පවතින අධික උණුසුම් කාලගුණය හේතුවෙන් දිවයින පුරා මිලියනයකට අධික ජනතාව ජලය නොමැතිව පීඩාවට පත්ව ඇති බව ආපදා කළමනාකරණ මධ්‍යස්ථානය පවසනවා.
එම මධ්‍යස්ථානය සදහන් කළේ අනුරාධපුරය, පොළොන්නරුව, පුත්තලම, හම්බන්තොට, වව්නියාව ඇතුළු දිස්ත්‍රික්ක 12 ක ජනතාව මේ හේතුවෙන් පීඩාවට පත්ව ඇති බවයි. ඇතැම් ප්‍රදේශවල ජනතාව පානීය ජල ගැටලූවට මුහුණ දෙන අතරතුර, තම වගාවන් විනාශයට පත්වීමේ ගැටලූවට ද මුහුණදෙන බවයි වාර්තා වන්නේ.
කෙසේ වෙතත්, කාලගුණ විද්‍යා දෙපාර්තමේන්තුව අනාවැකි පළ කරන්නේ ඉදිරි දින කිහිපය තුළදී රාත්‍රී කාලයේදී දිවයිනේ ප්‍රදේශ රැසකට වැසි අපේක්ෂා කළ හැකි බවයි.
No comments:
Post a Comment