07 July 2017

ඇමෙරිකාවෙන් ලෙඩ සනීප කරන ‘ජාන තාක්ෂණය’ ලංකාවට ගේන්න යයි

ජාන තාක්‍ෂණයෙන් රෝගීන්ට ප්‍රතිකාර කළ හැකි ආකාරය පිළිබඳ වාර්තාවක් දෙසතියක් තුළ සකස් කර ලබාදෙන ලෙස සෞඛ්‍ය පෝෂණ හා දේශීය වෛද්‍ය අමාත්‍ය දෝස්තර රාජිත සේනාරත්න මහතා අමාත්‍යාංශ නිලධාරීන්ට නියෝග කර තිබෙනවා.

ඒ අනුව ඇමෙරිකා එක්සත් ජනපදයේ ක්‍රියාත්මක ජාන තාක්‍ෂණයෙන් මෙරට රෝගීන්ට ප්‍රතිකාර කිරීමේ ක්‍රමවේදය ක්‍රියාත්මක කිරීමටයි සෞඛ්‍ය අමාත්‍යවරයා තීරණය කර ඇත්තේ.

ඒ පිළිබඳ විශේෂ සාකච්ඡාවක් පසුගියදා සෞඛ්‍ය අමාත්‍යාංශයේදී පැවැත්වූ අවස්ථාවේදී ඇමැතිවරයා මේ බව සඳහන් කළේ.

මෙම ප්‍රතිකාර ක්‍රමය ක්‍රියාත්මක කිරීම සඳහා වෙනම ඒකකයක් ස්ථාපිත කිරීමටද නියමිත ඇති අතර මේ ප්‍රතිකාර ක්‍රමය පිළිබඳ පුහුණුව ලැබූ වෛද්‍යවරු 11ක් ශ්‍රී ලංකාවේ සිටින අතර ඔවුන්ගෙන් දෙදෙනකු විදේශගතවී ඇති බවයි වාර්තා වන්නේ.

සෙසු වෛද්‍යවරු මෙම සාකච්ඡාවට පැමිණ සිටි අතර මෙම ප්‍රතිකාර ක්‍රමය ක්‍රියාත්මක කිරීමට පූර්ණ සහයෝගය ලබාදෙන බව එම වෛද්‍යවරු සෞඛ්‍ය අමාත්‍යවරයාට පොරොන්දු වී තිබෙනවා.

මෙම ප්‍රතිකාර ක්‍රමයේදී රෝගය ඇතිවීමට බලපාන සෛලවලට සහ වයිරසවලට ප්‍රතිකාර කරනු ලබනවා. මෙම වෛද්‍යවරුන් සඳහා ඇමෙරිකාවේ බෙලර්, රයිස් සහ හුස්ටන් යන විශ්වවිද්‍යාලවල පුහුණුවක් ලබාදීමටද නියමිතයි.

මෙම ප්‍රතිකාර ක්‍රමය එම විශ්වවිද්‍යාලවල දැනට භාවිත කරනු ලබන අතර පිළිකා ඇතුළු රෝග රැසකට ජාන තාක්‍ෂණයෙන් ප්‍රතිකාර කළ හැකි බවයි සෞඛ්‍ය අමාත්‍යවරයා පවසන්නේ.

No comments:

Post a Comment