස්මාර්ට්ෆෝන් අනුග්‍රාහකත්වයට අත්සන් තැබීම සහ එම ගිවිසුම් හුවමාරු කරගැනීම පසුගියදා සිදුකෙරිණ.

මෙම අවස්ථාවට එක්වෙමින්  ‘හුවාවි‘  ශ්‍රී ලංකා ප්‍රධාන විධායක නිලධාරි ෂුන්ලි වොන්ග් මහතා සඳහන් කළේ  මෙරට ප්‍රමුඛ තොරතුරු තාක්ෂණ විසඳුම් සැපයුම්කරු මෙන්ම ප්‍රමුඛතම ස්මාර්ට්ෆෝන් සන්නාමයක් වන ‘හුවාවි‘ ශ්‍රී ලංකා  ක්‍රිකට් හා අත්වැල් බැඳ ගැනීම සුවිශේෂි අවස්ථාවක් බවයි. ශ්‍රී ලංකාවේ ජනප්‍රියතම ක්‍රීඩාව වන ක්‍රිකට්  වෙත සහයෝගය දැක්වීමට අවස්ථාවක් හිමිවීම සම්බන්ධයෙන් තමන් සතුටට පත්වන බවද හෙතෙම සඳහන් කළේය.  ප්‍රජාවට සිය සිහිනයේ  බලය  අවබෝධ කර ගැනීමට  ඉඩ සැලසීම ‘හුවාවි‘ හි අරමුණ බවද හෙතෙම සඳහන් කලේය.

සන්නාමය පිළිබඳ ජනතාව දැනුවත් කිරීම වර්ධනය කිරීම මෙන්ම  ලොව විවිධ සංස්කෘතින් වල විවිධ ජන කොටස් වලට අයත් පාරිභෝගිකයා  වෙත සමීප වීමට  ‘හුවාවි‘ සමත් වී ඇති බව ද හෙතෙම පෙන්වා දුන්නේය.   විවිධ ජන සමාජ වල විවිධ ශක්‍යතා හඳුනා ගනිමින් ඒවාට අනුග්‍රහය ලබාදීමට ඉදිරියේදී ‘හුවාවි‘ සැලසුම් කර ඇති බවද  ‘හුවාවි‘ ශ්‍රී ලංකා ප්‍රධාන විධායක නිලධාරිවරයා වැඩිදුරටත් සඳහන් කළේය.

‘හුවාවි‘ ඉතා කෙටි කලක් තුළ ජනප්‍රියත්වයට පත්වූ සන්නාමයක් වන අතර ‘හුවාවි‘ හි ජාත්‍යන්තර සන්නාම තානාපති වරයා වන්නේ ලෝ ප්‍රකට පාපන්දු ක්‍රීඩක ලයනල් මෙසී  ය.

‘හුවාවි‘ සහ ශ්‍රී ලංකා ක්‍රිකට් අතර සබඳියාව වසර 2014 දී සවිමත් වූයේ එංගලන්ත කණ්ඩායමේ ශ්‍රී ලංකා තරඟ සංචාරය සඳහා අනුග්‍රහය දැක්වීමෙනි.  තොරතුරු තාක්ෂණ විසඳුම් සපයන ලොව ප්‍රකට හා ප්‍රමුඛ සමාගමක් වන ‘හුවාවි‘ යුරෝපය, ආසියාව, අප්‍රිකාව, ඇමරිකාව සහ ශාන්තිකර  ආදී කලාපවල රටවල්  සඳහා විවිධාකාරයෙන් අනුග්‍රාහකත්වය සපයයි.

‘හුවාවි‘ ලොව ප්‍රමුඛ  විවිධ ක්‍රීඩා ඉසව් සඳහා  විවිධ අවස්ථාවල අනුග්‍රහය දක්වා ඇති ජාත්‍යන්තර සමාගමකි. ආසනල් පාපන්දු සමාජය, ඒ.සී.මිලාන්, සහ අයි.පී.එල්. ක්‍රිකට් තරඟාවලියේදී රෝයල් චැලෙන්ජර්ස් බැංගලෝර් කණ්ඩායමට අනුග්‍රාහකත්වය ලබාදීම ඉන් කිහිපයකි. මීට අමතරව ඇමරිකාවේ ප්‍රථම ක්‍රීඩා සමාජය වන වොෂිංටන් රෙඩ් ස්කින් කණ්ඩායම සමඟ ද ‘හුවාවි‘ අත්වැල් බැඳගෙන සිටින අතර  වසර 2012 සිට ඕස්ට්‍රෙිලියාවේ කැන්බරා රයිඩර්ස්  කණ්ඩායම වෙත ද ‘හුවාවි‘ සිය දායකත්වය දී තිබේ.




No comments:

Post a Comment