ජනපති දියණියකගේ ඡායාරූපයක් සමාජ ජාල කළඹයි

ජනපතිවරයෙකුගේ බාල දියණියකගේ ඡායාරූපයක් හේතුවෙන් මේ වන විට සමාජ ජාල මාධ්‍ය ඔස්සේ දැඩි කතාබහක් මතුව ඇති බව විදෙස් වාර්තා පෙන්වා දෙනවා.

කිර්ගීසියාවේ ජනාධිපති අල්මාෂ්බෙක් අතම්බෙයාෆ්ගේ බාල දියණිය වන අලියා ශගීවා සිය දියණියට මව්කිරි ලබාදෙන ඡායාරූපයක් මෙලෙස දැඩි කතාබහට ලක්ව තිබෙනවා.

එම ඡායාරූපයේ දැක්වෙන්නේ ඇය විසින් නිරාවරණය කෙරුණු උඩුකයෙන් යුක්තව සිය දරුවාට මව්කිරි පොවන ආකාරයයි.

කෙසේ වෙතත් මෙය දරුවෙකුට මව්කිරි පොවන දසුනක් ද නැතහොත් එය සරාගී හැගීම් මතුකරන දසුනක්දැයි සමාජ ජාල මාධ්‍ය ඔස්සේ දැඩි සංවාදයක් මතුව තිබෙනවා.

ජනපති දියණිය පවසා ඇත්තේ සිය බිළිදාට කුසගිනි වූ  ඕනෑම අවස්ථාවක  ඕනෑම ස්ථානයක සිට මව්කිරි දෙන බවයි.

මතුවූ දැඩි සංවාදයත් සමග ඇය මෙම ඡායාරූපය ඉවත් කරගෙන ඇති අතර ඇගේ පියා ඇතුළු පවුලේ සාමාජිකයින් ද ඡායාරූපයට නොසතුට පළ කර තිබෙනවා.